Ennanga 69:8 - BIBLIYA NTAGATIFU OMU MASHI

⁸ Ebijâci nabirembera we rhuma, enshonyi zànyûbika là!

Ennanga 69:8 ပူးပေါင်းရင်းမြစ်များ

Ennanga 31:11

Okulama kwâni kukola ntâkwo erhi mungo gurhuma, emyâka yâni nayo yahwêrîre omu mirenge. Emisî nagwêrhe omu burhè yahwêrîre, n’orhuvuha rhundimwo byacîbêrîre bivungunyukiza.

Ennanga 38:11

Omurhima gurhaciri gwâni, emisî yâni yansizire omu marhabi, ciru n’obubone bw’amasù gâni bwantibire.

Ennanga 89:51

Kengêra Yâgirwa ebijâci badwîrhe bajacira bambali bâwe; obushombanyi bw’amashanja bwanjizire mungo!

Ennanga 89:52

Abashombanyi bâwe Yâgirwa, bijâci balimwo, banônogwire olya washîgaga wêne bàrhama!

Izaya 50:6

Abanshurhaga nabarhezire ebirhugo, n’abangûgulaga obwânwa nabarhega amarhama. Ababakag’injâcira n’abakâg’intwîra ebusù ntaderhaga nti nabayâsa amalanga gâni.

Izaya 53:3

Agayaguzibwa ananenwa n’abantu; àli muntu wa malumwa, arhahusagya kubabala; àli ashushire olya abandi bacibwîkira obusù omu kumubona; àli agayaguzîbwe, na ntyo nîrhu rhwamulola nka bikabulirwa.

Izaya 53:4

N’obwo malumwa gîrhu al’icihêsize anacibarhuza amalibuko gîrhu. Rhwêhe rhwamulola nka muntu muhane, oshûsirwe na Nyamuzinda anarhôhibwa.

Yeremiya 15:15

Wêhe orhababîri Nyakasane onkengêre, ontangule onambuke omungo gw’aba banshimbulwîre. Omu kulindalinda kw’oburhè bwâwe, orhampekaga orhanarhumaga bampeza; omanye oku we rhumire natumula.

Mateyo 26:56

Okwo kwoshi kwabà ntyo mpu lyo Amandiko g’abalêbi gayunjula. Obwo abaganda bâge banacimuleka.

Yowane 1:11

Ayisha omu bâge, n’abâge barhamuyankiriraga.

Yowane 7:5

Ciru na bene wâbo barhakâg’imuyêmêra.

1 Samweli 17:28

Mukulu wâge Eliyabu ayumva oku adwîrhe ashambâla n’abôla balume bali ahôla, Eliyabu akunirira bwenêne Daudi anacimubwîra, erhi: «Bici wayandagaliraga eno, na ndi wasigîre bulya busô busungunu bw’ebibuzi omu irungu? Niono nyîshi obucîbone ojira n’obwengehusi bw’omu murhima gwâwe; kwàli kuderha mpu oyishilola entambala kwônene kwakudwîrhe».