Ennanga 146:7 - BIBLIYA NTAGATIFU OMU MASHI

⁷ Abalenganyire anabagalulire obushinganyanya bwâbo, ye yigusa abashalye n’ebiryo.

Ennanga 146:7 ပူးပေါင်းရင်းမြစ်များ

Ennanga 10:18

Mpu lyo otwîra enfûzi n’odwîrhe arhindibuzibwa olubanja, lyo n’omuntu warhengaga omu bidaka alekikâlibuza abandi n’ebihamba.

Ennanga 103:6

Nyamuzinda ojira oburhondekezi, acîranulira abarhindubizîbwe.

Ennanga 12:5

Ngasi baderha, mpu: «Olulimi lwîrhu yo misî yîrhu», «kanwa rhujira, ye ndigi wankarhukulikira?»

Ennanga 136:25

Ye hà ngasi ciremwa ebi cirya byoshi, bulya obuzigire bwâge buli bw’ensiku n’amango.

Ennanga 142:7

Yumvîrhiza omulenge gwâni, bulyâla mbengîre kurhali kunyi. Ndîkûza kuli aba banshimbire, bulyâla bandushire misî.

Ennanga 35:10

N’ebivuha byâni byoshi bikaz’iderha, mpu: «Yâgirwa ndi wakakuja omw’irhwe, we shugula engonyi omu nfune za ciri-misî, we shugula omunyi n’omukenyi omu nfune z’owal’imunyaga!»

Ennanga 68:6

Yêne ye îshe w’enfûzi, ye mufungizi w’abakana, Nyamuzinda mwo abêra omw’idubiro lyâge.

Ennanga 68:7

Nyamuzinda ye yûbakira akahumba, ye hisa empira omu ciyêzire: bagoma bône ayûbasa okw’idaho lyûmu.

Ennanga 72:4

Ye wâshîbirira abanyi omu lubaga, Ye wâciza iburha ly’abakenyi. Ye wâtulikanya ababalibuza.

Ennanga 9:16

Amashanja g’abapagani garhogîre omu nyenga bàhumbaga, omurhego bàrhegaga okugulu kwâbo kwagwârhwamwo.

Izaya 61:1

Omûka gwa Nyakasane Nyamubâho guli kuli nie, bulya Nyakasane anshîzire amavurha; antuma mpu ngend’iyigîriza abakenyi emyanzi y’akalembe, nfumye abababîre omu murhima, nyâlîze omwanzi gw’obuyôkozi emwa abâli omu bujà, nnambwîre abâli omu mpamikwa oku balîkûzibwa;

Izaya 9:4

Bulya ngasi nkwêrho z’abarhabâzi zilabarha ecihugo n’ebishûli byâbo biyunjwire mukò byoshi, byâkwêbwa omu muliro, bisingônoke.

Yeremiya 31:14

“Nâyishikashêgera abadâhwa bâni enyama zishushagîre, n’okushobôza olubaga lwâni ebinja bya ngasi lubero. Kwo Nyakasane ogala byoshi adesire”».

Malakiya 3:5

Nyakasane w’Emirhwe adesire, erhi: «Nêci, nâyisha ekarhî kinyu nd’itwa olubanja. Nâbiduha ndiyâgîriza abakurungu, abagonyi, abalahira ebîra, abarhakamasa abakozi bâbo, abalibuza abakana n’enfûzi erhi okulenganya ebigolo, ngasi ba­lya barhanyôboha boshi».

Luka 1:53

Ayunjuza abakenyi birugu, n’abagale abalibirhakwo maboko mûmu.

Luka 4:18

Omûka gwa Nyakasane kuli nie, bulya anshîzire amavurha, antuma mpu ngend’iyigîriza abakenyi emyanzi y’akalembe, mbale omwanzi gw’o­buyôkozi, emw’abâli omu mpamikwa, n’emwa emihûrha ogw’okushub’ikabona, ngalulire abarhindibuzibwe omurhûla,

Luka 9:17

Banacirya boshi, bayigurha. Bashûbûza ebyasigalaga: birhiri ikumi na bibiri bya nshangukizà.

Ebijiro 16:26

Caligumiza, hanacizûka omusisi munene, empamikwa yoshi yadundagana eciriba. Ho n’aho, enyumvi zoshi zayiguka n’enkoba z’ababohe zoshi zashwêkûka.

Ebijiro 5:19

Ci erhi kubà budufu, malahika wa Nyakasane ayigula enyumvi z’empamikwa, n’erhi abahisa embuga, abà­bwîra, erhi: