Ennanga 148:14 - BIBLIYA NTAGATIFU OMU MASHI

¹⁴ Ajîsize olubaga lwâge irenge, ngwârhiro ya bukuze oku barhonyi bâge, bo bâna b’Israheli, ishanja limuyêgêra.

Ennanga 148:14 ပူးပေါင်းရင်းမြစ်များ

Ennanga 112:9

Arhahimwa kuhâna n’okushîbirira abakenyi, obushinganyanya bwâge burhakahwa kuderhwa, irenge lyâge kugandâza lyanagandâza.

Ennanga 145:10

Aminjà gâwe wajizire kukuza gakukuza Muhanyi n’abarhonyi bâwe bakugashâniza.

Ennanga 149:9

Lyo olushika lwatûbagwa kuli bo luyunjula, lyo irenge lyàbikîrwe abarhonyi bâge boshi

Ennanga 75:10

Niehe nâyôrha nsîmire ensiku n’amango, nanzihire Nyamuzinda wa Yakôbo olulanga.

Ennanga 89:17

Barhahwa barhacîtakira izîno lyâwe, n’okukuza obukulu bwâwe.

Ennanga 89:18

Bulyâla okulangaza kw’obuhashe bwâbo, wêne obalwîre, n’okunegena kw’ihembe lîrhu, erhi rhurhonyire emund’oli.

Ennanga 92:10

Bulya nêci abakushomba Yâgirwa, abakushomba kuhera bâhere; ba nyankola-maligo boshi kushandâla bâshandâle.

Yeremiya 17:14

Onfumye, Nyakasane lyo nfuma, oncize lyo ncira, bulya wêne we ncîtakîra

Luka 1:52

Akûzire ngasi bacîbonyi oku ntebe zâbo, ahirakwo abîrhôhye.

Luka 2:32

bulangashane bw’okumolekera amashanja goshi n’irenge ly’olubaga lwâni lw’Israheli».

Befezi 2:13

Lêro buno, muli Kristu, mwe mwâli kulî mîra, omukò gwa Kristu gwammushegezize hôfi.

Befezi 2:17

Anaciyish’ihubuliza omurhûla kuli mwe, mwe mwâli kulî, n’obuholo kuli balya bâli hôfi.

Befezi 2:19

Na ntyo murhaciri b’embuga nîsi erhi bigolo, ci mukola ba mulala muguma n’abatagatîfu na bâna b’omu nyumpa ya Nyamuzinda.

Lushika 10:21

Ye irenge lyâwe, ye Nyamuzinda wâwe, ye wakujiriraga birya binene na bidârhi amasù gâwe gàbonaga.

Lushika 4:7

Anagwârhi, lubaga lunji-lunji luhi lulya banyamuzinda babà baliranyire nk’okûla Nyamubâho, Nyamuzinda wîrhu abà arhuliranyire ngasi mango nka rhwamushenga?

1 Petro 2:9

Ci mwêhe muli ishanja lîshogwa, muli badâhwa b’ebwâmi, muli mulala Mutagatîfu, muli lubaga lurhôle Nyamuzinda acungulaga mpu mukâyimba ebirhangâzo by’olya wammukûlaga omu mwizimya, ammuhama­gala mpu mujè omu bulangashane bwâge bw’okusômeza;

1 Samweli 2:1

Go mango Ana aderhaga ogu musengero: «Omurhima gwâni gukuzize Nyakasane namanakubûla obuhashe bwâni erhi Nyakasane orhuma. Lêro nâni namabumbûla akanwa embere z’abashombanyi bâni, bulya nsîmire okubà wamanyôkola