Ennanga 135:7 - BIBLIYA NTAGATIFU OMU MASHI

⁷ Ye rhenza ebitù kurhenga enyuma z’ebihugo, ahindule emilazô eshube nkuba, n’empûsi ayishâze aha yali ecifulisire.

Ennanga 135:7 ပူးပေါင်းရင်းမြစ်များ

1 Bâm 18:1

Erhi kugera nsiku zirhali nyi, enyuma za myâka isharhu, akanwa ka Nyakasane karhindakwo Eliya mpu: «Genda ociyêreke Ahabu bulya nkola naniesa enkuba omw’igulu.»

Ayubu 5:10

Ye dubulira enkuba oku idaho, arhume amîshi gahulula omu ishwa.

Ennanga 107:25

Abà nk’aderha n’akanwa: empûsi y’omulaba yazûka, amîshi gakazilwîra omu nyanya.

Ennanga 148:8

Omuliro, olubula n’olwikungu na ba-kalemêra, barhahumba irhegeko lya Nyamuzinda.

Ennanga 78:26

Ashub’ijà aho: atul’empûsi emalunga, n’oku buhashe bwâge azûsa kalemêra.

Yeremiya 10:13

Akalika izù, amîshi ganalulume emalunga, anayinamule ebitù kurhenga aha kafende k’igulu atule n’orhukengulo eshube milazô akûle n’empûsi omu cibîkiro câge.

Yeremiya 14:22

K’omu bikabulirwa by’amashanja hali eciniêsa enkuba? Ka malunga garhuma enkuba yania? K’arhali we, Yâgirwa Nyamuzinda wîrhu? We rhucîkubagira bulya wekola ebyo byoshi.

Yeremiya 51:16

Oku irhegeko lyâge amîshi ganacîlunde oku nkuba, ecitù cinênênè cisôke emalunga, emilazô elêrhe enkuba, empûsi erhenge aha ebêra.

Yônà 1:4

Ci Nnâmahanga azûsa omuhûsi n’omulaba munene omu nyanja, ciru obwârho bwalinzitwîkamwo.

Zakariya 10:1

Hûni Nyakasane enkuba amango g’empondo nzindazinda: Kali ye wajiraga emilazô ye nalêrha enkuba: ammuhà enkuba nyinji anana­ze ishwa lya ngasi muguma muli mwe.

Yowane 3:8

“Empûsi olunda esîmire lwo enahûkiza: onayumve omuhûsi gwâyo, ci orhîshi emunda yarhenga erhi emunda yajà. Kwo n’okwo ngasi yêshi oburhwa na Mûka”».