Ennanga 12:3 - BIBLIYA NTAGATIFU OMU MASHI

³ Abantu badwîrhe barhebana bône na nnene: nderho nnunu, mirhima ibirhi.

Ennanga 12:3 ပူးပေါင်းရင်းမြစ်များ

Ayubu 32:22

Cabà! Nie wa bene ntishi oku balimîrhiza, rhinga owandemaga mîra antingamiraga.

Ennanga 140:12

Omuntu w’olulimi lubî arhâshinge kasanzi hano igulu, omuntu w’ecikalarhu buhanya bwamushamula.

Ennanga 17:10

Amashushi gàbafunisire emirhima; akanwa kâbo nderho za bucîbone kaderha.

Ennanga 55:22

Obusù bwâge bunabè bulushire amakafè kuyengûla, erhi n’omurhima gwâge bya ntambala gulimwo. Ebimwa byâge binabè bilushire amavurha bulembu, erhi zinali ngôrho bugôrho.

Lubungo 15:9

Omushombanyi àli adesire, erhi: «Nammuminika, mmugwarhe, rhwagabâna eminyago, omumiro gwâni gwagogwa; nayômola engôrho yâni, okuboko kwâni kwabanigûza!»

Migani 18:21

Okuyîrha n’okuciza, olulimi lukugwêrhe, abalusîma bayumva eci lubâmwo.

Migani 26:24

Oshombana ajira oku arhebana n’ebinwa, n’obwo omurhima gwâge guyûbarhîre obulyâlya;

Izaya 10:10

Kulya okuboko kwâni kwarhibukiraga oku mâmi gaharâmya ba­ nyamuzinda bw’obwîhambe, agagwêrhe enshusho zilushire ez’e Yeruzalemu n’e Samâriya obunji;

Izaya 59:4

Ntâye ciru n’omuguma wankaderha mpu ahêka aha kagombe oluba­njà kushingânîne, ntâye obûlana omu kuderha eby’okuli; banakâyêgemera ebyâzo birhali byo n’okuderha eby’obunywesi, banahige obuhanya, baburhe obubî.

Yeremiya 12:6

Kali ciru balumuna bâwe na bene winyu bakurhebeka! Bakuhûrana n’izù linene. Orhahîraga okabayêmêra hano bakubwîra ebinwa binunu.

Yeremiya 9:8

Ka mpu ebiri ntyo ntabihane? Ye kudesire Nyakasane. Ka mpu mbule bwacihôla oku ba bêne abo?

Ezekiyeli 28:2

Mwene omuntu, ojibwîra omuluzi w’e Tiri, erhi: Ntya kwo adesire Nyakasane Nyamubâho. Bulya omurhima gwâwe guyunjwîre bucîbone, wanaciderha, erhi: «Ndi nyamuzinda, erhi ndi ntamîre oku ntebe ya Nyamuzinda omu kâgarhî k’enyanja». N’obwo oli muntu ci orhali Nyamuzinda, wacîkunga mpu obulonza bwâwe buli bwa Nyamuzinda.

Ezekiyeli 28:9

Ka wâciderhe bundi, erhi: Ndi nyamuzinda, embere z’abîsi bâwe? Ci, omanye oku oli muntu orhali Nyamuzinda, oyu wâciyîrhira omu maboko gâge.

Ezekiyeli 29:3

“Oderhe onamubwîre, erhi: Ntya kwo adesire Nyakasane Nyamubâho: Ntakulikwo, wâni Faraoni mwâmi w’e Mîsiri, mwâmi w’e Mîsiri, we ngôna elambukîre muli ba Nili bâwe, w’odwîrhe waderha, erhi: Ba Nili bâni banali bâni, niene nabajiraga”.

Daniyeli 7:25

Ayishiderha ebinwa by’obucîbone kuli Ow’Enyanya bwenêne. Ajà âyîrha abatagatîfu b’Ow’Enyanya bwenêne, âcîshomya ciru n’okuhindula amango matagatîfu, okuhindula obuyêmêre, oku ngoma yâge abatagatîfu balibuzibwa mango garhali manyi, kugere n’agandi mango, n’aga­ndi mango masungunu,

Daniyeli 7:8

Oku ndwîrhage nalolêreza agôla mahembe, nanacibona erindi ihembe lisungunu kulusha ag­âbo, lyamera ekarhî kâgwo, na mahembe asharhu muli agôla ga burhanzi gwakûlwa n’eryôla ihembe; nalola oku ery’ihembe lyàli ligwêrhe amasù gali nka ga muntu n’akanwa kakazâg’iderha bintu binji binji.

Malakiya 3:13

Ntya kwo Nyakasane adesire: «Munakazinderhera ebinwa by’obucîbone mubulidôsa», mpu: «Binwa bibî bihi rhukugamba rhwêne na nnene?»

2 Petro 2:18

N’ebinwa byâbo by’obucîbone birhagwêrhi nda na mugogo, banakashumika abacirhenga omu by’obunywesi, balonze okubashubiza omu iralà ly’omubiri n’omu by’enshonyi.

Yûda 1:16

Babà bantu bakâyôrha bacîduduma, ntà mango basîma, emunda iralà libahesire yo banajà, omu kanwa kâbo nderho za bucîbone zirhengamwo, banakalimîriza abantu mpu babarhôlekwo obunguke.

Mafulûlo 13:5

Bacîhà akanwa k’okuderha ebinwa by’obucîbone n’okulogorhera Nyamuzinda, bacîhà n’obuhashe bw’okujira omukolo gwâco myêzi makumi anni n’ibiri.

1 Samweli 2:3

Murhaciyûshûlaga okuderha ebinwa by’obucibonyi, murhacihîraga mwajacirana, bulya Nyakasane abà Nyamuzinda oyishi byoshi, ye yishi obuzirho by’ebijiro byoshi.