Ennanga 13:1 - BIBLIYA NTAGATIFU OMU MASHI

¹ Gwârhi omukulu w’abimbiza. Lulanga. Lwa Daudi.

Ennanga 13:1 ပူးပေါင်းရင်းမြစ်များ

Ayubu 13:24

Cirhumire onfulika obusù bwâwe? Cirhumire ondola nka mwânzi wâwe?

Ennanga 10:12

Yimuka, Nyamuzinda, Nnâmahanga, olengeze okuboko kwâwe; omanye wankayibagira abali omu bulagîrire.

Ennanga 35:17

Yâgirwa mâshi, mbwîra nâni kasanzi kanganaci wacîshinga oli ebulâbi? Kanya olîkûze omûka gwâni kuli ezi ngoromora, ogushugule omu nyûnu z’ezi mpangaza.

Ennanga 44:24

Zûka, Nyakasane, cirhumire wahunga? Ozûke, omanye wankanarhukabulira ensiku n’amango!

Ennanga 6:3

Mâshi Nyakasane, ombêre obwonjo ntà misî ncigwêrhe, nfumya, Yâgirwa Nnâmahanga, bulya enjingo z’orhuvuha rhwâni zikola zihozire.

Ennanga 74:1

Lwimbo lwa kuyigîriza. Lwa Azafi. Mâshi Nnâmahanga, ci warhulekêrîre mâshi? Carhumire walubira ebibuzi by’omu busô bwâwe?

Ennanga 80:4

Nnâmahanga mâshi orhudâhye, onarhuyêrekeze obusù burhulwîre lyo rhucira.

Ennanga 85:5

Orhushubize ekà, Nnâmahanga Muciza wîrhu, n’omutula rhukujirire oguyibagirage

Ennanga 89:46

Ensiku z’obusole bwâge wazinyihizagye, wamubonesa eza mêmè.

Ennanga 90:14

Mâshi orhushobôze duba rhuyigurhe olukogo lwâwe, rhusîme rhunacîshinge ensiku zoshi z’obuzîne bwîrhu.

Izaya 59:2

Ci mabî ginyu go garhuma murhabà hôfi na Nyamuzinda winyu, n’ebyâha binyu byo bimmufulika obusù bwâge, mubule kumuyumva.

Ndûlù 5:20

Cici cànkarhumire warhuyibagira lwoshi lwoshi? Cankarhuma waârhulekerera lwoshi lwoshi?

Lushika 31:17

“Olwo lusiku lwonênè omungo gwâni gwabadubukirakwo, nâbalekêrera nambafulike obusù bwâni. Bâlîbwa n’amagala: malibuko manji na maganya manji gâbarhindakwo; kwo aderha olwo lusiku”, erhi: “K’arhakanabà obûla Nyamuzinda wâni arhali omu karhî kâni kwo kurhumire agâla mahanya gantindakwo?”