Ebijiro 7:27 - BIBLIYA NTAGATIFU OMU MASHI

²⁷ Olya wali ohalalire owâbo amuhagali­ka, erhi: «Ewe, ndi wakujiraga mukulu nîsi erhi mucîranuzi wîrhu?

Ebijiro 7:27 ပူးပေါင်းရင်းမြစ်များ

Murhondêro 19:19

Mwambali wâwe arhonyire omu masù gâwe, wananyêresire olukogo lwâwe ene ofungira omûka gwâni. Ci kwône, ntankayakira oku ntondo, mpike n’obwo buhanya burhantindakwo, obone namafâ».

Lubungo 2:14

Olya mulume amubwîra, erhi: «Ndi wakujiraga murhambo na mucîranuzi wîrhu? K’omanyire mpu nâni wanyîrha nka kulya wayîrhaga olya Munya-Mîsiri?» Mûsa àyôboha, erhi: «Kuziga kulya kwamanyîkîne!»

Mateyo 21:23

Erhi acihika omu ka-Nyamuzinda, arhondêra okuyigîriza. Lêro abakulu b’abadâhwa n’abagula b’olubaga bamujaho; banacimubwîra, mpu: «Oku buhashe buhi ojiramwo ebi byoshi? Na ndi wakuhâga obu buhashe?»

Luka 12:14

Anacimushuza, erhi: «Ewe larha, ndi wanjiraga mucîranuzi nîsi mugabi w’ebirugu by’akashambala kinyu?»

Ebijiro 4:7

Banacirhumiza Entumwa, babayimanza ekarhî kâbo, barhondêra okubadôsa, mpu: «Ewe, oku buhashe buhi erhi oku izîno lya ndi mwajiraga kulya?»

Ebijiro 5:33

Erhi bayumva okwo, bakunira bwenêne, ciru balonza okubayîrha.

Ebijiro 7:35

Oyôla Mûsa banenaga, erhi baderha, mpu: «Ndi wakujiraga mukulu nîsi erhi mucîranuzi wîrhu?» ye Nnâmahanga arhumire mpu abakulire anabacize oku burhabâle bw’olya malahika wamubonekeraga omu ishaka.

Ebijiro 7:39

Ye bashakulûza bàlahiraga okuyumva! Ciru bamukoba, banacîfinja omu murhima okushubira e Mîsiri;

Ebijiro 7:54

Erhi bayumva ebyo binwa, bakunira bwenêne banakâhekenyera Stefano amîno.