Ennanga 13:2 - BIBLIYA NTAGATIFU OMU MASHI

² Kuhika mangaci wayôrha onyibagira, Nyakasane? Kuhika mangaci wanfulika obusù bwâwe?

Ennanga 13:2 ပူးပေါင်းရင်းမြစ်များ

Nehemiya 2:2

Mwâmi anacindôsa, erhi: «Cirhumire obusù bwâwe buzinzibire nobwo orhâlwâla? Ntà cindi agarhali malumwa g’omu murhima».

Esteri 7:6

Esteri anacishuza, erhi: «Omushombanyi, omwîsi y’oyûla Hamani, y’oyûla kaheza!» Hamani ageramwo omusisi embere za mwâmi n’embere z’omwâmikazi.

Ayubu 10:15

Nkabà munya-byâha, erhi namânahera! Nkabà mwêru-kwêru, ciru ntayinamule amalanga, bulyâla ndi muntu enshonyi zibumbire, n’obuhanya bunyunjwîre!

Ennanga 10:18

Mpu lyo otwîra enfûzi n’odwîrhe arhindibuzibwa olubanja, lyo n’omuntu warhengaga omu bidaka alekikâlibuza abandi n’ebihamba.

Ennanga 116:3

Emibanga y’olufù enziririnzire n’entanya z’olufù zantubire, oburhè n’amaganya bingwêrhe.

Ennanga 17:9

Onfulike emihera ekantindibuza; ondîkûze oku bashombanyi bâni bangosire bakâlonza okunyîrha.

Ennanga 31:18

Yâgirwa mâshi orhazigaga enshonyi zambumba namânakuyakûza, zibumbe ababî bahabe oku bàdesire, bajanwe ekuzimu.

Ennanga 38:17

Kwo ndesire, nti: «Barhamwemwerhagwa nie ntuma; barhacitakìraga babona okugulu kwâni kwarherera»

Ennanga 42:4

Emirenge lwo lukola lwîko lw’omûshi n’obudufu. Erhi bacimbwîra bwacà bwayira, mpu: «Ngahi Nyamuzinda wâwe aligi?»

Ennanga 6:4

Omurhima gwankangusire, nâwe, we Nnâmahanga kuhika mangaci?

Ennanga 7:2

Nyakasane, Nyamuzinda wâni, we lwâkiro lwâni, ndîkûza oku badwîrhe bandibuza boshi, nciza nâni.

Ennanga 74:10

Nnâmahanga, mangaci oyo mubisha âleka okurhukwâma, kàli anakolaga ashekera izîno lyâwe burhahusa obwo?

Ennanga 74:18

Okengêre n’oku: oyo mubisha kushonza okwo akushonzize, Nyakasane, n’eryôla ishanja ly’abasirhe lyajacîre izîno lyâwe lyarhama.

Ennanga 8:2

Yâgirwa Nyamuzinda, Nnâhamwîrhu, izîno lyâwe lyàjîre irenge omu igulu lyoshi, obukulu bwâwe buyunjwîre amalunga!

Ennanga 9:6

Walembya entumva, walimbula n’ebigamba, izîno lyâbo walizâza lwoshi oku nsiku n’amango.

Migani 15:13

Omurhima gushagalusire gushesa obusù, murhima ali burhè bikûbi abanda.

Muhanûzi 5:17

Alaga oku mbwîne: okasîma omuntu, akasîma kuli kulya n’okunywa, n’okubona obuluhûkiro omu mukolo akola hano igulu, erhi n’ensiku Nyamuzinda ahâga omuntu zanayisha zâgera, bulâlya kwo omuntu analemirwe ntyo.

Yeremiya 15:18

Cirhumirage amababale garhayonda, ecibande câni cirhafuma, cirhâyumva bâsi. Wambêrîrage kishi kabêsha mushâna, kalya k’amîshi garhacîkubagirwa.

Yeremiya 45:3

«Kulya kubà wadesire, erhi: Namâhera bulya Nyakasane ambîkîre enundo y’amarhangulo n’amalibuko, narhamire n’okuniha ntanahumûka ciru n’ehitya».

Yeremiya 8:18

«Namâyumva amagala gandya omurhima gurhaciri gwâni!

Ndûlù 1:5

Abashombanyi bâge bo bahimire, abanzi bâge badêkerîre. Nyakasane oyo wamubabazize erhi bugamba bwâge bunji burhuma. Abagala barhôrhô bajà batundulikwa n’omubisha wabagwâsire mpira abahêka bujà.

Ndûlù 1:9

Omwambalo gwâge gunanirekwo ebirhobero by’izinga lyâge. Arhàli amanyire bici byâmuyishira; ntyo kwo ayandagîre, ntà muntu wacimuhà omurhima. Amâderha erhi: «Mâshi Nyakasane, lolà buno buhanya bundikwo: obone oku omushombanyi wâni ye wahimîne.»

Ndûlù 5:20

Cici cànkarhumire warhuyibagira lwoshi lwoshi? Cankarhuma waârhulekerera lwoshi lwoshi?

Mateyo 26:38

Obwo anacibabwîra, erhi: «Omurhima gwâni guyunjwîre burhè bw’okulonz’ifà; bêri aha, muyîze haguma nâni».

Luka 22:53

Nobwo ngasi lusiku nali haguma ninyu omu ka-Nyamuzinda, murhanampumagakwo. Ci gakola mango ginyu gano n’obwâmi bw’omwizimya».

Yowane 16:6

“Ci bulya nammubwîzire okwo, oburhè buyunjwîre emirhima yinyu”.

Barom 9:2

ngwêrhe burhè bunji n’amababale garhahusa omu murhima.

Bafilipi 2:27

Nêci, kwo binali, ali alwâzire, ciru alonz’ifà. Ci Nyamuzinda amufà lukogo; ci mushâna arhali yênene alufîre, ci na nâni, mpu lyo ndek’ibona akarhinda oku kandi.

1 Samweli 18:29

Saulu ayumva oku okuyôboha Daudi kwayûshûka. Saulu anacîyôrha mushombanyi wa Daudi ensiku zoshi.

1 Samweli 24:19

“Nêci oyêrekîne oku minjà onjirira bulya Nyamubâho anali ampanyire omu maboko gâwe, ci kwônene wêhe orhacinyîsire”.