Ennanga 20:6 - BIBLIYA NTAGATIFU OMU MASHI

⁶ Mâshi rhucîshingire okuhimana kwâwe, rhunashûrhire izîno lya Nnâhamwîrhu Nyamuzinda engoma. Nyakasane ayumvîrhîze ensengero zâwe zoshi!

Ennanga 20:6 ပူးပေါင်းရင်းမြစ်များ

1 Bâm 8:30

Nêci oyumvîrhize omusengero gwa mwambali wâwe n’ogw’olubaga lwa we oludwîrhe lwasengerera muli eno nyumpa yâwe. Yâgirwa ogulole bwinjà n’oku waguyankirira bunôla kwo gunasôkerage emunda oli omu malunga, okarhuyumva onarhubabalire.

1 Bâm 8:43

Oyôla muntu w’ecigolo onamujirire nka okwôla anadwîrhe akulakira ly’amashanja goshi ga hanôla igulu gamanya izîno lyâwe, gakurhînye nk’olubaga lwâwe lwa bene Israheli, banamanye oku izîno lyâwe lidwîrhe lyaderhwa muli eno nyumpa nayûbakaga.

Ennanga 17:7

Oyerekane obwonjo bwâwe, we ciza abalongeza olwâkiro omukulyo kwâwe; obalîkûze oku babisha bâbo.

Ennanga 18:35

Ye yigîriza enfune zâni okulwa, n’amaboko gâni okufôla omuherho gw’amarhale.

Ennanga 18:50

Nêci, nâni nakâderha irenge lyâwe omu mashanja, Nyakasane, nâkayimba izîno lyâwe.

Ennanga 2:2

Abâmi b’igulu bamâhuluza engoma, nabo abaluzi bamâja ihano mpu bagomere Nnâmahanga n’omwîshogwa wâge.

Ennanga 28:8

Nyakasane ye buzibu bw’olubaga lwâge, ye na lwâkiro lw’okuciza omushîge wâge.

Ennanga 41:11

Wêhe Yâgirwa mâshi, onfè lukogo, onzûse ahâla ntang’ibayêreka nâni.

Ennanga 9:15

Nderhe irenge lyâwe lyoshi, omu mihango y’omunyere w’e Siyoni, ncîshingire obucire bwâwe.

Izaya 57:15

Nêci, kwo adesire ntyâla Ow’Enyanya emalunga, oyôrha abâho ensiku n’amango; izîno lyâge liri litagatîfu: «Nie mbà enyanya omu ndâro ntagatîfu; ci mbêra haguma n’omuntu ocîyunjuzize n’ow’omurhima mwirhôhye, lyo mpira obuzîne omu myûka y’abîrhôhye, lyo nnampira obuzîne omu mirhima y’abaciyunjuzize».

Izaya 58:9

Obwo wânayakûza na Nyakasane âkushuze, wânahamagala, naye âderhe, erhi: «Nie ono!» Erhi wankarhenza budagulè emwâwe, okaleka okukaz’ishunga omunwe n’okuderha ebinwa bibî;

Izaya 63:15

Sinza kurheng’emalunga, ocîbonere kurheng’ebwa ndâro yâwe ntagatîfu n’ey’iranga. Ngahigi olûji lwâwe n’oburhwâli bwâwe byàjire? K’okuboko kwâwe n’obwonjo bwâwe kuli nie byàhwîre?

Mikeyo 4:5

Bulya embaga zoshi zilambagira ngasi muguma oku izîno lya nyamuzinda wâge, ci rhwêhe rhwâkazilambagira oku izîno lya Nyakasane Nyamuzinda wîrhu w’ensiku n’amango.

Mateyo 6:9

Alagi oku mwakashenga: Larha, oli omu mpingu, Izîno lyâwe likuzibwe,

Ebijiro 2:33

“N’erhi okulyo kwa Nyamuzinda kubà kwamamukuza, Îshe amuhà Mûka Mutagatîfu alaganyagya, anamurhuma. Ebyo byo mudwîrhe mwabona, byo munadwîrhe mwayumva”.

Ebijiro 2:36

“Kuziga bene-Israheli boshi bamanyage bwinjinjà oku olya Yezu muzind’ibamba oku musalaba, Nyamuzinda amujizire Nyakasane na Mucunguzi”».

Ebijiro 4:10

mweshi mweshi, n’olubaga lwoshi lw’Israheli, mumanye oku oyu muntu oyîmanzire embere zinyu afumizwe n’izîno lya Yezu Kristu w’e Nazareti, olya mwabambaga oku musalaba, ci Nnâmahanga amufûla omu bafù.

Ebijiro 5:31

Y’oyo ye Nnâmahanga, oku buhashe bw’okulyo kwâge, ajizire mwâmi na Muciza, mpu lyo Israheli acîyunjuza anababalirwe ebyâha.