Ennanga 71:20 - BIBLIYA NTAGATIFU OMU MASHI

²⁰ We wanyêrekaga amalibuko ntya, we wananshubizamwo omûka, we wanashubindengeza onkûle omûla kuzimu.

Ennanga 71:20 ပူးပေါင်းရင်းမြစ်များ

2 Samweli 12:11

“Ntya kwo Nyakasane adesire: Omu nyumpa yâwe mwo na nênê mwo nakuzûkiza obuhanya. Narhôla erhi wanasinza, mbahe owundi mulume, abajire bakage erhi lyanabasha”.

Ennanga 119:25

Bampizire okw’idaho: ompembûlage nka kulya waderhaga.

Ennanga 138:7

Nkabâ omu maganya, onanzibuhye, onalambûle okuboko kwâwe wagombyamwo abanshomba, onancize.

Ennanga 16:10

Bulya orhankalikirira omûka gwâni omu kuzimu, orhankanaziga omwîra wâwe abolera omu nshinda.

Ennanga 60:3

Nyamuzinda kulikirira oku warhulikirîre wanarhuvunira amatumu, kuluba oku warhulubîre, orhugalukirage mâshi mâshi.

Ennanga 60:5

Olubaga lwâwe walukolîre ebizibu mushâna idivayi lya kudungadunga walunywesize.

Ennanga 80:18

Okuboko kwâwe kubêre kuli olya mulume w’aha kulyo kwâwe, olya mwene omuntu wazibuhagya wêne.

Ennanga 85:6

K’okola wayôrha orhulubîre ensiku zoshi, nîsi erhi olubîre amâburhwa g’abantu goshi?

Ennanga 86:13

Bulyâla olukogo lwâwe lwayishir’ibà lunji kuli nie, washâywîre omûka gwâni omu muhengere gw’ekuzimu.

Ennanga 95:4

Enyenga z’en’igulu aha nfune yâge zibà, n’amasongêrwe g’entondo goshi gâge.

Izaya 26:19

Abafu bâwe bâshubiramw’omûka, n’emirhumba yâbo yafûka. Zûki, muyimbe n’omwîshingo, mwe mugwishîre omu katulo! Bulya olumè lwâwe luli lumè lwa bulangashane, n’igulu lyâshub’iburha balya bâli bakola bizunguzungu.

Izaya 38:17

Alà oku amarhabi gâni gamâhinduka murhûla! We walanzire obuzîne bwâni bulêk’irhogera omu nyênga, erhi ojugucira ebyâha byâni byoshi enyuma z’omugongo gwâwe.

Yônà 2:6

Amîshi galingosire kuhika emumiro, entuli yalingosire, emihulula y’erwîshi yalinfukafusire irhwe.

Marko 15:34

Erhi kubà mafuluko, Yezu anaciyâma n’izù linene, erhi: «Eloyi, Eloyi, lama sabaktani?» Kwo kuderha: «Nyamuzinda wâni, Nyamuzinda wâni, carhumire ondeka?»,

Ebijiro 2:24

Ci Nnâmahanga amuzûsa, amurhenza omu nkoba z’olufù, bulya kurhankahashikîne lumuhime.

Befezi 4:9

«Arheremîre», kwo kuderha kurhi? Ka kurhali kuderha oku ali arhanzir’iyandagalira omu kuzimu?

Mafulûlo 7:14

Nâni, nti: «Waliha, wêne omanyire». Anacimbwîra, erhi: «Abo bo ba­lya bazind’irhenga omu malibuko madârhi; bàshusire emyambalo yâbo ba­nayiyêruhiza omu mukò gw’Omwâna-buzi.

1 Samweli 2:6

Nyakasane ye yîrha yena lamya, ye yandagaliza omu kuzimu ye nakûla mwo.