Ennanga 22:16 - BIBLIYA NTAGATIFU OMU MASHI

¹⁶ Namâyumûka omumiro nk’isèsè, n’olulimi lwamânanîra ebiraka.

Ennanga 22:16 ပူးပေါင်းရင်းမြစ်များ

Ennanga 22:1

Gwârhi omukulu w’abimbiza. Oku «burhwâli bw’omucêracêra.» Lulanga. Lwa Daudi.

Ennanga 22:20

Mâshi, Yâgirwa, orhacilegerere, okanye, ontabâle

Ennanga 38:11

Omurhima gurhaciri gwâni, emisî yâni yansizire omu marhabi, ciru n’obubone bw’amasù gâni bwantibire.

Ennanga 59:14

Otulumukirwe bahere, baherêrekere barhacihabâga abantu boshi bamanye oku Nyamuzinda ye rhegeka omu ca Yakôbo, n’omu igulu lyoshi aha litanga n’aha liramuka.

Ennanga 59:6

Tulûka okanye ocîbonere, Muciza w’emirhwe, Nyamuzinda w’Israheli, otulûke ohane ezo nkulira-lubala, ezo ncuku lêro orhazibêraga bwonjo.

Ennanga 86:14

Nyamuzinda, mâshi, balya bagayana bantezire, n’engabo ya balya b’ecikalarhu egungêzize omûka gwâni, barhanakushibiriri ciru w’oyo.

Izaya 53:5

Ci yêhe atumirhwa erhi mabî gîrhu garhuma, avungunyulwa erhi bugoma bwîrhu burhuma. Ahanyirwe mpu lyo rhubona omurhûla, na bibande byâge byarhufumize.

Yeremiya 12:6

Kali ciru balumuna bâwe na bene winyu bakurhebeka! Bakuhûrana n’izù linene. Orhahîraga okabayêmêra hano bakubwîra ebinwa binunu.

Zakariya 12:10

Nâlumîza Omûka gw’olukogo n’obushibirizi omu nyumpa ya Daudi n’emwa abashizi b’e Yeruzalemu. Okuhandi bânagalamira emunda ndi, erhi olya bàtumirhaga orhumire. Bâmulakire nka nfula, bajè omu mishîbo yâge, nka kula banajirira omwâna w’enfula.

Mateyo 26:57

Balya bantu bagwârhaga Yezu, bamuhêka emwa Kayifa, ye Mukulu w’abadâhwa; nabo bashamuka b’ihano n’abagula b’olubaga bayishûbûkira.

Mateyo 27:35

Erhi babà bamamubamba oku musalaba, bagabâna emyambalo yâge, bayiyesha cigole.

Mateyo 7:6

Murhakâg’ihà orhubwa ebiryo bitagatîfu, murhanakâg’ikwêba enjuma zinyu embere z’engulube, zirek’izilabarha, na hano zimmuhindukira, zimmujanule.

Marko 15:24

Banacimubamba oku musalaba, bagabâna emyambalo yâge, bayiyêsha cigo­le mpu bamanye cici ngasi muntu ahêka.

Luka 23:23

Ci bôhe bayâma, balushîsa, balonza mpu abambwe oku musalaba, n’okuyâma kwâbo kwajà kwayûshûka.

Luka 23:33

Erhi bahika ahantu haderhwa Kalvariyo, bamubamba oku musalaba haguma na balya banyankola-maligo, muguma ekulyo, owundi ekumosho.

Yowane 19:23

Abasirika erhi babà bamabambira Yezu oku musalaba, bashokôla emyambalo yâge, bayigabamwo bigabi bini, ngasi musirika ciguma, n’ecishûli câge. Eco cishûli cirhàlimwo buhange, canali ca ciremo ciguma kurhenga enyanya kuhika idako.

Yowane 19:34

ci musirika muguma amushinga itumu omu lubavu, na halya honênè mwarhenga omukò n’amîshi.

Yowane 19:37

N’ahandi kuyandisirwe, mpu: Bayish’ilolêreza oyu bafundaga itumu.

Yowane 20:25

Abandi baganda bamubwîra, mpu: «Rhwabwîne Nyakasane!» Naye abashuza, erhi: «Nkaba ntabwîni emirhule y’erya migera omu nfune zâge, nkaba ntafundiri omunwe gwâni omu bibande by’emisumari, na nkaba ntahumiri niene omu lubavu lwâge, ntayêmêre».

Yowane 20:27

Anacibwîra Toma, erhi: «Funda omunwe gwâwe omu: lolà enfune zâni; lêrha okuboko kwâwe, okuhire omu lubavu lwâni; orhanacibaga mubula­-buyêmêre, ci obè mwemêzi».

Bafilipi 3:2

Mumanye orhubwa! Mumanye abakozi babî! Mumanye abakembûle b’obwîhambe!

Mafulûlo 22:15

“Embuga orhubwa, abalozi, abahushi, ebishumûsi, abagashâniza ebiremwa, na ngasi basîma okubêsha!”»