Ennanga 10:4 - BIBLIYA NTAGATIFU OMU MASHI

⁴ Omu bucîbone bwâge omuhera kwo guderha, mpu: «Ntà buhane; Nyamuzinda arhahabà!» Zo nkengêro zoshi ezo.

Ennanga 10:4 ပူးပေါင်းရင်းမြစ်များ

Murhondêro 6:5

Nyakasane abona oku amabî g’abantu gàluzire en’igulu na ngasi muhigo gwabali emurhima gwàli gwa mabî gwône.

Ayubu 22:17

Bo balya bàkazâg’ibwîra Nyamuzinda, mpu: «rhurhenge ho! mpu kurhi arhujira Ogala byoshi?»

Ennanga 101:5

Omuntu wâshobeke owâbo bwifulikwè, nnamuheze, omuntu ocîbona, n’ogayana ntabakwîrirwa.

Ennanga 18:27

Ôbà mwêru-kwêru n’omwêru-kwêru, ci endyâlya kuyengehula oyiyengehula.

Ennanga 27:8

Wêne omurhima gwâni gulikwo, amasù gâni wêne galonza, nti obusù bwâwe nâni mbulolekwo, Muciza.

Ennanga 36:1

Gwârhi omukulu w’abimbiza. Lwa mwambali wa Nyamuzinda. Lwa Daudi.

Ennanga 53:1

Gwârhi omukulu w’abimbiza. Oku ndwâla. Lwimbo. Lwa Daudi.

Ennanga 73:11

«Kurhi Nyamuzinda ankamanya?» mpu: «K’Ow’Enyanya ankamanya?»

Lubungo 5:2

Faraoni mwâmi w’e Mîsiri ashuza, erhi: «Ye ndi oyo Nyakasane, lyo nyumva izù lyâge, kurhume naleka Israheli agenda? Ntishi oyo Nyakasane, ntânaleke bene-Israheli nti bagende!»

Migani 21:4

Okulolera abandi oku cirhugo kugayana, enkola-maligo erhakola agarhali maligo.

Migani 30:13

Hali obûko bulolera abandi oku cikanyi, n’ebisike biyunjwire kagayo.

Migani 30:9

Kuderha nti nakayigurha obone namâkuhaba, obone nkola naderha nti: Nyamuzinda ye ndi oyo! nîsi erhi nshalike obone nkola nazimba, obone namâhemukira izîno lya Nyamubâho.

Migani 6:17

Amasù gw’omuntu ogayana, olulimi lw’omunywesi enfune zibulaga omukô gw’omuntu mwêru-kwêru;

Muhanûzi 8:11

Kulya kubà olusiku batwîraga omuntu olubanja arhali lyo anajuha, abantu nabo banakazibà bayunjwîre iralà ly’okujira okubî.

Izaya 2:11

Amasù g’abacîbonyi gayubûbya, obucîbone bw’abantu bwâbona eza mêmè; Nyakasane yêne waj’irenge olwo lusiku.

Izaya 3:9

Okulola kwâbo kwône kunabashobeke; aka Sodomo, bône banajè bayimba obubî bwâbo, babule oku bankabufulika. Bali bahanya, bulya bônene bacîlerhera amahanya!

Izaya 59:7

Amagulu gâbo kugend’ijira amabî galibirhira, barhanahimwa okubiduha nka bagend’ibulaga omukò gw’omwêru-kwêru. Enkengêro zâbo ziri za mabî gône; okushanda n’okunyaga byône bibî omu njira zâbo!

Izaya 65:2

Ngasi lusiku nakâlambûlira amaboko gâni ebwa lubaga lw’entumva, ebwa balya bakulikira enjira mbî omu kushimba amîru gâbo.

Yeremiya 2:31

Eri iburha wâni! Rhangi muyumve akanwa ka Nyamuzinda! Ka kuli Israheli nâbà mpinga erhi ishwa lya mwizimya. Cirhumirage olubaga lwâni luderha: erhi «rhudwîrhe rhwahulahula ci rhurhaje emunda oli»?

Yeremiya 4:14

Yeruzalemu, kûla obubî oku murhima gwâwe ly’ocira! Kuhika mangaci zâkubêramwo, enkengêro zâwe ngalu-galu?

Sofoniya 1:12

Muli ago mango nâyôce Yeruzalemu n’orhumole; nanjè narhangula balya boshi barharhenga omu bubî bwâbo, bo balya baderha emurhima gwâbo, mpu: «Nyakasane arhankahashijira mabî erhi minjà.»

Sofoniya 2:3

Mulongereze Nnâmahanga, mweshi, abîrhôhye b’igulu, mwe mushimba amarhegeko gâge, mulongereze obushinganyanya, mulongereze obwîrhôhye: kwankanabà mwanâyôkolwe mw’olwo lusiku lw’oburhè bwa Nnâmahanga.

Marko 7:21

“Bulya omu muntu”, “omu murhima gwâge mwo murhenga enkengêro mbî”: “obugonyi, obushambo, okuyîrha”,

Ebijiro 8:22

Ocîyunjuzagye kw’obwo bubî bwâwe, onashenge Nyamuzinda: kwankanabà akurhenza ezo nkengêro omu murhima.

Barom 1:21

kulya kubà bàmanyire Nnâmahanga barhanamukuzagya nka Nnâmahanga, barhanamuvugaga omunkwa; ci bôhe bàhabukira omu nkengêro za busha, n’omurhima gwâbo guhûsire gwayunjula mwizimya.

Barom 1:28

Bulya barhalonzagya okumanya kwinjà Nnâmahanga, Nnâmahanga naye àbakabulîre omu murhima gwâbo guhûsire n’omu bijiro birhakwânîni.

Befezi 2:12

kengêri oku ago mango murhagwêrhe Kristu, mwâli bakagwa omu ishanja ly’Israheli, ntà cigabi mwagwêrhe omu ndagâno Nnâmahanga alagânaga, mwâli mbula-bulangâlire na mbula-Nyamuzinda en’igulu.

Lushika 8:14

omanye omuhimbo gwakanakuja emurhima. Ago mango omanye wakayibagira Nyamubâho, Nyamuzinda wâwe wakurhenzagya omu cihugo c’e Mîsiri, omu nyumpa y’obujà.