Ebijiro 28:4 - BIBLIYA NTAGATIFU OMU MASHI

⁴ Abashi b’okwo cirhwa erhi babona eyo mpiri e­dwîrhe yamunagana oku kuboko, babwîrana bône na nnene, mpu: «Oyu muntu ciri cishungu; amâfuma enyanja, ci obwihôle bwa Nyamuzinda burhamuzigîri alama!»

Ebijiro 28:4 ပူးပေါင်းရင်းမြစ်များ

Murhondêro 3:1

Enjoka yo yali nsimba nyengûza omu nsimba z’erubala zoshi Nyakasane Nyamuzinda ajiraga. Wanjoka abwîra omukazi, erhi: «Ka kwo kunali Nnâmahanga adesire: Murhahîraga mukalya oku murhi ciru n’omuguma gw’omu ishwa?»

Migani 28:17

Oyu balibirhakwo mpu ayîsire omuntu, ânalinde ahika aha nshinda erhi kuyâka ayâka, orhahîra okamuhumakwo.

Izaya 26:21

“Bulya, alà oku Nyakasane oyo wamâhuluka omu ndâro yâge, mpu ayish’ihana amabî g’abantu ba hano igulu. Nalyo idaho likola lyâshala omukò lyanywîre, lirhakanaciderha mpu lyafulika abantu bâlyo banizirwe”».

Izaya 43:20

Ensimba zânkuza, banyambwe n’enkongôro, bulya nahizire amîshi omw’irungu, n’enyîshi omu bulambo, lyo nkanywêsa olubaga lwâni, omwîshogwa wâni.

Sofoniya 2:15

Kwo câhinduka ntyo cirya cishagala c’obulimbi, cirya abantu bamwo bakâgicîkèbwa mpu bajira aha bayegamire, banakazimanya mpu ntâye obalingânîne. Lêro cashûbusirage, cikola bulumba bwa nsimba! Ngasi boshi bakola bacigeramwo banashungûrhe n’okusômerwa.

Mateyo 23:35

mpu lyo mubarhuzibwa ngasi mukò mwêru-kwêru gwajire omu budaka, kurhenga omukò mwêrukwêru gw’Abeli kuhika oku mukò gwa Zakariya, mugala wa Barakiya, mwayîrhiraga omu ka-Nyamuzinda embere z’olutare!

Mateyo 27:25

Olubaga lwoshi lwashuza, lwaderha, mpu: «Omukò gwâge kuli rhwe n’oku bâna bîrhu!»

Luka 13:2

Anacibashuza, ababwîra, erhi: «Ewe, ka mumanyire mpu aho Bagalileya bàgwêrhe ebyâha kurhaluka abâbo Bagalileya boshi, okwenge bamalibuzibwa ntyo?

Luka 13:4

Nîsi erhi balya ikumi na munâni bahoneragwa n’omutungo omu Silowe, ka mwamanya mpu bo babîhire kurhaluka abâbo b’e Yeruzalemi boshi?

Yowane 7:24

Olubanja murhakâg’iluhà ocîshizire, ci mukagemera omuntu oku anakwânîne».

Ebijiro 28:2

Abantu bakwo barhuyankirira n’obuzigire bw’okunali. Banacitwâna omuliro, barhubwîra rhweshi mpu rhukalûke, bulya erhi enkuba yaciyus’irhoga, n’e­mboho yali nkali.

Ebijiro 28:3

Lêro Paolo anacirhologola olulando lw’enshâli nyumu, alukwêba oku cîko. Empiri yalimwo, erhi eyumva idûrhu, yamurhenga, yacîshwêkera oku kuboko kwâge.

Ebijiro 28:5

Ci larha wâni agukumulira obwo buhanya omu muliro, arhanabâga kurhi,

Mafulûlo 21:8

Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».