Ennanga 45:3 - BIBLIYA NTAGATIFU OMU MASHI

³ Omu baburhwa n’abantu w’oyo olushire abandi busole: obwinjà bàbuyansire babubulagira oku kanwa kâwe: okwo kwarhuma Nyamuzinda akugisha oku myâka n’emyâka.

Ennanga 45:3 ပူးပေါင်းရင်းမြစ်များ

Ayubu 1:16

Oku acidwîrhe aderha ntya, owundi apamuka, aderha, erhi: «Omuliro gwa Nyamuzinda, gwamânamanuka emalunga, gwamâsingônola ebibuzi n’abangere, barhahumirwe ekanwa, niene niene nafulumusire, bwo n’obu ndi kubwîra ogwo mwanzi.»

Ennanga 104:1

Murhima gwâni kuza Nyakasane! Yâgirwa Nyamuzinda, mushâna oli mukulu kulusha!

Ennanga 145:12

Lyo bamanyîs’abantu ebirhangâzo wabajirire. irenge ly’obwâmi bwâwe.

Ennanga 145:5

Nêci nyimba irenge ly’obukulu bwâwe, n’ebirhangâzo byâwe.

Ennanga 21:5

Akushenga obuzîne, wamuhabwo, wayûshûla ensiku z’akalamo kâge kuhika ensiku n’amango.

Ennanga 21:7

Nêci, wamuhîre obwangà bw’ensiku n’amango, wamusîmîsa n’obusîme bw’omu masù gâwe.

Ennanga 96:6

Obwâmi n’obumuleke bumushokolîre, n’entebe yâge buhashe n’obulangashane buyirikwo.

Lwimbo 2:3

-Kwo ali nka mulehe ekarhî k’emirhi y’omu busâne, omuzigirwa wâni omu karhî k’abânarhabana. Ntamîre omu cizunguzungu câge nacîfinjaga, n’irehe lyâge liri linunu omu kanwa kâni.

Lwimbo 5:13

Amarhama gâge nka malingo ga mubono-bono, nka ntondo za bukù. Akanwa kâge nka bwâso bwa lisi, amavurha gayenga garhabamwo izâbyo.

Izaya 49:2

Akanwa kâni akajizire nka ngôrho nyôji, anfulisire omu cihôho c’okuhoko kwâge, anjizire mwampi mugôye ananfulika omu murhana gwâge.

Ebijiro 10:36

Arhumîre bene Israheli akanwa kâge mpu bayumve omwanzi gw’Akalembe gwadwîrhwe na Yezu Kristu: ye mwâmi w’abantu boshi.

Barom 14:9

Bulya Kristu afîre anafûka mpu lyo abà Mwâmi w’abafîre n’abazîne.

Bahabraniya 1:3

Oyo Mugala, ye bulangashane bw’irenge lyâge, ye na nshusho y’obwôrhere bwâge; ye tugika igulu n’oluderho lwâge lugala-byoshi. Erhi abà amârhufumya ebyâha bîrhu, aj’ibwârhala ekulyo kwa Nyamuzinda omu mpingu.

Bahabraniya 4:12

Nêci, oluderho lwa Nyamuzinda bubà buzîne, lurhagaluka, lunayojihire kulusha engôrho ya môji abiri. Lunywengerera kuhika aha ngabiro y’obuzîne n’omûka, y’enjingo n’omwonko, lunayishi entimanya n’enkengêro z’omurhima.

Bahabraniya 8:1

Mw’ebyo rhudesire, ecinwa cikulu cirigi c’eci: Rhugwêrhe omudâhwa mukulu otamîre ebwa kulyo kw’entebe y’Obukulu bwa Nyamuzinda omu mpingu,

Yûda 1:25

Kuli oyo Nyamuzinda muguma yêne, Muciza wîrhu, oku bulagizi bwa Yezu Kristu Nnâhamwîrhu, irenge, obukuze, oburhegesi n’obuhashe, kurhenga embere igulu liremwe, na buno, n’emyâka n’emyâka! Amen.

Mafulûlo 1:16

Omu kuboko kulyo àli afumbasire nyenyêzi nda, n’omu kanwa kâge mwâli mudwîrhe mwanyonyôka engôrho ya môji abiri; n’obusù bwâge erhi budwîrhe bwalangashana nka kulyâla izûba lyabasha bwenêne limoleka.

Mafulûlo 19:15

Akanwa kâge erhi kadwîrhe ka­ nyonyokamwo engôrho ya môji abiri mpu ayirhimbe abapagani. Yêne ye wabayabula n’ehirhi hy’ecûma, ye wanakanda omukenzi gw’erivayi ly’obukunizi bwa Nyamuzinda Nn’amahanga goshi.

Mafulûlo 19:21

Abandi boshi banigwa n’engôrho y’olyâla otamîre oku citerusi, erya ngôrho yamunyonyôkaga ekanwa; n’ebinyunyi byoshi byayigurha eminyafu yâbo.

Bacîranuzi 3:16

Ehudi anacitulîsa engôrho ya moji abirhi, ya buli bw’ikoro liguma, anaciyiyambalira idako ly’e myambalo yâge, oku ihiji ly’ekulyo.