3 Ho n’omurhima gwâni gwabombêrera; Ye ndwîrhe omu njira nnungêdu; erhi izîno lyâge lirhuma.
Okwôla mpu ly’arhenza omûka gwâge omu lufù, mpu ly’omuntu amolekerwa n’obulangashane bw’abazîne.
Kwônene yêhe abaciza oku bukulu bw’izîno lyâge, mpu babone obuhashe bwâge.
Wêhe, Yâgirwa Nnâmahanga, ondwîrekwo erhi izîno lyâwe lirhuma, onandîkûze bulyâla olukogo lwâwe buzigire.
Kwo nahezire kula ecibuzi cihabuka, okanye ojè walonza mwambali wâwe bulyâla ntayibagiraga amarhegeko gâwe.
Lishoshôkera oku mpekà y’emalunga, lihike bulibirha oku yindi mpekà, na ntâco cankacîfulika idûrhu lyâlyo.
Oyuname ontege okurhwiri onakanye ondîkûze. Ombêre ibuye nyâkireho, onshubire côgo cizibu lyo ndobôka.
Bulya wêne w’ibuye lyâni we na côgo nyakîremwo, n’izîno lyâwe lyo lyarhuma wangwârhira oku kuboko onandangûle enjira.
Omurhima gwâni guje irenge muli Nyakasane, abanyi bayumve nabo basîme.
Ci niehe, bwonjo bw’obuzigire bwâwe bunene burhumire, najà omu mwâwe; nacîkweba oku idaho, nkuharâmye omu bwâmi bwâwe butagatîfu.
Nyumve obusîme n’omwîshingo, amavuha gàli gavungunyusire garhambe.
Mâshi Nyamuzinda, omurhima gwâni oguleme buhyâhya ompiremwo iroho lihyâhya onalizibuhye.
Orhulwîrekwo mâshi Nyamuzinda, Muciza w’abantu; irenge ly’izîno lyâwe lirhume warhurhabâla, onarhukûlir’ebyâha.
Nyakasane akolaga ahâna ebinja, n’amashwa gayêre garhengwemwo.
Njira ya burhimanya nkuyeresire, omu njira nnungêdu nkugezize.
Mwo nyisha omu njira z’obushinganyanya, omu njira z’amarhegeko,
Nâgeza emihûrha omu njira erhishi, nâyilongolana omu mikâba erhasâg’igerwamwo bundi. Embere zâbo, omwizimya nâguhindula bulangashane, n’enjira z’orhubanda-rhubanda nzijire nnongêdu. Eyo mihigo nâyiyunjuza, ntabule bwayiyûkiriza.
Bulya nâshubihà emisî ngasi bakola barhamire, na ngasi ba buligo nabahà ebi banalagîrîrekwo.
Nâbashûbûza kurhenga omu cihugo c’enjira nyanya, n’ambahuluza kurhenga emahanga g’igulu. Bo balimwo emihûrha n’enkunagizi, abakazi bali nda, n’abazîre, boshi haguma, olubaga lwâni lugaluke oku lwanali.
Ci nashubikengêra izîno lyâni, najira kulya kwankarhuma lirhahemuka omu masù g’agôla mashanja agabonaga oku nabahêkaga.
oku bukuze bw’irenge ly’engalo yâge arhushobôzagya muli Omugala Muzigirwa.
Niehe abansîma bo nkalihira, bo nampana. Omalage obushiru onacîyunjuze!