Ennanga 19:8 - BIBLIYA NTAGATIFU OMU MASHI

⁸ Amarhegeko ga Nyamuzinda gabà mimâna, gazibuhya omurhima; akanwa ka Nyamuzinda kabà k’okuli, kabwîriza ecidâga obugula.

Ennanga 19:8 ပူးပေါင်းရင်းမြစ်များ

Ennanga 12:6

Naye Nnâmahanga, erhi: «Amalibuko g’abazamba» «n’emirenge y’abakenyi erhumire», «nkolaga nayimanga; abalonza obucire nabahêrezabwo.»

Ennanga 119:105

Akanwa kâwe, ko kamole ngendamwo ko kamole k’enjira ngeramwo.

Yeremiya 15:16

Ebinwa byâwe, erhi byampikagakwo, nambivuguse, akanwa kâwe, bwâbà busîme bwâni, bwâbà bushagaluke bw’omurhima gwâni; kulya kubà izîno lyâwe banderha: Nyakasane Nyamuzinda w’Emirhwe.

Migani 30:5

Ngasi luderho lwa Nyamuzinda lubà lucesîbwe n’omuliro; abâ mpenzi y’oyegemire muli ye.

Ennanga 119:128

Co cinarhuma ncîshoga enjira y’amarhegeko gâwe, nnanshomba ngasi njira y’obulyâlya.

Migani 2:6

Nyamuzinda ye hâna oburhimanya, Omu kanwa kâge mwo murhenga obumanye n’obumva.

Ennanga 119:92

Ncibâga ntanunirwa n’irhegeko lyâwe, singa mîra nafâga n’ogu mutula gungwêrhe

Ennanga 119:80

Omurhima gwâni gubè mwimâna omu kushimba amarhegeko gâwe, lyo ndekibumbwa n’enshonyi.

Migani 6:23

Bulyâla irhegeko kabà kamole, n’enyigîrizo bubà bumoleke; okukalihirwa n’okuyigîrizibwa eri njira ya kalamo.

Barom 7:22

Nêci, nnanyumve nsîmire amarhegeko ga Nnâmahanga omu murhima gwâni;

Bagalasiya 2:19

Kali oku burhabâle bw’Irhegeko, nafîre, narhenzibwa omu lukoba lw’irhegeko, nti lyo ndamira Nnâmahanga: nabambirwe oku musalaba haguma na Kristu;

Barom 3:20

Bulya embere zâge ntà muntu ciru n’omuguma wâyêre mpu okwenge ashimbire amarhegeko; kulya kubà ntà cindi amarhegeko gajira okurhali kumanyîsa ebyâha.

Barom 7:7

Kuli kuderha kurhi? Ka mpu irhegeko liri câha? Ntanzi! Ci kwônene ntamanyaga ecâha elirhali irhegeko lirhumire, Bulya ntankamanyire amagene irhegeko lirhâciderhaga, mpu: Orhakazâg’ibà magene.

Ennanga 119:16

Nnunîrwe n’amarhegeko gâwe, ntanaciyibagiraga ebinwa byâwe.

Ennanga 119:14

Omu njira y’amarhegeko gâwe kwo nyumva nshagalusire, kula omuntu ashagaluka omu bundi buhirhi.

Ezekiyeli 36:27

Nâkuhiramwo omûka gwâni, nankuhè emisî y’okushimba engeso zâni, ey’okulanga ama­rhegeko gâni n’okugashimba.

Ennanga 119:171

Akanwa kâni karhenge mw’ebîtakîro, kakuyimbire mbona wamanyigîriza amarhegeko gâwe.

Ennanga 119:143

Omutula n’amalibuko byanjirekwo, byashanga amarhegeko gâwe, gwo mwishingo gwâni.

Ennanga 119:130

Ebinwa byâwe kumoleka bimoleka, kuyigîriza biyigîriza abahwinja.

Ennanga 119:121

Ntahimwa kurhonya ebishingânîne n’ebiringânîne, orhankwêbaga omu nfune z’ababisha.

Ennanga 119:40

Kucîfinja okwo ncîfinjire irhegeko lyâwe obwo: orhalyâlyanya: ompè nâni akalamo.

Ennanga 119:12

Nyakasane mâshi we kasinga, onyigîrize amarhegeko gâwe.

Ennanga 105:45

Ajira ntyo mpu lyo baseza akanwa kâge, banalange amarhegeko gâge!

Ennanga 40:8

Go mango nadesire, nti niono nyishire. Nie bayandikire omu citabu cibunge.

Ennanga 13:3

Kuhika mangaci nayôrha ntimanya amalibuko omu murhima gwâni? Kuhika mangaci omushombanyi wâni ayôrha ampima?

Lubungo 18:16

Nka hali lubanja lugwêrhe, banalunderhere nambazâbûlirelwo, mbamanyise n’amarhegeko ga Nyamuzinda n’amahano gâge.»

Murhondêro 26:5

Kulya kubà Abrahamu ayumvîrhe izù lyâni, akulikira ebi nalimurhegesire okukulikira, amarhegeko gâni, ebinwa byâni, obulonza bwâni.

Bagalasiya 3:21

Ka kuligi kuderha oku Irhegeko lyankalwîsa eciragâne ca Nyamuzinda? Ntà mango! Hacibaga irhegeko lyankahash’ihâna obuzîne, lyoki obushinganyanya bwankarhenzire omu Marhegeko.

Izaya 64:5

Rhweshi rhweshi rhukola rhucîbêra nka bantu bahemusire, n’ebijiro bîrhu binjà nka mushangi guzinzire. Rhweshi rhuyûmîrîre nka bijangala, n’amabî gîrhu kuyehûkana garhuyehûkana nka mpûsi.

Ennanga 119:54

Amarhegeko gâwe lwambêrirage lwimbo, muli cino cirâlo câni c’olubungo.

Ennanga 119:24

Bulyâla ebinwa byâwe kununa bikazinnunira, amarhegeko gâwe bo bahanûzi njira.

Nehemiya 9:13

Wabunguluka oku ntondo ya Sînayi, wabashambâza kurhenga empingu, wanacibahà Amarhegeko gashingânîne, marhegeko g’okunali, marhegeko minjà bwenêne.

Nehemiya 8:12

Olubaga lwoshi lwanacikanya lwaj’irya lwananywa, bashegulana, banajà omu bushagaluke bunji. Kulya kubà bayumvîrhe ebinwa balonzagya okubamanyîsa.

Lushika 16:14

Ago mango wanacisîmîsa, mwena mugala wâwe na mwâli wâwe, mwambali na mwambalikazi wâwe, omuleviti n’ecigolo, enfunzi n’omukana, oku banali omu lugo lwâwe.

Lushika 16:11

Ocîsîmîse omu masù ga Nyamubâho, Nyamuzinda wâwe halya hantu Nyamubâho, Nyamuzinda wâwe àcîshozire mpu yo ndâro y’izîno lyâge, ho wâcîsimikiza mwe na mugala wâwe na mwâli wâwe, mwambali wâwe na mwambalikazi wâwe, omuleviti ôli omu lugo lwâwe, kuguma n’ecigolo, enfunzi n’omukana, oku banali ekarhî kâwe.

2 Bâm 17:37

Mushimbe akanwa, mushimbe obulonza bwâge, na galya marhegeko amuyandikiraga mukagashimba ngasi lusiku munacilange murhaharâmagya bazimu.

Ennanga 93:5

Akanwa kâwe kanali ka kuyêmêrwa, enyumpa yâwe Yâgirwa enali ya kukengwa ensiku zoshi.

Ennanga 111:7

Emikolo y’amaboko gâge erhabâ ya bunywesi enabà mimâna; amarhegeko gâge goshi gali magwîke buzibu.