Ennanga 71:19 - BIBLIYA NTAGATIFU OMU MASHI

¹⁹ Mbabwîre obushinganyanya bwâwe buhumire oku nkuba Yâgirwa Nnâmahanga, bulya wajiragamwo ebingan’aha; Nyamuzinda mushâna orhajîbwa omu irhwe!

Ennanga 71:19 ပူးပေါင်းရင်းမြစ်များ

Ayubu 5:9

Kuhuma ahuma na gombi, ajira omwandu gw’ebirhankamanywa, ebirhangâzo by’obulenga bwâge birhankaganjwa.

Ennanga 139:6

Obumanye buli ntyo bunsômîre bwenêne, buntalusire bwenêne, ntakabuyumva.

Ennanga 35:10

N’ebivuha byâni byoshi bikaz’iderha, mpu: «Yâgirwa ndi wakakuja omw’irhwe, we shugula engonyi omu nfune za ciri-misî, we shugula omunyi n’omukenyi omu nfune z’owal’imunyaga!»

Ennanga 36:7

Obushinganyanya bwâwe kwo buli ak’entondo za Lungwè, okumany’itwa emmanja kwâwe kwo kuli nka muhengere gwa nyanja. We ciza abantu we ciza n’ebintu Nyamwagirwa.

Ennanga 57:10

Nakukuza omu karhî k’amashanja, Nyamwagirwa, nakuzihira olulanga omu karhî k’ab’ekulî.

Ennanga 72:18

Agishwe Nyakasane Nyamuzinda w’Israheli, Bulya yêne wajizire ebirhangâzo.

Ennanga 86:8

Abazimu barhalimwo okuhisirekwo, Nyakasane, na ntà mulenga ohisire okw’ikola lyâwe.

Lubungo 15:11

Wundi Nyamuzinda ohi oli nka We, Yâgirwa? Ndi oli akâwe, we cilangashane c’obwimâna, murhînywa omu bijiro byâwe, mujizi w’ebirhangâzo?

Migani 15:24

Enjira y’akalamo enahise omwirhonzi enyanya, emuyâse enjira yâjà ekuzimu.

Migani 24:7

Omuhwinja mpu oburhimanya buli enyanya bwenêne, arhanabumbûla kanwa aha ngombe.

Izaya 40:18

Ndi mwankagererakwo Nyamuzinda? Nshusho nci mwankamulinganyanyizâkwo?

Izaya 40:25

Ndi wankangererakwo, olya rhuyûmânîne? Kwo adôsize Omutagatîfu.

Izaya 5:16

Nyakasane Nyamuzinda w’Emirhwe aj’irenge omu bucîranuzi bwâge; Nyamubâho mwimâna ayêrekana obwimâna bwâge omu bushinganyanya bwâge.

Izaya 55:9

Nka kula amalunga gali kulî enyanya ly’igulu, kwo enjira zâni ziri kulî n’enjira zinyu, kwo n’enkengêro zâni ziri kulî enyanya ly’enkengêro zinyu.

Yeremiya 10:7

Ndi orhankakurhînya, mwâmi w’amashanja? Nêci, oli wa kurhînywa! Bulyâla omu bagula b’amashanja boshi, n’omu mâmi gâbo goshi, ntâye bakakugererakwo.

Luka 1:49

bulya Ogala-byoshi anjirire ebirhangâzo, Izîno lyâge liri litagatîfu,

Lushika 3:24

«Nti Yâgirwa Nyamubâho, warhondîre okuyêreka mwambali wâwe obukulu bwâwe n’obuhashe bw’okuboko kwâwe; woyo, ntà w’emalunga erhi w’enigulu wakakuhikakwo oku ikola n’oku bijiro bilushîne,