Ennanga 141:4 - BIBLIYA NTAGATIFU OMU MASHI

⁴ Mâshi mâshi omanye wakayêrekeza omurhima gwâni emund’okubî buli, mpu gujire ebibî birhakwânînî. Ntanajaga omu bantu bajir’okubî, mpu ndye oku biryo byâbo.

Ennanga 141:4 ပူးပေါင်းရင်းမြစ်များ

Murhondêro 27:14

Akanya aj’ibalonza ayisha abadwîrhîre nnina, naye nnina arheganyamwo ebiryo nk’oku îshe anasîma.

1 Bâm 13:8

Olya muntu wa Nyamuzinda anacishuza mwâmi, erhi: «Ciru wakampà oluhande lw’enyumpa yâwe ntankajamwo rhweshi, ntankanalyamwo akantu ciru amîshi go manyi;

1 Bâm 22:22

Ashuza erhi: «Nagenda nj’ibà muzimu wa bunywesi, omu kanwa k’abalêbi bâge boshi. Nyakasane anaciderha, erhi: Wamushumika ciru onamuhirimye, gendaga ojire ntyo.

1 Bâm 8:58

“Ci ayêrekeze emirhima yîrhu emunda ali lyo rhushimba enjira zâge bwinjà, rhushimbe rhunalange ebinwa byâge n’amarhegeko gâge nka oku anabirhegekaga ababusi bîrhu”.

Ennanga 119:36

Omurhima gwâni ahâli h’okuhenekera ebirugu, guyêrekere emunda amarhegeko gâwe gali erhi yo.

Ennanga 28:3

Omanye wampêka omu nsânya haguma n’abanya-byâha, haguma n’enkola-maligo; balyâla babwîra abâbo mpu murhûla, n’obwo bagwêrhe obubî omu murhima.

Izaya 63:17

Cici cirhumirage, Yâgirwa Nyakasane, oleka rhwahabukira kulî, rhwarhenga omu njira zâwe, n’okudundaguza emirhima yîrhu ebule kukurhînya? Galuka erhi buzigire bw’abarhumisi bâwe burhuma n’obw’amashanja gw’omwîmo gwâwe.

Mibalè 25:2

Balinda baluhengulira ebwa kuharâmya abazimu bâbo. Olubaga lwalya lwanafukamira abo bazimu.

Mateyo 6:13

Orhanarhuhiraga omu mashumi, ci orhulîkûze oku Mubî.

1 Bakorinti 10:31

Kuziga kubîre kulya, kubîre kunywa, na ngasi hyoshi mwankajira, byoshi mubijire oku kukuza Nnâmahanga.

1 Bakorinti 15:33

Mumanye murharhebagwa: «Okukômera ababî kunasherêze engeso nyinjà».

2 Bakorinti 6:17

Rhengagi ekarhî kâbo, munaciyegûle, kwo Nyakasane adesire. Mumanye mwankahuma oku kantu karhacîri, nâni nammuyankirira.

Lushika 2:30

Ci kwône mwâmi Sihoni w’e Hesboni alahira mpu arhakarhuleka rhugere emwâge. Nyamubâho, Nyamuzinda wâwe ali amamuhûsa obukengêre anammudundaguza omurhima mpu ly’amuhàye bunya-mpira nk’okûla biri ene.

Lushika 29:4

Namugezize myâka makumi anni omu irungu emishangi yinyu erhamukoyeragakwo, n’emikarabanda yâwe erhakoyeraga oku magulu ginyu.

Yakôbo 1:13

Ntâye obage ali omu mashumi akaderha mpu Nyamuzinda omushumisire; bulya Nyamuzinda arhankashumikwa mabî, naye arhanashumika ndi.

Mafulûlo 18:4

Nanaciyumva erindi izù lyahubuka emalunga, erhi: «Rhengi muli ye, ngabo yâni, mwankanashangîra ebyâha byâge, mubone mwamarhogerwa n’i­bala akâge;