Ebijiro 6:9 - BIBLIYA NTAGATIFU OMU MASHI

⁹ Lêro bantu baguma b’omu sinagogi ederhwa y’abarhengaga-omu-bujà, n’ey’abantu b’e Sirena, n’ey’ab’e Aleksandri­ya, n’ab’e Silisiya, n’ab’e Aziya, bayisha bal’ijisa Stefano kadali.

Ebijiro 6:9 ပူးပေါင်းရင်းမြစ်များ

Mateyo 10:17

Mumanye abantu: bâmmuhâne omu lubanja, bânammushûrhire omu sinagogi zâbo.

Mateyo 23:34

Lêro mushub’ilola: nammurhumira abalêbi, abanya-bushinganya n’abigîriza; ci mwayirhemwo baguma munababambe oku musalaba, n’abandi mubashûrhire emikoba omu masinagogi ginyu, munabashimbûlule omu ngasi cishagala.

Mateyo 27:32

Erhi bahika omu njira, barhimâna omuntu w’e Kirena, ye Simoni; bamugwârha mpu arhwâze Yezu okubarhula omusalaba,

Marko 13:9

“Ninyu mucîmanye”: “mwayish’ihânwa omu rhugombe, munashûrhirwe omu masinagogi, mwâhêkwe embere z’abarhegesi n’abâmi nie ntumire, oku kubà bahamîrizi embere zâbo”.

Luka 21:12

“Ci embere y’okwo kwoshi, barhang’immugwârha, ba­mmulibuze, bammuhâne omu masinagogi n’omu mpamikwa, banammuheke e­mbêre z’abâmi n’abarhegesi izîno lyâni lirhumire”.

Ebijiro 11:20

Ci muli bo habonekana baguma b’e Cipro n’e Sireneya. Abôla erhi bahika e Antiyokiya, bàganîza Abagereki, banabayigîriza Nyakasane Kristu.

Ebijiro 13:1

Omu Ekleziya y’e Antiyokiya, mwâli abalêbi n’abigîriza; bo: Barnaba, Simoni oderhwa Mwîragula, Luciyo w’e Kirena, Manaheni walereragwa haguma na mwâmi Herodi, na Saulu.

Ebijiro 13:45

Erhi Abayahudi babona oyo nyamugege w’abantu, bâyâgalwa, barhondêra okulogorhera Nyamuzinda erhi bayumva ebinwa bya Paolo.

Ebijiro 15:23

Babafumbasa aga maruba, mpu: «Rhw’ono ntumwa n’abagula bene winyu, rhumuhîre omusingo, mwe bene wîrhu b’e Antiyokiya n’e Sîriya n’e Silisiya mwarhengaga omu bapagani!

Ebijiro 15:41

Atwîkanya omu Sîriya n’omu Silisiya, aj’azibuhya Ekleziya.

Ebijiro 16:6

Banacigera omu Frijiya n’omu cihugo c’e Galasiya, bulya Mûka Mutagatîfu ali abahanzize okuyigîriza oluderho lwa Nyakasane omu Aziya.

Ebijiro 18:24

Muyahudi muguma w’e Aleksandriya, mpu ye Apolo, anacihika e Efezi. Ali muntu oyîsh’iderha, anali mulenga omu Mandiko.

Ebijiro 19:10

Okwo, akujira myâka ibirhi yoshi, na ntyo abantu boshi b’omu Aziya, Abayahudi n’Abagereki, bayumva oluderho lwa Nyakasane.

Ebijiro 19:26

“Ci mwene mubwîne munadwîrhe mwayumva oku arhali e Efezi yône, ci na hôfi omu Aziya yoshi, oyu Paolo arhebire anahindula emirhima y’abantu barhali banyi, ababwîra mpu banyamuzinda bajiragwa n’amaboko g’abantu barhali ba­nyamuzinda”.

Ebijiro 21:27

Oku zirya nsiku oku zinali nda zikolaga mpu zihwe, Abayahudi barhengaga e Aziya, bamubona omu Ka-Nyamuzinda, batula ehidugundu omu lubaga, bamugwârha,

Ebijiro 21:39

Paolo amushuza, erhi: «Nie ono ndi Muyahudi, emwîrhu e Tarsi omu Silisiya, ndi muntu w’omu cishagala cirhahabikini omu igulu. Waliha, onyêmêrere nâni mbwîre olubaga kanwa kaguma».

Ebijiro 22:19

“Nâni, nashuza, nti”: “Yâgirwa, bamanyire oku nakâg’igera omu masinagogi najà naboha n’okushûrha empîmbo abakuyêmêra boshi”;

Ebijiro 22:3

«Nie ono ndi Muyahudi, naburhiragwa e Tarsi, omu Silisiya, ci kwônene mw’ecîra cishagala nalereragwa oku bibero bya Gamaliyeli; nayigîrizibwa bwinjinjà amarhegeko ga bashakulûza, nanabà ntwâli omu bya Nyamuzinda nk’okûla mweshi muli ene.

Ebijiro 23:34

Erhi ayûsisoma galya maruba amânamudôsa ali wa cihugo cihi, n’erhi amanya oku emwâbo e Silisiya, anacimubwîra, erhi:

Ebijiro 24:18

“Ntyo kwo banshanzire omu ka-Nyamuzinda, erhi mîra nashukûlagwa; murhàli ndêko ya bantu, murhanali hidugundu”.

Ebijiro 26:11

Ntà sinagogi ntajagamwo nti mbalibuze, nakâbasêza okulogorhera Nnâmahanga, n’omu mujina nabajiriraga, ciru nakâbashimbûlira kuhika n’omu bishagala bya kulî.

Ebijiro 6:10

Ci barharhamag’ihimwa n’okurhimanya kwâge, bulya Mûka Mutagatîfu wakâg’imubwîra ebi aderha.

1 Bakorinti 1:20

Omushinganyanya ngahi aligi? Ngahi aligi omuntu wasomire binji? Omurhimanya wa hano nshi ngahi abà wâni? Obushinganyanya bw’igulu ka Nyamuzinda arhabuhindulaga isirhe?

Bagalasiya 1:21

Okuhandi nanacijà omu bihugo by’e Sîriya n’eby’e Silisiya.