Ennanga 27:1 - BIBLIYA NTAGATIFU OMU MASHI

¹ Lwa Daudi. Nyakasane ye kamole ye na kucira kwâni: ndi naciyôboha? Nyakasane ye lwâkiro lwâni: ndi wampiramwo ecikango?

Ennanga 27:1 ပူးပေါင်းရင်းမြစ်များ

Ayubu 29:3

Amango àkazâg’imoleka n’itara lyâge ah’irhwe lyâni, n’obumoleke bwâge bwanyêreka enjira omu mwizimya.

Ennanga 11:1

Oku mukulu w’abimbiza. Lwa Daudi. Nyamuzinda ye lwâkiro lwâni. Kurhi wakacimbwîra, mpu: «Yàkira oku ntondo nka kanyunyi?»

Ennanga 118:21

Nakuvuga omunkwa kulya kubà wanyumvîrhîze, wanambêrîre Mugaruka.

Ennanga 118:6

Nêci Nyakasane ali haguma nâni: ntà bwôba bungwêrhe; kurhi abantu banjira?

Ennanga 18:28

Nêci we ciza olubaga lw’abîrhôhye, onahonye amasù g’abacîbona.

Ennanga 18:29

We kamole kâni, Yâgirwa Nyakasane, Nnâhamwîrhu Nyamuzinda ye molekera omwizimya gw’amasù gâni.

Ennanga 18:46

Abâna b’abantu b’ihanga bahirimire, barhenga omu birâlo bâli bayàkiremwo erhi badwîrhe bajuguma.

Ennanga 19:14

Obucîbone nabwo obulangekwo mwambali wâwe, bulek’impîma! Ntyo mbè muntu mwimâna, na mwêru-kwêru oku câha cinene.

Ennanga 3:8

Zûka, zûka, Nnâmahanga! ontenze omu marhabi, mâshi Nyakasane! Enzigo zâni ozikolere buligo eyo mihera erhacisigalanaga ciru n’elîno lyo linyi ekanwa.

Ennanga 43:2

Bulya Nnâmahanga, we buzibu bwâni; cirhumire wanyôza? Cirhumire nciyumva ogu mutula gw’akushimbwa n’omubisha?

Ennanga 62:2

Okurhûla kw’omurhima gwâni anali muli Nnâmahanga mwône okucira kwâni erhi ye.

Ennanga 62:6

Murhima gwâni, muli Nnâmahanga mwône waluhûkira, bulyâla ebi olangâlîre yêne wâkuhisakwobyo.

Ennanga 84:11

Kwo binali: omulegerege omuntu agezize omu mwâwe gwo mukulu oku yindi cihumbi, okubêra aha lusò lwa Nnâmahanga, kwo kukulu aha kubêra omu nyumpa y’abanya-byâha.

Lubungo 15:2

Nyakasane ye burhwâli, ye na lwimbo lwâni, ye muciza wâni, ye Nyamuzinda wâni: namuhà irenge; ye Nyamuzinda wa larha: namukuza.

Izaya 12:2

Nyamuzinda ye bucire bwâni: Ye ncîkubagîre, ntâco naciyôboha; bulya Nyakasane yo misî yâni lwo na lwimbo lwâni, ye bucire bwâni.

Izaya 2:5

Bene Yakôbo. yîshi, rhulambagire omu bulangashane bwa Nyakasane!

Izaya 45:24

«Muli Nyakasane mwône mubà obushinganyanya n’emisî» Bayisha emunda ali bayunjwîre nshonyi balya boshi bali bamukunirîre.

Izaya 61:10

Ndwîrhe nacîshinga muli Nyakasane, omurhima gwâni gwamârhwangûka muli Nyamuzinda wâni, bulya anyambisize emyenda y’obucire, ampundikira ecishûli c’obushinganyanya, nka kula omuhya-mulume ayambala ishungwè, na nka kula omuhya ajagalira emyambalo yâge.

Yeremiya 20:11

Cikwône Nyamubâho ali haguma nâni nka ntwâli nzibu. Co carhuma abashombanyi bâni zâbahira oku idaho, bajogonje Enshonyi z’okubula-bulà kwâbo zâbabumba, lugwegwe lwa nsiku zoshi, lulya lurhayibagirwa.

Malakiya 4:2

Ci kuli mwe, murhînya izîno lyâni, izûba ly’obushinganyanya lyâbasha, limmulerhere obucire. Mwâyishijà mwâhama n’omwîshingo nka manina ga mitwirà.

Mateyo 8:26

Naye ababwîra, erhi: «Bici muyôbohire, babula­ buyêmêre?» Erhi acizûka, akalihira empûsi n’enyanja, n’omurhûla gwabà,

Luka 2:30

bulya amasù gâni galozire oku buyôkozi bwâwe,

Luka 3:6

Na ngasi muntu ayish’ibona obuyôkozi bwa Nnâmahanga.»

Yowane 1:9

Luderho ye wali bulangashane bw’okuli, bumolekera ngasi muntu; anaciyisha en’igulu.

Yowane 8:12

Yezu ashub’ibabwîra, erhi: «Nie kamole k’igulu; onkulikire arhankage­nda omu mwizimya, ci abà n’obumoleke bw’obuzîne».

Barom 8:31

Cici rhwankaciyûshûla kw’ebyo? Akabà Nyamuzinda ali olunda lwîrhu, ndi wankacirhuhima?

2 Bakorinti 12:9

Naye ambwîra, erhi: «Enshôkano yâni erhakunyihiri; bulya obuhashe bwâni omu buzamba mwo bucîyerekana». Nkolaga nsîmire okulimbira obuzamba bwâni, lyo obuhashe bwa Kristu bumbêramwo.

Lushika 7:18

Orhabarhînyaga: okengêre kulya Nyamubâho, Nyamuzinda wâwe akoleraga Faraoni mwâmi w’e Mîsiri n’ecihugo ca Mîsiri coshi:

Lushika 7:21

Orhadirhimanaga embere zâbo, bulya Nyamubâho, Nyamuzinda wâwe ali ekarhî kâwe. Ye Nyamuzinda mukulu n’owokuyôbohwa.

Bafilipi 4:13

Nanahasha byoshi n’oburhabâle bw’Olya onzibuhya.

Bahabraniya 13:6

Co cirhumire rhwanahash’iderha n’oburhwâli, nti: Nyakasane ye murhabâzi wâni; ntâco na­nkayôboha. Kurhi abantu bankanjira?

Mafulûlo 21:23

Eco cishagala ntabulagîrire bw’izûba nîsi erhi bw’omwêzi byacimolekera, bulya irenge lya Nyamuzinda bwo bulangashane bwâco, n’Omwâna-buzi ko kamole kâco.

Mafulûlo 22:5

Obudufu ntâbwo bwacihabè, na ntà bulagîrire bacîbone bw’obulangashane bw’akamole nîsi erhi bw’izûba, bulya Nyakasane Nyamuzinda ye wayish’ikabamolekera, banayish’iyîma omu myâka n’emyâka.

Mafulûlo 7:10

Bakâyakûza n’izù linene, mpu: «Ayâgirwe Nnawîrhu Nyamuzinda otamîre oku ntebe bo n’Omwâna-buzi!».