Ebijiro 4:24 - BIBLIYA NTAGATIFU OMU MASHI

²⁴ Erhi bayûs’iyumva, boshi ba­bwîra Nnâmahanga caligumiza n’izù linene, mpu: «Yâgirwa, we walemaga amalunga n’igulu n’enyanja na ngasi bibâmwo byoshi;

Ebijiro 4:24 ပူးပေါင်းရင်းမြစ်များ

2 Bâm 19:15

Ezekiyasi anacishenga Nyamubâho anaciderha erhi: «Mâshi Nyamubâho, Nyamuzinda w’Israheli, we otamîre kuli bakerubi, wêne we Nyamuzinda w’amashanja goshi g’igulu, wêne we walemaga empingu n’igulu.

2 Bâm 19:19

“Ci kônene waliha, Nyamubâho, Nyamuzinda wîrhu, nkusengîre orhuyôkole, orhukûle omu maboko gâge, na ntyo agandi mashanja gamanyire ho oku wêne we na Nyamubâho, oku wêne we onabà Nyamuzinda”».

Nehemiya 9:6

Wêne Yâgirwa Nyakasane, we walemaga empingu, amalunga g’amalunga, na ngasi binabayo byoshi, n’igulu na ngasi binabamwo byoshi, we walemaga enyanja na ngasi ebi zijira byoshi, wêne w’ehà ebyo byoshi obuzîne n’ebiremwa by’empingu binakukuze.

Lubungo 20:11

Bulya omu nsiku ndarhu Nyakasane àjira amalunga n’igulu, enyanja na ngasi bibâmwo, ci oku lusiku lwa kali nda àrhamûka. Co cârhumire Nyakasane agisha olwo Sabato, ànalujira lutagatîfu.

Izaya 51:12

Niene, niene nie ndwîrhe nammurhûliriza! Oligi ndi wayôboha omuntu wânafè, omuntu oburhwa n’owundi, oli nka hyâsi?

Yeremiya 20:13

Muyimbe Nyamubâho, mukuze Nyakasane bulyâla omûka gw’omuhanya agulîkûzize omu nfune z’enkola-maligo.

Yeremiya 32:17

Nêci Nyakasane Nyamuzinda, wayêrekîne obu­rhwàli bwâwe n’obulenga erhi olambula okuboko kwâwe walema empingu n’igulu. We ogala byoshi!

Ebijiro 14:15

«Mâshi, mwe balume, kurhi okwo mwajira? Kàli nîrhu rhuli bantu ak’inyu; rhumubwîzire nti muleke ebi bya busha, muhindamukire Nyamuzinda ozîne wajiraga amalunga n’igulu n’enyanja na ngasi byoshi bibâmwo.

Ebijiro 16:25

Aha karhî k’obudufu, Paolo na Sila bâli badwîrhe bayimba irenge lya Nnâmahanga, n’ababohe bakâbayumvirhiza.

Ebijiro 4:23

Erhi babà bamalîkwa, bajà emunda abâbo bâli, babaganîrira oku abajinji b’abadâhwa n’abagula bababwîzire kwoshi.