Ennanga 5:10 - BIBLIYA NTAGATIFU OMU MASHI

¹⁰ Bulyâla omu kanwa kâbo murhabà oburhali bunywesi, omurhima gwâbo guyunjwîre bubî; omurhima gwâbo eri nshinda nyigule, n’olulimi lwâbo kali kêre ka môji abirhi.

Ennanga 5:10 ပူးပေါင်းရင်းမြစ်များ

2 Samweli 15:31

Banaciyisha balibwîra Daudi omwanzi mpu: «Ahitofeli akola ali boshi na Absalomu omu bugoma». Daudi aderha erhi: «Mâshi Nyakasane nkusengîre nâni Muhanyi, ojire amahano Ahitofeli ankanamuhà gabè ga buhalanjisi mâshi».

2 Samweli 17:14

Absalomu na bene Israheli boshi baderha mpu: «Ihano lya Hushayi Omunya-Arkiti lyamabà linjà kulusha erya Ahitofeli». Nyamubâho warhegeka okugayaguza eryo ihano linjà lya Ahitofeli, bulya alonzagya mpu obuhanya bujè kuli Absalomu.

2 Samweli 17:23

Naye Ahitofeli erhi abona oku barhacishimbire ihano lyâge, ashumika e­ ndogomi yâge ayimuka ashubira omu lugo lwâge. Erhi abà amayumanyanya eby’omu mwâge byoshi, acîmanika afà. Bamubisha omu nshinda y’îshe.

2 Nganîro 25:16

Oku acidwîrhe amudesa, Amaziyahu amushuza erhi: «Ka rhwakujizire muhanûzi wa mwâmi? Rhenga aha! Wankahuma bakuyîrha?» Olya mulêbi erhi akola agenda aderha erhi: «Manyire oku Nyamuzinda anarhozire omuhigo gwa okukuherêrekeza, kulya kubà wajizire kwa bene okwôla orhanayumvîrhe ihano lyâni.»

Esteri 7:10

Banacimanika Hamani kuli gulya mulingoti arheganyizagya Mardokeyo. Na ntyôla mwâmi anacitwîka oburhè.

Ennanga 10:15

Shangula okuboko kw’omubî n’omuhera; obubî bwâge obuhane, burhacifâga bwabonesire.

Ennanga 107:11

kulya kubà bâli barhanzirirhenguha akanwa ka Nyamuzinda, bànali barhanzirigayaguza irhegeko ly’Ow’Enyanya bwenêne.

Ennanga 17:13

Baduka Nyakasane, omujeyo, omushûrhe oku idaho; n’engôrho yâwe olîkûze obuzîne bwâni omu maboko g’Omuhera.

Ennanga 31:18

Yâgirwa mâshi orhazigaga enshonyi zambumba namânakuyakûza, zibumbe ababî bahabe oku bàdesire, bajanwe ekuzimu.

Ennanga 35:26

Balya bacîshinga bakayumva mpanyagîre, batumbaguze mâshi, enshonyi zibabumbe, balya boshi bannimbira bacinyîgererakwo, babumbwe n’ezamêmè.

Ennanga 55:15

Omuntu nabonaga rhwanunirwa n’ecinyabuguma, rhwacûka kuguma omu ka-Nyamuzinda omu kafurhè k’olukulu wâni!

Ennanga 66:7

Buhashe bwâge arhegekamwo ensiku n’amango; isù lyâge lirharhenga oku bantu b’ihanga: mpu abagoma bankanatulumukirwa.

Ennanga 71:13

Ngasi bashimbire omûka gwâni, enshonyi zibagwarhe babulabule; balya barhammirira marhî boshi, enshonyi zibayûbikire, zibabumbe.

Ennanga 79:12

Ojire mâshi Nyamwagirwa, abâlungwe bîrhu ecijâci bakujacira cibagalukekwo kali nda omu murhima

Izaya 1:2

Mwe malunga, muyumve, nâwe we igulu, orhege amarhwîri, bulya Nyakasane odesire, erhi: «Nalîsize abâna nanabalera, ci bôhe bangomera.

Izaya 1:20

“Ci mukalahira, mukabà cikanyi-cirhagomba, mwâhungumuka n’engôrho, bulya kanwa ka Nyakasane kakudesire”».

Izaya 63:10

Ci bôhe bamugomera banakuniza Omûka gwâge mwimâna. Lêro anacihinduka mushombanyi wâbo, yêne abatulakwo entambala.

Ndûlù 1:5

Abashombanyi bâge bo bahimire, abanzi bâge badêkerîre. Nyakasane oyo wamubabazize erhi bugamba bwâge bunji burhuma. Abagala barhôrhô bajà batundulikwa n’omubisha wabagwâsire mpira abahêka bujà.

Daniyeli 9:5

Rhwajizire ebyâha rhwanahabuka, rhwakozire amabî rhwanahinduka bagoma, rhwajandika amarhegeko n’engeso zâwe.

Daniyeli 9:9

Kuli we yâgirwa Nyakasane obwonjo n’olukogo ebwa kubà rhwakugomîre.

Hozeya 9:7

Ensiku z’obuhane zayishire. Ensiku z’okucîhôla zino. Israheli ayumve! «Omulêbi ali musirhe!» Nêci nkaba bulya ecibî câwe ciri cinene, obuhane bwâluga,

1 Bakorinti 3:19

bulya obushinganyanya bwa mw’eri igulu bubà isirhe omu masù ga Nyamuzinda. Kuyandisirwe, mpu: «Ye gwakiza abashinganyanya omu mirhego yâbo»;

Lushika 2:30

Ci kwône mwâmi Sihoni w’e Hesboni alahira mpu arhakarhuleka rhugere emwâge. Nyamubâho, Nyamuzinda wâwe ali amamuhûsa obukengêre anammudundaguza omurhima mpu ly’amuhàye bunya-mpira nk’okûla biri ene.

1 Samweli 25:29

“Erhi hankajira owacîshomya mpu akurhêra, anakuyîrhe, iroho lya nnawîrhu lyanabonerwa omu irhù lya balya balama hôfi na Nyamubâho, Nyamuzinda wâwe, n’iroho ly’abashombanyi bâwe, analiyôha kuli n’engondôzo”.

1 Samweli 25:39

Erhi babwîra Daudi ogw’olwo lufù lwa Nabala, aderha, erhi: «Ayâgirwe Nyamubâho owamatwa olubanja lwa kulya najaciragwa na Nabala na kandi amabulilanga omurhumisi wâge alekijira okubî. Ci obubî Nabala ajiraga, Nyamubâho amamuhirimizabwo oku irhwe lyâge.» Enyuma ly’okwôla, Daudi alîka entumwa yagendibwîra Abigayila oku alonza okumuyinjira.