Ennanga 71:16 - BIBLIYA NTAGATIFU OMU MASHI

¹⁶ Naderha ebijiro by’obuhashe bwâwe, Nnâmahanga, nnanyimbe obushinganyanya bwâwe Nyamwagirwa.

Ennanga 71:16 ပူးပေါင်းရင်းမြစ်များ

Ennanga 106:2

Emikolo y’obuhashe bwa Nyakasane ndi wankayiderha wâni? Emyanzi y’obukuze bwâge ndi wankayiganîra wâni?

Ennanga 29:11

Nyakasane ye wâyîsh’ihà olubaga lwâge emisî, Nyakasane ye wâyîsh’igisha ishanja lyâge omu kulihà. omurhûla.

Ennanga 51:14

Ongalulire obushaguluke bw’obuyôkozi bwâwe, ompè omurhima gw’entwâli.

Ennanga 71:15

Akanwa kâni kacîtakîre obushinganyanya bwâwe, kalegerere kayigâna oku burhabâle bwâwe: ntânaderhe nti lwo lugero nalekerakw’olu.

Ennanga 71:19

Mbabwîre obushinganyanya bwâwe buhumire oku nkuba Yâgirwa Nnâmahanga, bulya wajiragamwo ebingan’aha; Nyamuzinda mushâna orhajîbwa omu irhwe!

Ennanga 71:2

Omu bushinganyanya bwâwe ondîkûze onancize, oyuname ontege okurhwiri onandîkûze.

Ennanga 71:24

Olulimi lundi ekanwa nalwo lurhahuse lwaganîra obushinganyanya bwâwe, obûla balya barhannongezagya kalamo wababonesize nshonyi.

Izaya 26:13

Yâgirwa Nyakasane, Nyamuzinda wîrhu, abandi barhegesi barhali we barhurhambwîre; ci izîno lyâwe dolodolo rhukola rhugashâniza.

Izaya 40:31

Ci abacîkubagira Nyakasane, emisî yâbo kuyûshûka eyushûka, banamerekwo ebyûbi nka nyunda, banakâlibirha burharhama, banakâgenda burhagoyôla.

Izaya 63:7

Nkola nâkuza engalo za Nyakasane n’irenge lya Nyamubâho, ngasi kantu Nyakasane arhujirîre kwoshi, n’aminjà gâge garhajira lugero ajirîre enyumpa y’Israheli, Arhuyêresire obwonjo bwâge erhi arhubabalira n’erhi arhushobôza omwandu gw’engalo zâge.

Zakariya 10:12

Nâzibuhya olubaga lwâni, bâkaz’ishimba enjira zâni. Kwo Nyakasane adesire!

Mateyo 6:33

Burhanzi mulonze Obwâmi bwa Nnâmahanga n’obushinganyanya bwâbo, n’ebyo byoshi mwâyish’ibiyûshûlirwa.

Barom 1:17

Bulyâla obushinganyanya bwa Nyamuzinda buciyêrekana muli ye, bwo bushinganyanya burhenga omu buyêmêre bunakomeza obuyêmêre, nka kulya biyandisirwe, mpu: Obuzîne bw’omushinganyanya bubà buyêmêre.

Barom 10:3

Bulyâla barhamanyiriraga obushinganyanya bwa Nnâmahanga, ci balonza obwâbo bushinganyanya, na ntyo balahira okushimba obushinganyanya bwa Nnâmahanga.

Barom 3:21

Buno lêro, buzira irhegeko, Nyamuzinda ayêrekîne obwimâna bwâge buhamîrizibwa n’Irhegeko n’Abalêbi.

Befezi 3:16

nti ahume omu buhirhi bw’irenge lyâge, a­mmukomeze n’obuzibu bwa Mûka Mutagatîfu, ly’omuntu muhyâhya ommulimwo ayûshûka,

Befezi 6:10

Cabuzinda-zinda, musimike muli Nyakasane n’omu buhashe bw’emisî yâge.

Lushika 33:25

Orhuhamiko rhwâwe rhukaziyôrha rhuli rhwa cûma n’omulinga, n’amagala gâwe mazibu gayunjule nsiku z’akalamo kâwe zoshi!

Bafilipi 3:9

nnamubêmwo, arhali n’o­bwâni bushinganyanya, bulya burhenga omu kushimba amarhegeko, ci n’obushinganyanya burhenga omu kuyêmêra Kristu, bulya buhânwa na Nyamuzinda bunasimikira oku buyêmêre;

Bafilipi 4:13

Nanahasha byoshi n’oburhabâle bw’Olya onzibuhya.

2 Tesalonika 1:6

Nêci, kukwânîne obushinganyanya bwa Nyamuzinda okugalulira abà­mmulibuza amalibuko,

2 Timoteyo 2:1

Wêhe, mwâna wâni, ozibuhe oku burhabâle bw’enshôkano eri muli Kristu Yezu.