Ennanga 25:3 - BIBLIYA NTAGATIFU OMU MASHI

³ Bulyâla omu bantu bacîkwikubagira ntâye enshonyi zibumba, bo zàbumba balya bavuna n’olucâli akanwa bàdesire.

Ennanga 25:3 ပူးပေါင်းရင်းမြစ်များ

Murhondêro 49:13

Zabuloni ayûbasire oku burhambi bw’enyanja, hala amârho gasîka; lubibi na Sidoni.

1 Nganîro 10:13

Saulu afà bulya àligomîre Nyakasane: arhashibiriraga amarhegeko gâge, ciru anagendilaguza, iroho lya nyakwîgendera analidôse ihano,

Ennanga 109:3

bambwîzire akanwa k’obunywesi, banzihula ebinwa by’obushombanyi, bananshimbulula buzira igwârhiro.

Ennanga 119:78

Abagayana enshonyi zirhangibabûmba, bulyâla bàntindibulîze obusha: nkolaga nagerêreza ngeregere omu marhegeko gâwe.

Ennanga 123:2

Kulyâla amasù g’abashizi, ganayêrekera enfune za ba nnawâbo, kulyâla amasù g’omujà-kazi gahenekera enfune za nn’omumwâbo, kwo amasù gîrhu gadwîrhe galolakwo Nyakasane Nyamuzinda wîrhu, kuhika olukogo lwîrhu lumugwârhe.

Ennanga 132:18

Abamushomba boshi nâbabonêsa nshonyi, n’irhwe lyâge lilabukekwo akashambala kâni.»

Ennanga 22:6

Erhi bàkuyâkûza, bàcira, erhi bacîkwikubagira, barhacitulutûmbaga.

Ennanga 27:14

Osengere Nyakasane onazibuhe, ohire omurhima omu nda, onacîkubagire Ye!

Ennanga 31:17

Yerekeza mwambali wâwe obusù burhulwîre, ndîkûza na lulya lukogo lwâwe.

Ennanga 31:18

Yâgirwa mâshi orhazigaga enshonyi zambumba namânakuyakûza, zibumbe ababî bahabe oku bàdesire, bajanwe ekuzimu.

Ennanga 33:20

Omûka gwîrhu Nyakasane yêne gwâlolakwo: Yêne ye ntabâza orhurhabâla, yêne ye mpenzi yîrhu.

Ennanga 35:26

Balya bacîshinga bakayumva mpanyagîre, batumbaguze mâshi, enshonyi zibabumbe, balya boshi bannimbira bacinyîgererakwo, babumbwe n’ezamêmè.

Ennanga 37:34

Okaz’icîkubagira Nyakasane onakaz’ishimba enjira zâge, akuyôlolola olye igulu, osheke obona oku enkola-maligo zahungumuka.

Ennanga 6:10

Nnâmahanga ayumvîrhîze izù lyâni; Nyakasane ayumvîrhîze omusengero gwâni.

Ennanga 62:1

Gwârhi omukulu w’abimbiza. Luyimbwa aka Yedutuni. Lulanga. Lwa Daudi.

Ennanga 62:5

Emugamba nshonîre yo badwîrhe balonza bammanule, obunywesi go masheka basheka, Owayumva mpu bwinjà badwîrhe baderha, n’okuziga kutulagula badwîrhe batulagula emurhima.

Ennanga 69:4

Nayamire narhama, omumiro gwoshi gwahehîre.

Ennanga 69:6

Obuhwinja bwâni obuyishi, Yâgirwa Nnâmahanga, n’obubî bwâni orhabuhabiri.

Ennanga 71:13

Ngasi bashimbire omûka gwâni, enshonyi zibagwarhe babulabule; balya barhammirira marhî boshi, enshonyi zibayûbikire, zibabumbe.

Izaya 25:9

Muli olwôla lusiku bânâderhe, mpu: «Ye oyo, ye Nyamuzinda wîrhu, ye rhwàli rhulangâlire oku arhuciza; ye Nyakasane rhwacîkubagiraga. Rhusîme rhunacîshingire obucunguzi bwâge».

Izaya 40:31

Ci abacîkubagira Nyakasane, emisî yâbo kuyûshûka eyushûka, banamerekwo ebyûbi nka nyunda, banakâlibirha burharhama, banakâgenda burhagoyôla.

Izaya 49:23

Abâmi bo bâbà balezi bâwe, n’abaluzi-nyere babè balîsa bâwe. Bakufukamira, bahwêre oku idaho, bamîme akatulo k’amagulu gâwe. Ntyo wamanya oku nie Nyakasane, n’oku abacînyîkubagira ntà mango bankabulabula.»

Yeremiya 20:11

Cikwône Nyamubâho ali haguma nâni nka ntwâli nzibu. Co carhuma abashombanyi bâni zâbahira oku idaho, bajogonje Enshonyi z’okubula-bulà kwâbo zâbabumba, lugwegwe lwa nsiku zoshi, lulya lurhayibagirwa.

Ndûlù 3:25

Nyakasane abà mwinjà kuli ngasi yêshi umuyegemera, olya omulo­ngereza.

Mikeyo 7:7

Cikwône niehe ngalamîre Nyakasane, ndagalîre Nyamuzinda w’oku­nciza, Nyamuzinda wâni ânyumva.

Yowane 15:25

“Ci okwo kwoshi mpu lyo ecinwa ciyandisirwe omu Marhegeko gâbo ciyunjula: Banshombire buzira igwârhiro.”

Barom 8:25

Ci erhi rhwankalangâlira ebirhurhahona, rhwanabilinda buzira kurhama.