Ennanga 14:5 - BIBLIYA NTAGATIFU OMU MASHI

⁵ Co cânarhume bajuguma n’obwôba buzira igwârhiro ly’ecôbà kulya kubà Nyamuzinda ayôrha abâ n’iburha ly’omushinganyanya.

Ennanga 14:5 ပူးပေါင်းရင်းမြစ်များ

Esteri 8:7

Mwâmi Asuerusi anacibwîra omwâmikazi Esteri n’olya Muyahudi Mardokeyo, erhi: «Loli oku nahîre Esteri erya nyumpa ya Hamani, naye Hamani yêne amanikwa oku murhi ebwa kubà anali agwêrhe ogwôla muhigo mubî oku Buyahudi.

Ennanga 112:2

iburha lyâge lyâyishilushana hano igulu, n’obûko bw’abashinganyanya bwâbona omugisho.

Ennanga 22:30

Yêne yêne baharâmya abayûbaka igulu n’abadwîrhe bajà omu idaho, bamuyûnamire.

Ennanga 24:6

Eryo lyo iburha ly’abamulonza, iburha ly’abalonza okubona obusù bwa Nyamuzinda wa Yakôbo.

Ennanga 46:11

Lekeragi aho: mumanye oku niene nie Nyamuzinda, nie nkulire amashanja nie nkulire n’igulu.

Ennanga 46:5

Enyîshi-nyîshi zo ziyinjihya olugo lwa Nyamuzinda, zo zishagalusa ecirâlo citagatîfu c’Ow’Enyanya bwenêne.

Ennanga 46:7

Amashanja gajà aho gàcihuma omw’isù, amâmi gàgeramwo omusisi, Lêro izù lyâge lyàkungula, igulu lyàhwera aha nshi.

Ennanga 53:5

Ewe! k’abajira amabî barhayengeha, bala bashanshanyula omulala gwâni nka kula balya omugati? Ka barhashenga Nyamubâho?

Ennanga 73:15

Ncigerêrezagye nti: «Ka nderhe akâbo», nali nacîkûla omu karhî ka bagala bâwe.

Lubungo 15:16

Ecôbà n’omisisi byàbarhogera; oku buhashe bw’okuboko kwâwe bàguguma, bàrhungwa, kuhika olubaga lwâwe lugere, Yâgirwa, kuhika lugere olubaga wêne wayôkolaga.

Migani 28:1

Omumînya anayâke na ntâye omulibisirekwo; omushinganyanya yêhe kwo abâ adekerîre nka mwâna wa ntale.

Izaya 12:6

Mucîshinge, mubande orhubûli, mwe mubà omu Siyoni, bulya Omwimâna w’Israheli ajir’irenge ekarhî kinyu.

Izaya 41:10

Orhayôbohaga, bulya ndi haguma nâwe, orhabâga bihamba, bulya nie Nyamuzinda wâwe. Nakuzibuhize nanakurhabâla, nakugwâsa n’okulyo kw’obucîranuzi bwâni.

Izaya 8:10

“Muhige emihigo: yafananda; muderhe akanwa: karhâgwârhe, bulya Nyamuzinda ali haguma nîrhu.”»

Mateyo 1:23

Alà omubikira ayish’ibà nda, aburha omwâna: bayish’imuhà izîno lya Emanuweli, kwo kuderha: Nyamuzinda - haguma - nîrhu.

1 Petro 2:9

Ci mwêhe muli ishanja lîshogwa, muli badâhwa b’ebwâmi, muli mulala Mutagatîfu, muli lubaga lurhôle Nyamuzinda acungulaga mpu mukâyimba ebirhangâzo by’olya wammukûlaga omu mwizimya, ammuhama­gala mpu mujè omu bulangashane bwâge bw’okusômeza;

1 Samweli 14:15

Obôba bwazûka omu lugerêro, Omu lugo, kuguma n’omu karhî k’olubaga lwoshi; abâli okw’icumbi nabo bajuguma, ciru n’ezàli ntwâli zageramwo ogwa nyegenye, idaho lyageramwo omusisi: Barhungwa n’obwôba bwa Nyamuzinda.