Ebijiro 26:31 - BIBLIYA NTAGATIFU OMU MASHI

³¹ Erhi babà nka bacîyegûla, bakâbwîrana bône na nnene, mpu: «Oyu muntu ntâco ajizire cikwânîne olufù erhi enkoba».

Ebijiro 26:31 ပူးပေါင်းရင်းမြစ်များ

2 Samweli 24:17

Erhi Daudi abona oyôla malahika wajàga ayîrha abantu anacibwîra Nyakasane erhi: «Mâshi k’orhabwîni oku nie najirisize ecâha, nie najiraga agâla mabî ci abôla buli busô, bubî buci bajizire? Okuboko kwâwe kubâge nie kujakwo n’oku nyumpa yâni.»

Yeremiya 26:16

Oku bundi abarhwâli n’olubaga lwoshi, babwîra abadâhwa n’abalêbi erhi «oyu muntu arhali wa kufà, bulyâla akanwa arhubwîzire kali ka kuli Nyakasane Nyamuzinda wîrhu».

Luka 23:4

Bilato anacibwîra abajinji b’abadâhwa n’olubaga, erhi: «Ntabwîni cibî cici oyu muntu ajizire».

Ebijiro 23:29

Nashanga bamushobesire ebiyêrekîre irhegeko lyâbo, ci nabona oku ntà bubî agwêrhe bukwânîne okufà nîsi erhi enkoba.

Ebijiro 23:9

Banacijira lubî lunji, na bashamuka b’ihano baguma b’omu Bafarizeyi bayimanga, bakaliba bwenêne, mpu: «Ntà kubî rhubwînemwo oyu muntu! Ka gurhankanabà mûka erhi malahika washambîre bo naye?»

Ebijiro 25:25

Nabwîne niehe oku ntâco ajizire cikwânîne olufù. Ci bulyâla yêne ahûnyire olubanja lwâge lutwîrwe omu lukîko lwa Augusto, nahizire okumurhumayo.

Ebijiro 28:18

Erhi babà bamambûlanya, Abaroma balonza okundika, bulya barhambonako ecankarhuma banyîrha.

1 Petro 3:16

ci kwônene n’o­butûdu n’obwîrhôhye, bulya mugwêrhe omurhima mwinjà, lyo abashobeka olugendo lwinyu lwinjà muli Kristu, enshonyi zibagwârha omu ebi bammubêherakwo.