Ennanga 140:7 - BIBLIYA NTAGATIFU OMU MASHI

⁷ We mbwîzire, Yâgirwa: we Nyamuzinda wâni, mâshi, Waliha, oyumvîrhize izù ly’omusengero gwâni.

Ennanga 140:7 ပူးပေါင်းရင်းမြစ်များ

2 Samweli 8:14

Omwôla Edomu ayûbasamwo abarhambo b’abasirika na ntyo abantu b’e Edomu boshi babà bajà ba Daudi. Nyamubâho ajayimangira Daudi omu majira gâge goshi.

2 Samweli 8:6

Daudi ayîmika abarhambo n’abasirika omwôla Sîriya y’e Damasko, na ntyo abôla bantu banya-Sîriya bashuba barhumisi bâge banakaz’imurhûla eby’omushigo. Nyamubâho ayimangira Daudi omu majira gâge goshi.

Ennanga 144:10

Yâgirwa, Nyamubâho, we rhuma abâmi bahima, we wakûlaga Daudi oku bwôji bw’itumu ly’ababisha.

Ennanga 18:35

Ye yigîriza enfune zâni okulwa, n’amaboko gâni okufôla omuherho gw’amarhale.

Ennanga 27:1

Lwa Daudi. Nyakasane ye kamole ye na kucira kwâni: ndi naciyôboha? Nyakasane ye lwâkiro lwâni: ndi wampiramwo ecikango?

Ennanga 31:15

Yâgirwa niehe we ncîkubagîre, nêci nsêzize: we Nyamuzinda wâni.

Ennanga 59:17

Niehe kuyimba nayimba obuzibu bwâwe, buca sêzi ncîtakîre olukogo lwâwe, bulya washubire lwâkiro lwâni, washuba lubungo mbungiramwo olusiku ndi mutula.

Ennanga 62:2

Okurhûla kw’omurhima gwâni anali muli Nnâmahanga mwône okucira kwâni erhi ye.

Ennanga 62:7

Yêne ye Kabuye kâni, ye na kucira kwâni, ye na lwâkiro lwâni: nâni nkola nie ntagagajwa.

Ennanga 89:26

Okuboko kwâge nakulambûlira oku nyanja, n’okulyo kwâge kwayìkira enyîshi.

Ennanga 95:1

Muyishe rhuhindire Nyakasane, rhuyakuze ibuye lyàrhucizagya.

Izaya 12:2

Nyamuzinda ye bucire bwâni: Ye ncîkubagîre, ntâco naciyôboha; bulya Nyakasane yo misî yâni lwo na lwimbo lwâni, ye bucire bwâni.