Ennanga 26:1 - BIBLIYA NTAGATIFU OMU MASHI

¹ We wantwîra olubanja Yâgirwa, bulya ntalyâlyanya ntanadandabagana, bulya Nyakasane ye nyôrha mpizirekwo omurhima.

Ennanga 26:1 ပူးပေါင်းရင်းမြစ်များ

2 Bâm 20:3

«Mâshi Yâgirwa, Nyakasane, kengêra oku nagenzire bwinjà emalanga gâwe, nyôsire ndi n’omurhima mwinjà, nakajira okushingânîne embere zâwe». Yezekiyahu alaka alakûla.

Ayubu 2:3

Nyamuzinda amushubirira, erhi: «ka wabwîne mwambali wâni Ayubu? Ntâye omulingânîne omu igulu lyoshi: muntu ntagengwa na mushinga nyanya, orhînya Nyamuzinda, n’amabî, arhagakîirirwa. Arhankashuba nyuma omu bwimâna bwâge, na busha wamunkozagya kwo mpu mmuzigulule.»

Ayubu 4:6

K’orhankacîkubagirage obukûnda-Lulema bwâwe, n’obushinganyanya bw’enjira yâwe, kali bwo bulangâlire bwâwe?

Ennanga 121:3

Arhâzigè okugulu kwâni kwalabuka, arhahunira omulanzi okulanga.

Ennanga 15:2

Ow’olugendo lwimâna n’ojir’ebishingânîne, n’oderha eby’okuli nk’oku binali omu murhima gwâge;

Ennanga 21:7

Nêci, wamuhîre obwangà bw’ensiku n’amango, wamusîmîsa n’obusîme bw’omu masù gâwe.

Ennanga 25:2

Wêne ncîkubagîre: orhambonesagya nshonyi, abashombanyi bâni bakanacishinga.

Ennanga 25:21

Okubà mwêru-kwêru n’okurhalyalyanya byo byananga, bulya we ncîkubagîre.

Ennanga 26:11

Niehe mwo ngera omu njira y’obwêru-kwêru, ondîkûze onambabalire.

Ennanga 28:7

Nyakasane ye buzibu bwâni ye na mpenzi yâni! Yêne omurhima gwâni gwàli gucîkubagire ananyumva.

Ennanga 31:14

Nayumvîrhe abantu bali mahwe kàli ntaho ebihamba birhali! bajà haguma banjira omu ihano, badôsanya kurhi bankulamw’omûka.

Ennanga 35:24

Oluntwîre Yâgirwa, kulya onayôrha oshinganyanya, Nnâmahanga wâni mâshi orhazigaga bankwâma!

Ennanga 37:31

Irhegeko lya Nyakasane lirhamurhenga emurhima, n’igenda lyâge lirhadandabagana.

Ennanga 4:5

Muyôbohe n’irhondo murhacijiraga ecâha, n’amango mukola muli aha ncingo, mucîje emurhima, muhulike!

Ennanga 43:1

Ontwîre olubanja, Nnâmahanga, ondêrhere nyâze eyo mihera, onandîkûzekwo erya ndyâlya y’ecishungu.

Ennanga 54:1

Gwârhi omukulu w’abimbiza. Oku nzihwa z’emisî. Nyigîrizo. Za Daudi.

Ennanga 62:2

Okurhûla kw’omurhima gwâni anali muli Nnâmahanga mwône okucira kwâni erhi ye.

Ennanga 62:6

Murhima gwâni, muli Nnâmahanga mwône waluhûkira, bulyâla ebi olangâlîre yêne wâkuhisakwobyo.

Ennanga 7:8

Omurhwe gw’amashanja gukuzunguluke, nâwe obarhegeke emalunga!

Ennanga 94:18

Erhi naciderha, nti: «Okugulu kwâni kurhasêra», nyumve Yâgirwa bwenêne nsêzire omu burhonyi bwâwe.

Migani 20:7

Omushinganyanya, ilabarha lyâge, lya mudahemuka; abâna asiga, abasiga bany’iragi.

Migani 29:25

Oyôboha abantu arhimangigwa omu murhego, ocîkubagira Nyakasane agwêrhe ah’agwêrhe.

2 Bakorinti 1:12

Irenge lîrhu bw’obûla buhamîrizi bw’omurhima gwîrhu guhamîriza oku mw’eri igulu, na bwenêne emunda muli, rhwayôsire omu butagatîfu n’omu kurhabêsha, n’okwôla rhwakuhâbagwa na Nyamuzinda. Rhwayôsire ntyo, arhali oku bwenge bw’omubiri, ci oku burhabâle bw’enshôkano ya Nnâmahanga.

Bahabraniya 10:23

Rhulange buzibu obuhamîrize bw’obulangâlire bwîrhu, bulya owalaganyagya akwânîne okulangâlirwa.

1 Petro 1:5

mwe mulangwa n’obuhashe bwa Nyamuzinda erhi buyêmêre bwinyu burhuma, mpu lyo muyish’ibona bulya bucire bwâfulûlwa omu nsiku nzinda.

2 Petro 1:10

Kuziga mucîhangânage, bene wîrhu, okuzibuha omu kuhamagalwa n’omu kucîshogwa kwinyu; erhi mwankakajira ntyo ntà mango mwânahirime.

1 Samweli 2:9

Ye langa enshando z’abemêzi bâge, oku ahirigisa banyankolamaligo omu mwizimya, bulya omuntu arhankahasha okuhimana n’emisî yâge yône.

1 Samweli 24:15

«Ndi omwâmi w’Israheli anali arhabâlîre ntyâla? Ndi oshimbûlire ntya? Kabwa ka mufiriri? Ciherhe?»