1 Lwimbo. Lulanga. Lwa Daudi.
Oku nciyisa omûka erhi kuyimba nanyimbira Nyakasane, oku ncihabà erhi kuziha nanzihira Nyamuzinda wîrhu olulanga.
Lwa Daudi. Nakugashâniza Nyamwagirwa, n’omurhima gwâni gwoshi, bulya wayumvirhîze ebinwa byâni, nkolaga nakuzihira embere za bamalahika bâwe,
Ecabona akanwa kâni kayimba irenge lya Nnâmahanga, na ngasi bàhîrwe omubiri boshi bagashânize izîno lyâge litagatîfu.
Co cirhumire omûka gwâni gusîma n’omûka gwâni gucishinga; ciru n’omubiri gwâni guluhûsire omu murhûla.
Omulenge nàlimwo waguhindwîre gwashuba masâmo; busunzu nali nyambîrhe wamushwêkûla wanyambika enshagadu.
Lwa Daudi. Amango àcisingiraga isirhe embere za Abimeleki, ayêmêra amulibirhakwo anacîgendera.
Gwârhi omukulu w’abimbiza. Lulanga. Lwimbo. Lwa Daudi.
Akanwa kâni kacîtakîre obushinganyanya bwâwe, kalegerere kayigâna oku burhabâle bwâwe: ntânaderhe nti lwo lugero nalekerakw’olu.
Akanwa kâni karhadwîrhi kahusa kuyimba irenge lyâwe, budwîrhe bwaca bunayîre erhi irenge lyâwe kayimba.
Okuhandi, Mûsa bona Bene-Israheli, banaciyimbira Nyakasane olu lwimbo, mpu: Nacîtakîra Nyakasane, bulya àyêrekîne irenge lyâge: àloha ebiterusi n’abashona oku biterusi omu nyanja.
