Ennanga 69:3 - BIBLIYA NTAGATIFU OMU MASHI

³ Nashâyire omu cijondo c’emuhengere lêrhaga aha nankadêkereza okugulu. Yo muhêngere eno mushâna! Amîshi gangezire aha ntondo y’irhwe.

Ennanga 69:3 ပူးပေါင်းရင်းမြစ်များ

Ayubu 11:20

Ci kwône amasù g’endyâlya gohe ganazikîrire, babule aha bayâkira, okulangâlira kwâbo kubè nka ko kukola kurhengamwo omûka.

Ayubu 16:16

Obusù bwâni bwadukulize erhi kulaka kurhuma, n’engohe zâni zirhacibona.

Ennanga 119:123

Amasù ganyumîre embuga, galinga oburhabêsha n’obushinganyanya bw’akanwa kâwe.

Ennanga 119:82

Amasù gâni gayumire galinga oku waderha akanwa: mangaci okolaga wantûliriza obwo?

Ennanga 22:15

Namâbulajika nka mîshi, namâjonjolekana orhuvuha. Omurhima gwâni gwamâjonga nka nsinde, gwamâhirigirha omu nda.

Ennanga 22:2

Yâgirwa Nyamuzinda, Nyamuzinda wâni, kurhi wandekêrîre? Oli kuli n’omusengero n’omulenge gw’izù lyâni.

Ennanga 25:21

Okubà mwêru-kwêru n’okurhalyalyanya byo byananga, bulya we ncîkubagîre.

Ennanga 39:7

Ngasi muntu kugera agera nka cizunguzungu, kwo ahirigirha nka mûka, anarhema analundike ci arhishi ndi wâbihabwe!

Ennanga 40:3

Ankûla omu kuzimu, anshâyûla, ayimanza amagulu gâni oku ibuye, azibuhya ilabarha lyâni.

Ennanga 6:6

Bulya ntâye ofîre wankacikuyibuka ndi wankakukuza kurheng’e kuzimu?

Ennanga 69:21

Ebijâci n’akagayo kâbo byanvunzize omurhima, enjingo zirhaciri zâni; nalinzirage ôwakambà lukogo namubula, nalola nti nabona owakantûliriza, namubula.

Ennanga 88:7

Omu mwîna muli-muli wampebire, omu mwizimya, omu nyenga.

Izaya 38:14

Ndwîrhe navigîra nka hiremberembe nîsi erhi muhangâli, ndwîrhe nagûkubira nka ngûkù. Amasù gampwêrîre emalunga mpenesire. Nkola ngombire, Yâgirwa Nyakasane, onfungire!

Ndûlù 2:11

Amasù gâni garhûnzire n’okulaka emirenge, omurhima gundimwo gwarhozire, ntankabula bwaziguluka kw’obu buhanya bwamarhinda oku lubaga lwâni, bulya abâna b’ebirhaba n’abaciri oku ibêre badwîrhe bafîra omu ngo z’ebishagala n’enyôrha.

Yowane 19:28

Enyuma z’aho, Yezu erhi amanyirîre oku byoshi byayunjwîre, mpu lyo ebyayandisirwe byoshi bibà, anaciderha, erhi: «Enyôrha yamangwârha»,

Lushika 28:32

Bagala bâwe na bali bâwe bahêkwa ihanga lya bene, ngasi lusiku amasù gâwe garhama mpu galola emunda bajire, n’okuboko kwâwe kurhabagalukire.

Bahabraniya 5:7

Erhi àciri en’igulu, àrhûla ensengero n’amingingo omu kuyâma bwenêne n’omu kurhoza emirenge erhi ashenga Olya wali ohashire okumufumya olufù. Ayumvûbwa erhi bukenge bwâge burhuma.