Ennanga 41:3 - BIBLIYA NTAGATIFU OMU MASHI

³ Nyakasane àmulanga, àmulekeramw’omûka, amuhè n’iragi hanw’igulu, arhàmuyôhe omu lîno ly’ababisha.

Ennanga 41:3 ပူးပေါင်းရင်းမြစ်များ

2 Bâm 1:16

Amubwîra, erhi: «Nyakasane adesire ntyâla: Ebwa kubà warhumire entumwa emwa Baal-Zebub w’Ekroni - nka kulya omu Israheli murhabà Nyamuzinda wankadôsize, co cirhumire okwôla ncingo washoneraga orhakubunguluke, ci okunali wafà»!

2 Bâm 1:6

Banacimushuza mpu: «Omuntu amarhushimâna omu njira amarhubwîra erhi: Mugaluke mushubire emunda mwâmi wamurhumaga ali mujimubwîra erhi: Nyakasane adesire ntyâla: Ka omu Israheli murhacibà Nyamuzinda obwôla okola wâge ndidôsa Baal-Zebub w’Ekroni?».

Ennanga 73:26

Amagala ciru gankarhemuka, n’omurhima ciru gukarhemuka, Wêne we Kabuye k’omurhima gwâni, We wanayôrha ôbà mwanya gwâni ensiku n’amango.

Lushika 6:24

Nyamubâho arhurhegesire mpu rhushimbe ago marhegeko goshi, lyo rhurhînya Nyamubâho, Nyamuzinda wîrhu, rhukaziyôrha rhuli n’obusîme rhunabone akalamo nk’oku binayôsire kuhik’ene.