Ennanga 57:2 - BIBLIYA NTAGATIFU OMU MASHI

² Ombè lukogo, mâshi Nyamuzinda, ombè nâni lukogo, bulya w’ono omurhima gwâni guyâkîreho. omu cihôho c’ebyûbi byâwe munôla nyâkîre, nti obu buhanya burhang’ihuba.

Ennanga 57:2 ပူးပေါင်းရင်းမြစ်များ

Ennanga 138:8

Nêci, obuzigire bwâwe buli bw’ensiku n’amango, omanye wankacilîkirira emikolo y’okuboko kwâwe.

Ennanga 143:9

Ndîkûza oku bantu banshomba, Yâgirwa, wêne ndangâlîre.

Ennanga 17:8

Onnange nka mbonyi y’isù, onfulike omu kwaha kwâwe.

Ennanga 41:5

Niehe kwo ndesire, nti: «Yâgirwa mâshi ombabalire, oncize bulya nakubîhîre!»

Ennanga 56:2

Ombè lukogo mâshi Nnâmahanga, niono bahizire okw’idaho, badwîrhe bamvulindika burhahusa, nieshi bajirire manywanywa.

Izaya 26:12

Yâgirwa Nyakasane, we orhushobôza omurhûla, n’ebijiro bîrhu byoshi, wêne orhukolerabyo.

Izaya 26:20

«Kanya, lubaga lwâni, ojè omu nyumpa zâwe, onacîyîgalirekwo enyumvi; orhang’icîfulika kasanzi kasungunu kuhika obukunizi bugere.

Izaya 57:15

Nêci, kwo adesire ntyâla Ow’Enyanya emalunga, oyôrha abâho ensiku n’amango; izîno lyâge liri litagatîfu: «Nie mbà enyanya omu ndâro ntagatîfu; ci mbêra haguma n’omuntu ocîyunjuzize n’ow’omurhima mwirhôhye, lyo mpira obuzîne omu myûka y’abîrhôhye, lyo nnampira obuzîne omu mirhima y’abaciyunjuzize».

Bafilipi 1:6

Nnamanyire oku owarhondêraga ogu mukolo mwinjà muli mwe, aguyûkiriza lwoshi, kuhika Olusiku lwa Kristu Yezu.

Bafilipi 2:12

Ntyo, bîra bâni, kulyâla muyôrha munyumva, kwo munyumvagye, arhali amango ndi ekarhî kinyu lyône, ci bwenêne buno ntahali; mushibirire obucire bwinyu erhi munayôbohire munadwîrhe mwageramwo omusisi.

Bahabraniya 13:21

yêne ammujire bantu nkana, lyo mukâjira obulonza bwâge omu minjà ga ngasi lubero; yêne ajire muli mwe ebimusimîsize, Yezu Kristu orhumire. Irenge libè lyâge emyâka n’emyâka! Amen!