Ennanga 20:8 - BIBLIYA NTAGATIFU OMU MASHI

⁸ Baguma ngâlè zâbo bacîkubagira, abandi endogomi zâbo; rhwêhe izîno lya Nyakasane Nnâhamwîrhu Nyamuzinda lyo rhucîkubagira!

Ennanga 20:8 ပူးပေါင်းရင်းမြစ်များ

2 Bâm 19:23

N’entumwa zâwe wajâcîre Nyakasane, wanaciderha erhi: «N’obunji bw’engâlè zâni nasôsire entondo, nafukula amahukulu garhankarhungânwa g’e Libano». Nakubire emirhi y’enduluma yâge akazâgilimbira n’ensindani zâge mpu zo zihimana oku bwinjà. Nahisire omu mahukulu gâge mazinda, kuhika omu muzirhu gw’emirehe yâge.

2 Nganîro 14:10

Asa ayakûza Nyakasane, Nyamuzinda wâge, aderha, erhi: «Mâshi Nyamwagirwa, orhali we, arhankacirhabâla entwâli nka kula orhabâla orhagwêrhi misî. Orhurhabâle, mâshi Nyakasane, Nyamuzinda wîrhu! Wêne we rhusimikîrekwo. Oku izîno lyâwe, rhuyîshirilwîsa ebi bigamba mwandu by'abalwi. We Nyakasane, Nyamuzinda wîrhu. Omanye omuntu akaderha mpu akuhimire!»

2 Nganîro 14:11

Nyakasane ahima ab'e Kushi: ahimira Asa, ahimira ab'e Yuda. Abantu b'e Kushi bayâka.

Ezra 8:22

Bulya nakabwîne enshonyi z’okuhûna mwâmi nti arhurhumire engabo y’abasirika na banyakulwîra oku nfarasi mpu bajè barhucinga oku bashombayi bîrhu amango rhunali omu kubalama koshi, n’obwo rhwàli rhwamabwîra mwâmi oku: Okuboko kwa Nyamuzinda kulanga ebintu bya ngasi boshi banamulongereza, cikône emisî na obukunizi bwâge bunahonere oku bamulekêrera.

Ennanga 124:8

Oburhabâle bwîrhu kwo burhenga okw’izîno lya Nyakasane Ye walemaga empingu n’igulu.

Ennanga 125:1

Lwimbo lwa kusôka. Abacîkubagira Nyakasane kwo bali ak’entondo ya Siyoni, yo erhahuligana enahabà ensiku n’amango.

Ennanga 33:16

Mwâmi arhahimira kuluza ngabo, Omulwî arharhabâlukira kuluza misî.

Ennanga 33:17

Endogomi erhahimwa kurhebana omu malwa, arhali okuluza emisî kwâyo kwo kugalukira omuntu.

Migani 21:31

Olusiku lw'okulwa, abantu biterusi barheganya, ci kwône Nyamuzinda ye boshi banasengera mpu abahimire.

Hozeya 14:4

Asûru ârharhucize, rhurhâcishone oku biterusi, rhurhakanaciderha nti Nyamuzinda wîrhu, obushanja bw’amaboko gîrhu, bulya emwâwe yo enfûzi ebona olukogo.

Mikeyo 7:8

Orhacishinge erhi nie ntuma, wâni mushombanyi wâni, akabà nahirimire, nâzûka; akabà ntamîre omu mwizimya, Nyakasane ye bulangashane bwâni.

Yozwe 11:4

Boshi banaciyimuka bakola barhabâla, boshi n’engabo z’abalwî bâbo, lwàli lubaga lunji nka mushenyi guli oku burhambi bw’enyanja, bagenda n’o­ mwandu gw’enfarasi n’omwandu gw’engâlè.

Bacîranuzi 5:31

Ntyo kwo bafà abanzi bâwe, yâgirwa Nyakasane. Nabo abakuzigira kwo bali nk’izûba lyazûkana emisî yalyo yoshi. Ecihugo canaciluhûka myâka makumi anni.

1 Samweli 17:45

Naye Daudi ashuza olya mufilistini, erhi: «W’oyo onyishire n’engôrho, itumu n’omuherho; ci niono ntabîre oku izîno lya Nyamubâho w’emirhwe, ye Nyamuzinda w’abarhabâzi b’e Israheli okazigayaguza.