Ennanga 38:12 - BIBLIYA NTAGATIFU OMU MASHI

¹² Abirhu n’abîra bâni badwîrhe bayâka akafinjo kâni; abâlungwe bâni nabo barhadwirhi bandirâna.

Ennanga 38:12 ပူးပေါင်းရင်းမြစ်များ

Ayubu 19:13

Anyegwîre kuli na bene wîrhu boshi, n’abîra bâni banyasire.

Ennanga 10:9

Kwo acîfulika nka ntale omu bulumba bwâyo, alingûze mpu alonze omuhanya ayehûkana; amuyehûkane, amukululire omu murhego gwâge.

Ennanga 119:110

Enkola-maligo zintezire akasà, ci ntà mango ntenge oku marhegeko gâwe.

Ennanga 140:5

Nciza mâshi, Yâgirwa, nkûla omu nfune z’omubisha, ncinga oku muntu w’ecikalarhu: abalâlire mpu bankube,

Ennanga 141:9

Onnange oku murhego bantezire, n’oku rhusà rhw’abajira ebibî.

Ennanga 31:12

Abanzi bâni ntà cijâci barhampizirimwo, abàlungwe bâni banshekîre barhama, abanyishi boshi kufuduka badwîrhe bafuduka, n’abadwîrhe bambona embuga kuyâka badwîrhe banyâka.

Ennanga 35:20

Kàli ciru barhaderha binwa biyêrekîre omurhûla, bakabona omuntu ocîrhûlûlîre hano igulu banamusingire amenge.

Ennanga 35:4

Balya bashimbire omûka gwâni barhang’itumbaguza, enshonyi zibabumbe; Balyâla barhammirira marhî barhang’ishukira, enshonyi zibagwarhe.

Ennanga 41:5

Niehe kwo ndesire, nti: «Yâgirwa mâshi ombabalire, oncize bulya nakubîhîre!»

Ennanga 54:3

Mâshi Nyamuzinda oncize n’izîno lyâwe mâshi, ontwîre nâni luno lubanja oku buhashe bwâwe.

Ennanga 69:9

Nahugalala omu mwîrhu, nashuba w’ekulî omu bâna nyâmà aburha.

Ennanga 88:9

Abanyishi wabampambwîrekwo, wanjizire nyamakobwa emunda bali mpamikirwe: ntabona bwahuluka.

Migani 19:7

Erhi bene wâbo omuntu wamâkena bamushomba boshi, kurhi abîra bâge boki bankabulaga bwamuyâka.