Ennanga 17:3 - BIBLIYA NTAGATIFU OMU MASHI

³ Wanalola omu ntimanya z’omurhima gwâni onantangule budufu; wanantangula: orhankambonamwo bubî.

Ennanga 17:3 ပူးပေါင်းရင်းမြစ်များ

1 Nganîro 28:9

“Nâwe wêne, mwâna wâni Salomoni, ocîyigirize okumanya bwinjà Nyamuzinda nakoleraga, omuharâmye n’omurhima muguma n’obukengêre budêkerîre. Bulya nêci Nyakasane anabone kuhika omu ndubi y’omurhima anayîshi enkengêro z’abantu zoshi. Okamulongereza, acikwîyêreka, ci kwône okamuleka, akujahika lwoshi lwoshi”.

1 Nganîro 29:17

Yâgirwa, Nyamuzinda wâni, mmanyire oku onalole e nkengêro zîrhu nfulike, n’oku orhahimwa kurhonya obushinganyanya; obwîne oku murhima gw’okunali narhûziremwo buzira kusêzibwa na ndi obuhirhi bwâni, nanabwîne ene oku olu lubaga lwâwe lucîgushire hano nalwo lwajira ntyo n’obushagaluke bunene.

Ayubu 23:10

Ci konene ayishi olugendo njira! Erhi ankantangulira omu cîko cidûlike muliro, nanarhengamwo ncîre nka masholo.

Ayubu 24:14

Mucêracêra, omwîsi anazûke, ayîrhe omukenyi n’olagîrîre, buyîra arhabâle akola ajà azimba.

Ennanga 11:5

Nyamuzinda abona entimanya z’omwinjà n’omubî; omurhima gwâge gushologorhwa na nyankola-maligo.

Ennanga 119:106

Ncîgashire nnampizire, okulanga amarhegeko gâwe gashingânîne.

Ennanga 139:1

Gwârhi omukulu w’abimbiza. Lulanga. Lwa Daudi. Nyakasane, wandolêrize wammanya:

Ennanga 139:23

Nnâmahanga, ondolêreze obone omurhima gwâni, onjè emurhima obone enkengêro zâni.

Ennanga 16:7

Ayâgirwe Nyakasane ôkampà ihano, ciru n’obudufu nanyumve ihano lyampubuka omu ndubi y’omurhima.

Ennanga 26:2

Ontangule, Yâgirwa, onyenje obone, onjè emurhima, onanje omu nsiko, olole.

Ennanga 39:1

Gwârhi omukulu w’abimbiza. Lw’e Yedutuni. Lulanga Lwa Daudi.

Ennanga 66:10

Nêci Nnâmahanga kurhangula warhurhangulaga, cîko warhurhanguliremwo nka kula barhangula amarhale.

Ennanga 7:4

Yâgirwa Nyamuzinda, ka najizire okwo, k’obubî buli omu maboko gâni?

Migani 13:3

Olanga akanwa erhi mûka gwâge alanzire, oderha bwenêne kuhera anahera.

Yeremiya 12:3

Wêhe Nyakasane, onyishi na kubona ombona, omurhima gwâni wagurhangwîre, na haguma nâwe gubà. Obarhenze nka bibuzi byajibâgwa, obabikire olusiku lw’okubâgwa.

Yeremiya 50:20

“Mw’ezo nsiku na mw’ago mango, kwo Nyakasane adesire, bâlonza obubî bwa Israheli, barhâcibubone, balonze ebyâha bya Yûda, barhâcibibone, bulya nâbabalira ngasi boshi basigîre”».

Hozeya 7:6

omu bulyâlya bwâbo, omurhima gwâbo guli mudûrhu nka cîko, obudufu bwoshi erhi obukunizi bwâbo buli îrò, sêzi buyâke nka ngulumira.

Mikeyo 2:1

Bali bahanya abalalira n’okuhiga ebibî oku ncingo zâbo, erhi buca sêzi babiyunjuze, bulya biri omu buhashe bw’amaboko gâbo.

Zakariya 13:9

“N’olwo lubero luguma lwâsigala, nâbarhalika oku muliro lyo mbanûbula kula omuliro gunûbula amasholo n’amarhale. Okubundi bâkaz’inyêrekeza omusengero gwâbo nâni mbayumvîrhize. Nâkaz’ibabwîra nti: Lubaga lwâni, banayêmêre, mpu: Nyakasane ye Nyamuzinda wîrhu.”»

Malakiya 3:2

Ndi wakalembera olusiku lw’okuyisha kwâge, erhi nîsi ayimange olusiku âcîyâlagaza? Ayishiba nka muliro gwa mutuzi, nka nsabuni eyeruhya emyambalo.

Ebijiro 11:23

Erhi ayihika, n’erhi abona enshôkano ya Nyamuzinda, anacisîma, abahà boshi amahano g’okuserakwo Nyakasane n’omurhima gwoshi:

Ebijiro 16:9

Erhi bubà budufu; Paolo ayagânwa: abona omuntu w’e Macedoniya amuyimanzireho anadwîrhe amuyinginga, erhi: «Mâshi, ojè e Macedoniya, oyîsh’irhurhabâla!»

1 Bakorinti 4:4

Omurhima gwâni ntâco guntumuzize, ci arhali kwo kuderha oku ndi mwêru-kwêru. Omutwî w’emmanja wâni, ye Nyakasane.

2 Bakorinti 1:12

Irenge lîrhu bw’obûla buhamîrizi bw’omurhima gwîrhu guhamîriza oku mw’eri igulu, na bwenêne emunda muli, rhwayôsire omu butagatîfu n’omu kurhabêsha, n’okwôla rhwakuhâbagwa na Nyamuzinda. Rhwayôsire ntyo, arhali oku bwenge bw’omubiri, ci oku burhabâle bw’enshôkano ya Nnâmahanga.

Yakôbo 3:2

Bulya rhweshi rhweshi rhunahabuke kanji. Akabà hali orhafumwa omu binwa, oyo muntu erhi acîbêrire mulume mwimâna, owankahash’irhegeka omubiri gwâge gwoshi.

1 Petro 1:7

na ntyo buyêmêre bwinyu - bugwêrhe ecitwîro kulusha amasholo barhangula obwinjà bwâgo omu muliro, n’obwo kusherêra gasherêra - buyish’ibà bukuze n’irenge linyu, bunarhume mwakengwa olusiku Yezu Kristu acîyêrekana.

1 Samweli 24:10

Daudi anacibwîra Saulu, erhi: «Yâgirwa cirhuma okaziyêmêreza bala bantu bakazikushumika kuli nie mpu Daudi alonza okukuyîrha?

1 Samweli 24:12

“Obuhamîrizi bw’oko, lolà oku nfumbasire ecirho c’ecikwi c’ecirondo câwe. N’ebwa kubà natwîre oku cikwi c’ecirondo câwe ntanakuyîsire, wanamanyira ahôla oku ntagwêrhi murhima gwa bubî buci, ntà haguma nkubihîre. N’okwôla kurharhumiri wêhe orhajà wampivahiva mpu kuhika onyîrhe”.

1 Samweli 26:11

“Ci Nyamubâho annange oku kuhuma oku mwâmi wâge w’ishungwè. Orhôlage bunôla eryo itumu liri oku mushego gwâge, kuguma n’eyo ntendere y’amîshi rhunacîgendere”».

1 Samweli 26:23

“Nyamubâho yêne agalulira ngasi muguma okukwânîne n’obushinganyanya bwâge bulya Nyamubâho ali akuhizire ene omu maboko gâni ci ntalonzize okuhira okuboko kwâni oku mushîgwa wa Nyamubâho”.