Ennanga 14:1 - BIBLIYA NTAGATIFU OMU MASHI

¹ Gwârhi omukulu w’abimbiza. Lwa Daudi Omusirhe anakâderha omu murhima gwâge, erhi: «Nyamuzinda arhahabà!» Bàcisherêzize, bàjira ebirhankaderhwa; ntà muntu okola aminjà ocibabâmwo.

Ennanga 14:1 ပူးပေါင်းရင်းမြစ်များ

Murhondêro 6:5

Nyakasane abona oku amabî g’abantu gàluzire en’igulu na ngasi muhigo gwabali emurhima gwàli gwa mabî gwône.

Ayubu 15:16

Kurhi byankabâga oku mugalu-galu n’ow’amabî, oku muntu onywa amabî nka mîshi!

Ayubu 22:13

Wàkazâg’iderha, erhi: «bici Nyamuzinda ankamanya kuli okwo? Erhi, ka ankatwa olubanja kurhenga omu citù?

Ennanga 10:4

Omu bucîbone bwâge omuhera kwo guderha, mpu: «Ntà buhane; Nyamuzinda arhahabà!» Zo nkengêro zoshi ezo.

Ennanga 107:17

Balwâla erhi byâha byâbo birhuma, balibuka barhindibuka erhi bubî bwâbo burhuma.

Ennanga 53:1

Gwârhi omukulu w’abimbiza. Oku ndwâla. Lwimbo. Lwa Daudi.

Ennanga 73:3

Kulya kubà nàyâgîrwe, erhi mbona okubêrwa enkola-maligo zibêrwa.

Ennanga 92:6

Emikolo yâwe, alà mpu yaneneha Nyakasane! Enkengêro zâwe, alà mpu zalîha?

Migani 1:22

Mpu «mmangaci mwaleka obuhwinja bwinyu ebi bingolo-ngolo? Na ba-cinya-masheka kuhika mangaci erhi bâsheka? N’abahwinja, kuhika mangaci erhi bayânga obumanye?

Migani 1:7

Okurhînya Nyamuzinda, gwo murhondêro gw’oburhimanya, basirhe bwo barhakwirirwa burhimanya, barhakwirirwa n’ihano.

Migani 13:19

Okuhikakwo ehi omuntu acîfinjaga, kunashagaluse omurhima. Abasirhe barhakwirirwa okuyâka amabî.

Migani 27:22

Omusirhe ciru wankamushakulira omu cishakulo; isirhe lyâge lirhankamurhengakwo.

Muhanûzi 7:20

Hanôla igulu harhali omuntu mushinganyanya olya wankakola aminjà buzira kulogorha ciru n’eriguma.

Izaya 1:4

“Yajewe! ishanja linya-byâha, olubaga luyunjwîre mabî, iburha lya banyankola-maligo, abâna b’emihera! Bajahisire Nyakasane, bagayaguza Omwimâna w’Israheli; bamuhindamulira omugongo”.

Yeremiya 5:12

Bahakanyire Nyamuzinda, baderha mpu «kali ntâye». Mpu ntâko rhwâbà., rhurhâjemwo ngôrho rhurhânajekwo cizombo.

Yeremiya 6:28

Boshi bali bagoma, bakazijà banywerhera abandi, boshi basherîre, bali bazibu nka marhale n’ecûma. Boshi barhahwa kushandâza.

Mateyo 12:34

“Ewani, eri iburha lya cibugusha, ka mwa­nkahash’iderha aminjà n’obwo muli babî? Kali omuntu arhaderha ecirhamuli omu murhima!”

Mateyo 15:19

Omu murhima mwo murhenga enkengêro mbî, okuyîrha, okuhusha, okujira eby’enshonyi, okuzimba, okuhamîriza obunywesi, n’ebijâci.

Luka 12:20

“Ci Nyamuzinda anacimubwîra, erhi”: “Eci cingolongolo!” “Kali obu budufu bw’ene bayish’ikuyanka omûka!” “N’ebyo walundisire byayishig’ibà bya ndi obwo?”

Befezi 2:12

kengêri oku ago mango murhagwêrhe Kristu, mwâli bakagwa omu ishanja ly’Israheli, ntà cigabi mwagwêrhe omu ndagâno Nnâmahanga alagânaga, mwâli mbula-bulangâlire na mbula-Nyamuzinda en’igulu.

Tito 1:16

Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira.

Tito 3:3

Bulya mîra nîrhu rhwàli bahwinja, bagomi, mihera, bajà b’amîru mabî n’îralà lya ngasi lubero; rhwàli rhushayire omu bubî n’omu bwâgalwa, rhwàli bashombe rhwanakâg’ishombana.

Mafulûlo 21:8

Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».

1 Samweli 25:25

“Muhanyi orhashîbiriraga okola kulogorha kwa mwene Beliyali, yerigi Nabala bulya izîno linamanyîse obwôrhere bw’omuntu, ntyôla banakâderha mpu musirhe, erhi kwo binali, isirhe limubamwo. Ci kwônene nie onôla mwambalikazi wâwe ntabwîne abôla bambali bâwe wali orhumire”.