Ebijiro 27:41 - BIBLIYA NTAGATIFU OMU MASHI

⁴¹ Lêro bahika oku ihya, bahukula amabuye, obwârho bwahangarhana; olunda lw’enyuma lwagwârha omu mabuye, n’obw’embere bwabereka erhi bukali bw’emivumba y’omulaba burhuma.

Ebijiro 27:41 ပူးပေါင်းရင်းမြစ်များ

1 Bâm 22:48

Agôla mango ntà mwâmi wabâga aha Edomu, ci musirika wa mwâmi wabâga ho yêne.

2 Nganîro 20:37

Okubundi Eliyezeri, mugala wa Dodawahu w’e Maresha, alêba ebiyêrekîre Yozafati, aderha erhi: «Ebwa kubà walungîne na Akhaziyasi, Nyamubâho amajonjaga omukolo gwâwe.» Amârho ganacihahanyuka mpande mpande, garhacihashaga okujà e Tarsisi.

Ezekiyeli 27:26

Abashâna bakuhêka emuhengere. Empûsi y’ebuzûka-zûba yakuvunira emuhengere gw’enyanja.

Ezekiyeli 27:34

Lêro w’oyu wavunisire n’emibungè y’amîshi omu karhî k’enyanja. Omuhako gwâwe n’engabo yâwe mwêshi mwamalohoma.

Ebijiro 27:17

Erhi babà bamahirheremya, bakolêsa ebindi bâli bagwêrhe by’okurhabâla, bashwêka enkuge n’emigozi. Na bulya bâli bayôbohire mpu bankagend’ihangarhana omu Sirti, bayanka omurhoza gujà gwayêrêra, bagurhogeza omu nyanja, na ntyo bajà bayêhûlwa n’empûsi.

Ebijiro 27:30

Ci abahalira balonza okurhenga omu nkugè mpu bacîyâkîre; banaciloha ehyârho hisungunu omu nyanja, babà nk’abagereza emirhoza enyuma mpu bayiyandagalize omu mîshi.

Ebijiro 27:40

Banacishwekûla emirhoza, bayirhogeza omu mîshi, batwa n’emigozi y’engasi z’okuyêrekeza o­bwârho; okuhandi barheramya empungira y’embere mpu lyo empûsi ebayehûlira ebwa mwaro.

Ebijiro 27:42

Obwo, abasirika bahiga mpu bayîrhe abashwêkwa, lyo halek’ijira owayôga, afulumuke.

1 Bakorinti 15:58

Ntyo, bene wîrhu bazigirwa, musimike, murhadundaganaga, ensiku zoshi mukaz’ijà embere omu mukolo gwa Nyakasane, bulya mumanyire oku omukolo gwinyu muli Nyakasane gurhankafa busha.