Ennanga 6:8 - BIBLIYA NTAGATIFU OMU MASHI

⁸ Amasù gakola ganduma erhi mirenge erhuma, abashombanyi bâni boshi bagahûsa.

Ennanga 6:8 ပူးပေါင်းရင်းမြစ်များ

Ayubu 17:7

Isù lyâni lyamahola erhi burhè burhuma n’ebirumbu byâni byoshi ekola nzûngu yonene.

Ennanga 116:8

Omûka gwâni alilikûzize oku lufù, amasù gâni àgahôrhola emirenge, n’amagulu gâni arhuma garhahirima.

Ennanga 119:115

Ntengiho, ezi nkola-maligo, ntengiho, nshimbe amarhegeko ga Nnawîrhu Nnâmahanga.

Ennanga 139:19

Nyamuzinda, mâshi oyîrhe enkolamaligo, n’abîsi b’abantu barhengeho omuntu!

Ennanga 145:18

Nnâmahanga ali hôfi ha ngasi yêshi omusengera, ngasi yêshi omusengera n’omurhima gurhajira bulyâlya.

Ennanga 3:4

Ci we mpenzi yâni, Nyamwagirwa, we irenge lyâni we n’ihungiro lyâni.

Ennanga 31:10

Ombêre obwonjo Yâgirwa, kulagîrira kuno isù lyâni lyaganukîrwe erhi mutula gurhuma, omurhima gurhaciri gwâni, n’omubìri kwo na kwo.

Ennanga 56:8

Nyamuzinda mâshi, obalengere oku bubî bwâbo bunakwânîne, orhang’iluba oher’embaga.

Izaya 30:19

Nêci, wâni lubaga lwa Siyoni lubà omu Yeruzalemu, orhakacirhoza mulenge bundi. Mango okabanda endûlù, âkufà lukogo, mango âkayumva izù lyâwe, akushuza.

Izaya 38:3

Amubwîra, erhi: «Mâshi Nyakasane, kengêra oku embere zâwe nal’inyôsire mwemêzi na wa murhima mwimâna, n’oku nakazâg’ijira ebinja omu masù gâwe». Okuhandi Hizkiyahu anacigwîra avugumula emirenge.

Izaya 38:5

«Genda, oj’i­ bwîra Hizkiyahu, mpu: Kwo adesire ntyâla Nyakasane, Nyamuzinda wa sho Daudi: Nayumvîrhe omusengero gwâwe, nabwîne n’emirenge yâwe. Alà oku nkola nayûshûla myâka ikumi n’irhanu oku nsiku z’akalamo kâwe.

Ndûlù 3:56

Wanyumvîrhe oku nakubirikira: orhafukaga amarhwîri gâwe oku nsengero zâni n’ndûlù yâni.

Mateyo 25:41

Okubundi anacibwîre abâli ebwa kumosho kwâge nabo, erhi: «Ntengiho, mwe bakagwa, mujè omu muliro gurhazima, gwarheganyizibagwa shetani na bamalahika bâge.

Mateyo 7:23

“Nâni nyish’ibabwîra obwo oku ntà lusiku nabamanyire, nti: ntengiho mwe banyankola-maligo”.

Luka 13:27

Naye anâmushuze, erhi: “Ntishi muli ba ngahi; ntengiho, mujè aha ntashigirwa, mwe banyankola-maligo mweshi!”

Bahabraniya 5:7

Erhi àciri en’igulu, àrhûla ensengero n’amingingo omu kuyâma bwenêne n’omu kurhoza emirenge erhi ashenga Olya wali ohashire okumufumya olufù. Ayumvûbwa erhi bukenge bwâge burhuma.