Ebijiro 27:1 - BIBLIYA NTAGATIFU OMU MASHI

¹ Erhi babà bamahiga mpu rhurhûlirwe e Italiya, Paolo n’abandi bashwêke bahâbwa omurhambo w’omurhwe gw’abasirika guderhwa Agusta, n’oyo murhambo izîno lyâge ye Juliyo.

Ebijiro 27:1 ပူးပေါင်းရင်းမြစ်များ

Murhondêro 50:20

Mwâli mulonzize okunjirira amabî, Nyamuzinda yêhe alonza okurhenzamwo aminjà, mpu lyo oku kwamayisha ene kubà mpu anafungire omûka gw’olubaga lurhali lunyi.

Ennanga 33:11

Emihigo ya Nyakasane ecibêra kadundu-ntashugulwa, enkengêro z’omurhima gwâge zirhahuligana, oku biguma byahira ebindi byahirûka.

Ennanga 76:10

Nyamuzinda ayimuka obwo mpu aj’itwa emmanja, anagalukire abanyinyi babà okw’igulu.

Migani 19:21

Emihigo y’omurhima gw’omuntu eluga, ci omuhigo gwa Nyakasane gwo gusêra.

Ndûlù 3:27

Kuli kwinjà oku muntu okubarhula omuzigo gwa Nyakasane kurhengera oburhò bwâge.

Mateyo 27:54

Omukulu w’abasirika n’abandi bantu bakâg’ilanga Yezu haguma naye erhi babona igulu ligeramwo omusisi n’ebindi byabîre byoshi, bayôboha bwenêne, banaderha, mpu: «Nêci, kwo binali oyu muntu anali Mugala wa Nyamuzinda!»

Luka 23:47

Omukulu w’abasirika erhi abona okwo, akuza Nyamuzinda, erhi: «Nêci, kwo binali, oyu muntu ali mwimâna!»

Luka 7:2

Obwo erhi murhambo muguma wa basirika igana omwambali agogomîrwe bwenêne ali obufa, erhi anali murhonyi w’omurhambo.

Ebijiro 10:1

E Sezareya yabaga mulume muguma, mpu ye Korneliyo. Ali murhegesi w’engabo ederhwa y’Abatalyano.

Ebijiro 10:22

Bashuza, mpu: «Omurhegesi w’abasirika, Korneliyo, muntu mwinjà orhînya Nyakasane, mukengwa omu ishanja ly’Abayahudi lyoshi, abwîzirwe na malahika mpu akuhamagale aha mwâge, anayumve ebinwa byâwe».

Ebijiro 16:10

Erhi ayûs’ibonekerwa, ho n’aho rhwalonza okujà e Macedoniya, bulya rhwàli rhumanyire bwinjà oku Nyamuzinda arhuhamagireyo mpu rhuyigîrize abantu bâyo Emyanzi y’Akalembe.

Ebijiro 18:2

Ayishimâna omuyahudi, izîno lyâge ye Akwila, muburhwa w’e Ponto, wacizindag’irhenga e Italiya bo na mukâge Prishila, bulya Klaudiyo ali arhegesire mpu Abayahudi boshi barhenge e Roma. Paolo anacibayinjibana,

Ebijiro 19:21

Erhi ebyo byoshi bibà byamâbà, Paolo anacihiga emurhima okutwikanya omu Macedoniya n’omu Akaya, n’okujà e Yeruzalemu, erhi: «Hano mbà namâyihika, kukwânîne mbone na Roma».

Ebijiro 21:32

Aho honênè, ayanka abasirika n’abarhegesi bâbo, anaciyisha bulibirha, ajà emunda bâli. Erhi babona omukulu w’omurhwe gw’abasirika bâge, baleka okushûrha Paolo.

Ebijiro 22:26

Erhi ayumva ntyo, oyôla murhegesi w’omurhwe gw’a­basirika agend’ibwîra omukulu w’abasirika, erhi: «Kurhi wâjira? Ci oyo muntu, amâbà Muroma!»

Ebijiro 23:11

Obudufu bwakulikiraga olwo lusiku, Nyakasane amubonekera, amubwîra, erhi: «Komera! Kulyâla wa­mpamîrizagya e Yeruzalemu, kwo okwânîne okujimpamîriza e Roma».

Ebijiro 23:17

Naye Paolo anacihamagala muguma omu barhegesi b’emirhwe y’abasirika, amubwîra erhi: «Oyu mwâna, omuhekere omukulu w’abasirika, bulya agwêrhe oku amubwîra».

Ebijiro 24:23

Anacirhegeka omurhegesi w’omurhwe gw’abasirika mpu alange Paolo, ci kwône mpu amuhè obuyêmêre bw’okujira oku alonzize, arhanahanzagya benewâbo bal’imushêgula.

Ebijiro 25:12

Obwo, erhi abà amâjà ihano boshi n’abahanûzi bâge, Festo ashuza, erhi: «Obûla ohûnyire okutwîrwa omu lukîko lwa Sezari, omu lukîko lwa Sezari wânajaga.»

Ebijiro 25:25

Nabwîne niehe oku ntâco ajizire cikwânîne olufù. Ci bulyâla yêne ahûnyire olubanja lwâge lutwîrwe omu lukîko lwa Augusto, nahizire okumurhumayo.

Ebijiro 27:11

Ci omurhambo w’omurhwe gw’abasirika àli acîkubagîre omwêrekeza w’obwârho n’o­mukulu w’ababulimwo kulusha ebinwa bya Paolo.

Ebijiro 27:43

Ci omurhambo w’omurhwe alahira ihano lyâbo, bulya àli alonzize okuciza Paolo. Anacirhegeka mpu abayish’iyôga bacîkwêbe omu mîshi barhanzi, bayikirire e bulambo,

Ebijiro 27:6

Omurhambo w’omurhwe gw’abasirika ashimâna enkuge y’e Aleksandriya yali omu njira y’okujà e Italiya; arhuhiramwo.

Ebijiro 28:1

Erhi rhubà rhwamafuma, barhubwîra oku eco cirhwa co Malta.

Ebijiro 28:16

Erhi rhuhika e Roma, bayêmêrera Paolo okuj’ihà­nda aha alonzize bo n’omusirika wakâg’imulanga.

Bahabraniya 13:24

Mundamukize abakulu binyu boshi n’abatagatîfu boshi. Bene wîrhu b’omu Italiya ba­mmulamusize.