Ennanga 10:8 - BIBLIYA NTAGATIFU OMU MASHI

⁸ Y’oyo oshurhamire omu masheke, acîfulisire mpu ayîrhe omwêru-kwêru; amasù gâge gadwîrhe gahigira omuhanya.

Ennanga 10:8 ပူးပေါင်းရင်းမြစ်များ

2 Bâm 21:16

Menashè àyîrha abantu, àbulaga omukò gw’abantu bêru kwêru gwayunjula omu Yeruzalemu kurhenga olunda n’olundi, buzira kuderha bulya bubî ajirisagya Yûda erhi ajira okurhashingânîni embere za Nyamubâho.

Ayubu 24:14

Mucêracêra, omwîsi anazûke, ayîrhe omukenyi n’olagîrîre, buyîra arhabâle akola ajà azimba.

Ennanga 17:11

Badwîrhe banyunja banakola bangosire; banniolire amasù mpu bannambike oku idaho

Ennanga 94:6

Badwîrhe baderha, mpu: «Nyakasane arhabona», mpu: «Nyamuzinda wa Yakôbo arhadwîrhi atwa ciru ihuzihuzi».

Migani 24:15

Orhahîraga okahira omurhego omu nyumpa y’omushinganya, orhanamushâbiraga enyumpa.

Yeremiya 22:17

Wêhe amasù n’omurhima gwâwe gahenekîre obunguke bwâwe bwône, n’okubulaga omukò gw’omwêru-kwêru, okulibuza abanyinyi n’okutula entarnbala.

Habakuki 3:14

Amatumu gâwe garhulungula amarhwe g’entwâli zâge, ezaliyishire mpu zirhushandabanye n’orhuhababo rhw’omwîshingo nka rhwa bantu balonza okuyîrha omukenyi bwifulikwè.

Luka 10:1

Enyuma ly’aho, Nyakasane ashub’icîshoga bandi makumi gali nda na babiri, abarhuma babiri babiri embere zâge, mpu bamushokolere okujà omu ngasi cishagala na ngasi hantu anâgere yênene.

Luka 8:1

Kwanacibà kandi erhi adwîrhe ageragera omu ngo n’omu bishagala, ayish’ahanûla anayigîriza Emyanzi Minjà y’Obwâmi bwa Nyamuzinda; na balya Ikumi-na-babiri erhi bamukulikîre,

Bacîranuzi 9:25

Abôla barhambo b’e Sikemi banacimujirira emirhego oku marhwêrhwè g’entondo, banakazinyaga ngasi boshi bakagezire hôfi nabo omu njira; n’okwo kwamanyîkana emunda Abimeleki ali.

1 Samweli 22:18

Lêro mwâmi abwîra Doegi, erhi: «Hindamuka, w’oyu, oyîrhe abà badâhwa». Doegi olya munya-Edomu ahindamuka, ye wayîsirage abadâhwa; muli olwo lusiku ayîrha bantu makumi gali munâni na barhanu, bantu bali bayambîrhe ebishûli by’enondwè.

1 Samweli 23:23

Mujè mwalola munaje mwadôkereza bwinjà aha acîfulika hoshi. Enyuma z’ahôla mwanashubira emunda ndi, mummanyise bwinjà, na ntyôla nâni nanagenda rhweshi eyôla munda ali. Akabà omu cihugo ali, najà nalonza kuhika mubone, nfukule omu Yûda mwoshi.»