Ennanga 136:9 - BIBLIYA NTAGATIFU OMU MASHI

⁹ Omwêzi n’enyenyêzi mpu bikâmoleka budufu, bulya obuzigire bwâge buli bw’ensiku n’amango.

Ennanga 136:9 ပူးပေါင်းရင်းမြစ်များ

Murhondêro 1:16

Nnâmahanga ajira bimole bibiri binene, ecimole cinênênè mpu cikamoleka mûshi, n’ecimole cinyinyi mpu cikamoleka budufu, boshi n’enyenyêzi.

Ayubu 31:26

Omu kulangîra izûba omu bumoleke bwâlyo, Omwêzi omu lugendo lw’obwinjà gubashamwo;

Ennanga 74:16

We Nn’omûshi we na Nn’obudufu, We wamanikaga omwêzi n’izûba.

Ennanga 8:3

Akanwa k’abâna b’ebirhaba n’abaciyonka, karhubwiriza irenge lyâwe kanahulisa abashombanyi bâwe; lyo abanzi n’abagoma bahirigirha.

Ennanga 8:4

Nkalola amalunga eminwe yâwe yàmanikaga, n’omwêzi n’enyenyêzi walemaga:

Yeremiya 31:35

Ntyo kwo Nyakasane adesire; Ye walemaga izûba mpu likamoleka omu mulegerege, Ye rhegeka omwêzi n’enyenyêzi mpu bikamoleka omu budufu, Ye zûsa omulaba omu nyanja, amîshi gakungule. Izîno lyâge ye Nyamuzinda w’Emirhwe.