Ennanga 7:13 - BIBLIYA NTAGATIFU OMU MASHI

¹³ Abarhalonza okumugalukira, anabarhyagize engôrho yâge, asêze olugè lw’omuherho gwâge agufôle.

Ennanga 7:13 ပူးပေါင်းရင်းမြစ်များ

Ayubu 6:4

Emyampi y’Ogala-byoshi yantulungwîre, yanshâyiremwo, omûka gwâni gudwîrhe gwayubûla obôge bwâyo, n’ebishûgi bya Nyamuzinda nie birhèzire.

Ennanga 11:2

Ba nyankola-maligo abo bagosire emiherho, badwîrhe bafôl’emyampi oku ngè mpu balashire abantu b’emirhima nkana omu mwizimya.

Ennanga 144:6

Zûsa emilazô oshandabanyemwo ababisha, ofôle obageze mihanda erhashingânana.

Ennanga 18:14

Obwo Nyamuzinda anacilaza emalunga, n’izù ly’Ow’enyanya lyàyumvikana

Ennanga 45:5

Ofôle onagende otamîre oku ndogomi, okanye oj’ilwîra oburhabêsha n’obushinganyanya: okulyo kwâwe bwinjà kufôla.

Ennanga 64:3

Oncinge okw’ihano ly’ababî, n’oku kavulindi ka zira nkola-maligo.

Ennanga 64:7

Enkola-maligo bibî zigerereza, kufulika zikaz’ifulika enkengêro zikengire. Nêci wâni, omurhima gwa bene nyenga!

Ndûlù 2:4

Afôzire omuherho gwâge nka mushombanyi, okuboko kwâge kulyo kuli­ nguzize okulasha. Anaciyêrekîne mushombanyi wîrhu bulya amâhungumula ebyakagirhusîmisa. Adubulire omutula gwâge nka muliro oku ka-Nyamuzinda ka Yeruzalemu.

Habakuki 3:11

Igulu n’omwêzi byamayimanzibwa n’obumoleke bw’emyampi yâwe yajà yabalala, bilibisire embere ly’okulangashana kw’itumu lyâwe.

Habakuki 3:13

Wahulusire mpu oj’ifungira olubaga lwâwe, n’okufungira Omushîgwa wâwe, washâba oburhungiri bw’enyumpa y’omubî, wayikundula eciriba coshi kuhika oku mabuye.

Lushika 32:23

Nabalashirakwo amahanya, nabayukizakwo emyampi yâni.

Lushika 32:41

amango nâbà namarhyaza engôrho yâni erhangirayalabuka, n’okuboko kwâni kurhangira okutwa emmanja, ago mango nânacihôlera emunda abashombanyi bâni bali, balya banshomba nânabaha oluhembo lwâbo.

Lushika 32:42

Emyampi yâni nayilalusa n’omukò, n’engôrho yâni yavûgusa enyama: mukò gwababanzirwe n’abagwêrhe mpira, mpanga z’abarhambo b’omushombanyi!

2 Tesalonika 1:6

Nêci, kukwânîne obushinganyanya bwa Nyamuzinda okugalulira abà­mmulibuza amalibuko,

Mafulûlo 16:6

Bulya babulazire omukò gw’abimâna n’ogw’abalêbi, nâwe wa­bahîre omukò mpu bagunywe. Kwo bâli bakwânîne!»

Mafulûlo 6:10

Banaciyâkûza n’izù linene, mpu: «Mâshi Nyamwagirwa, Mwimâna na Nn’okuli, kuhika mangaci wayôrha orhatwîri olubanja orhanahôziri omukò gwîrhu oku bantu b’igulu?»