Ennanga 21:9 - BIBLIYA NTAGATIFU OMU MASHI

⁹ Okuboko kwâwe kwâhika oku bashombanyi boshi, okulyo kwâwe kwâgwârha abanzi bâwe boshi.

Ennanga 21:9 ပူးပေါင်းရင်းမြစ်များ

Murhondêro 19:28

Alâba Sodomo na Gomora n’akabanda koshi, alangîra omugî gwatumbûka omu cihugo nka mugî gw’omu cibêye.

Ezra 6:12

Nyamuzinda wahiraga izîno lyâge omwo ashabûle ngasi mwâmi na ngasi lubaga lwankayimusa okuboko mpu lujire kundi kundi, nîsi erhi okuhongola ako ka-Nyamuzinda kali aha Yeruzalemu! Nie Mwâmi Dariusi mpanyire elyo irhegeko, kukwânîne lishimbwe bwinjà na duba.

Ayubu 6:3

Go gankazidoha kulusha omushenyi gw’omu nyanja: co cinarhumire ebinwa byâni bidwîrhe byâhahabuka.

Ennanga 106:17

Lêro igulu lyàyashama lyamirangusa Datani, lyamira n’engabo y’Abiramu.

Ennanga 18:38

Nashimbulula abashombanyi bâni, mbagwanyanye ntâgaluke ntajibahungumula.

Ennanga 18:8

Igulu lyanacidirhimana lyàgeramwo omusisi, ensimikiro y’entondo yàdundagana, yàdirhimana kulya kubà anakunîre.

Ennanga 2:12

mucîkwêbe aha magulu gâge n’obwôba; buly’erhi ankakunira mwanahungumuka: oburhè bwâge kwo buyâka caligumiza nka ngulumira. Iragi lyâbo abamuyegemera!

Ennanga 2:5

Amâkunira amâbashuza, omu bukunizi bwâge amâbayobohya.

Ennanga 50:3

Nyamuzinda wîrhu oyôla oyishire: arhâbule buderha akanwa. Ntakanjirwa w’omuliro amushokolîre, ayisha ayôkera, n’empûsi emugosire yayisha yakola akal’ibala.

Izaya 26:11

Yâgirwa Nyakasane, okuboko kwâwe kuli kulambûle, ci bôhe barhadwîrhi bakubona! Bacibona kurhi oyâgalwa n’olu lubaga, n’enshonyi zibabumbe! Nêci, omuliro gurheganyizîbwe abanzi bâwe, nabo gwâbafonfomera!

Ndûlù 2:2

Nyakasane amirangusize omwîmo gwa Yakôbo gwoshi buzira lukogo. Omu bukunizi bwâge, anahongwîre ebishagala bizibubizibu bya Yûda byoshi, obwâmi n’ababurhegeka boshi ahemwîre, abirhimba oku idaho.

Nahumu 1:6

Obukali bwâge wâni! Ndi wankabulindira? Ndi wankafukunya amango adârhabîre? Obudârhi bwâge kwo buyâka nka muliro, n’amabuye ganashanguke embere zâge.

Malakiya 4:1

Lolagi, olusiku luyîruka, luyakirîre nka muliro. Abashombanyi na banya­ nkola-maligo boshi, zirhabalekere muzî nîsi erhi ishami.

Mateyo 13:42

“bâbakwêbe omu ndugurhirà y’omuliro”: “okuhandi kubè kubanda endûlù n’okukenyeza amîno”.

Mateyo 13:50

“Okuhandi babalohe omu muliro; kubâge kubanda endûlù n’okuluma amîno”».

Mateyo 22:7

Erhi mwâmi ayumva okwo, akunira, anacirîka engabo zâge, amalîra balya bîsi, n’olugo lwâbo aludûlika muliro.

Mateyo 25:41

Okubundi anacibwîre abâli ebwa kumosho kwâge nabo, erhi: «Ntengiho, mwe bakagwa, mujè omu muliro gurhazima, gwarheganyizibagwa shetani na bamalahika bâge.

Mateyo 25:46

Okuhandi abo banajà omu malumwa garhahwa, n’abashinganyanya bajè omu buzîne bw’ensiku n’amango.

Mateyo 3:10

“Lêro embasha ekola eri aha cisiki c’emirhi. Na ngasi murhi gurhajira malehe minjà gwatûbwa gunakwêbwe omu muliro”.

Mateyo 3:12

“Okuboko kwâge kufumbasire olwîbo, ayish’iiyerûla ecibuga câge; ayish’ilunda amahemba gâge omu nguli, n’omulolo agudûlike omu muliro gurhazima”».

Lushika 32:22

Nêci, oburhè bwâni bwayâsire muliro, gwâyôca ciru n’ebiri idako ly’okuzimu, gwâyôca idaho guyôce n’emyâka, gurhasige olubando lw’entondo.

1 Batesalonika 2:16

Banakarhuhanza okuyigîriza abapagani mpu lyo barhacunguka; na ntyo barhahusa okuyûshûla olugero lw’ebyâha byâbo. Ci lêro obukunizi bwa Nyamuzinda mîra bwabarhindagakwo.

2 Tesalonika 1:8

omu ngulumira y’omuliro, mpu ahâne balya barhishi Nyamuzinda barhanayumva Emyanzi y’Akalembe ya Nnawîrhu Yezu.

Mafulûlo 19:15

Akanwa kâge erhi kadwîrhe ka­ nyonyokamwo engôrho ya môji abiri mpu ayirhimbe abapagani. Yêne ye wabayabula n’ehirhi hy’ecûma, ye wanakanda omukenzi gw’erivayi ly’obukunizi bwa Nyamuzinda Nn’amahanga goshi.

Mafulûlo 20:14

Okuhandi Walufù n’Okuzimu bakwêbwa omu cîna c’omuliro. Eco cîna c’omuliro lwo lufù lwa kabiri olwo.