Ennanga 2:12 - BIBLIYA NTAGATIFU OMU MASHI

¹² mucîkwêbe aha magulu gâge n’obwôba; buly’erhi ankakunira mwanahungumuka: oburhè bwâge kwo buyâka caligumiza nka ngulumira. Iragi lyâbo abamuyegemera!

Ennanga 2:12 ပူးပေါင်းရင်းမြစ်များ

Murhondêro 41:40

Wekola warhegeka akarhwabwâmi n’olubaga lwâni lwoshi lwayumva irhegeko lyâwe, entebe y’obwâmi yône nkulushire».

1 Bâm 19:18

Ci kwônene, omu Israheli nasiga bantu nka bihumbi makumi gali nda, balya bantu boshi barhafukamaga embere za Baali n’abandi boshi barhamunûnugurhaga.»

Ennanga 1:6

Bulya Nyamuzinda ayishi enjira y’abimâna, ci enjira y’endyâlya kuhabula ehabula.

Ennanga 109:20

Abagendikanshobeka n’abanderhcra ebirhali byo, Nyakasane abahè olwo luhembo.

Ennanga 2:5

Amâkunira amâbashuza, omu bukunizi bwâge amâbayobohya.

Ennanga 2:7

Lekagi nâni mmubwîre akanwa ka Nnâmahanga; àmbwîzire, erhi: «Oli mugala wâni, nie nkubusire ene».

Ennanga 31:20

Yâgirwa obwinjà bwâwe buluga mushâna! Burhaluga obwinjà obîkira abakukenga wâni! Burhaluga obwinjà oshobôza abakuyâkiraho n’abandi basinza wâni!

Ennanga 34:8

Malahika wa Nyakasane anagwîsire ecirâlo aha burhambi bw’abayôboha Nyakasane, kulikûza anabalikûza.

Ennanga 34:9

Labuli mwabona oku Nyakasane abà mwinjà, iragi lyâge omuntu omuyâkiraho

Ennanga 40:4

Anampira olwimbo luhyâhya ekanwa: lwimbo lwa kuyimbira Nyamuzinda wîrhu. Banji bâbona bayôbôhe, banacîkubagire Nyakasane nabo.

Ennanga 84:12

Nyakasane Nnâmahanga ye Kazûba-zûba ye na Mpenzi, oburhonyi n’irenge zo ngalo zâge. arhazijinikira, oku bantu bakerekera omu ntagoma.

Migani 16:20

Oyumvîrhiza bwinja ihano linamucize, n’ocîkubagira Nyakasane ali muny’iragi.

Izaya 30:18

Ci Nyakasane adwîrhe alinga amango ammubabalira; co cirhumire amâyîmuka mpu ammuyêreke olukogo lwâge, bulya Nyakasane abà Nyamuzinda mushinganyanya; iragi lyâbo ngasi boshi bamulangâlira!

Yeremiya 17:7

Yerino omuntu ocîkubagira Nyakasane ôheba Nyakasane kwo omurhima.

Hozeya 13:2

Na buno kandi byâha balimwo, badwîrhe bàbumba ensalamu omu nsaranga zâbo, bo bazimu b’obukengêre bwâbo; mukolo gwa babumbi ebyo byoshi. Erhi bànaderha, mpu: «Mubarherekêre.» Abantu badwîrhe bàjikânunugurha orhunina.

Sofoniya 2:2

oku barhacimmulibirhakwo nka kula omuyonga guhirigirha n’empûsi omu lusiku luguma; oku obukunizi bwa Nyakasane burhacimmuhika­kwo.

Yowane 14:6

Yezu amushuza, erhi: «Nie Njira, nie n’Okuli, nie na Buzîne. “Ntâye wankajà emwa Larha arhanangeziriho”.

Yowane 5:23

“lyo abantu boshi bakenga Omugala, nk’oku bakenga Îshe. “Orhakenga Omugala, erhi arhanakenga Îshe wamurhumaga”.

Barom 10:11

K’Amandiko garhadesiri, mpu: Ngasi yêshi omuyêmîre arhakabona nshonyi?

Barom 9:33

nka kulya biyandisirwe, mpu: Ka murhabwîni oku mpizire omu Siyoni ibuye ly’okusârhaza n’ibuye ly’okuhirimya? Ci oliyêmîre arhankabonesibwa nshonyi.

Befezi 1:12

mpu lyo rhwe rhwàli erhi rhulangâlira Kristu kurhenga mîra, rhubà bukuze bw’irenge lyâge.

1 Petro 1:21

Ye igwârhiro ly’obuyêmêre bwinyu muli Nnâmahanga wamufûlaga omu bafîre anamujîsa irenge, mpu lyo Nyamuzinda abà ye buyêmêre na bulangâlire bwinyu.

1 Petro 2:6

Bulya kuyandisirwe, mpu: Ka murhabwîni oku mpizire omu Siyoni ibuye-kaboko ka nyumpa, liri lirhôle na lya citwîro cidârhi; na ngasi yêshi wacîlikubagîre arhakabona nshonyi.

1 Samweli 10:1

Samweli ayanka ecihakabiro c’amavurha, agadubulira Saulu okw’irhwe, amuhôbera amubwîra, erhi: «Ka Nyamubâho arhamakushîga mpu obè Mwâmi w’olubaga lwâge, Israheli? We wakaz’itwîra olubaga lwa Nyamubâho emmanja n’okulurhenza omu maboko g’abashombanyi bâlwo. Lolaga ecimanyîso Nyamubâho ayêrekinemwo oku akushizire mpu obè mwâmi w’olubaga lwâge.