Ebijiro 21:9 - BIBLIYA NTAGATIFU OMU MASHI

⁹ Agwêrhe bâna bâni ba bunyere barhalisâg’ihumwakwo, bâli balêbi.

Ebijiro 21:9 ပူးပေါင်းရင်းမြစ်များ

2 Bâm 22:14

Omudâhwa Hilkiyahu, boshi na Ahikami, boshi na Akbori, boshi na Shafani na Asaya bakanya bajà emw’omulêbi-kazi ye Hulda mukà Shalumu mugala wa Tikwa, mugala wa Harhasa ye wali mulanzi w’emyambalo; nyamukazi abâga aha Yeruzalemu omu mûbako gwa kabiri. Erhi babà bamamuganîrira, nyamukazi anacibashuza erhi:

Nehemiya 6:14

‘Kengêra mâshi Yâgirwa Nyamuzinda wâni, ago mabî Tobiya na Sanbalati bakola banjirira. Kuguma n’olya mulêbi Noadya n’abandi balêbi balonzagya okunyobohya’.

Lubungo 15:20

Omulêbi-kazi Miriyamu, mwâli wâbo Aroni, anacirhôla engoma; abakazi boshi banacirhôla ezindi ngoma, bàmuyisha omu nyuma, bàjà bayimba banasâma.

Ezekiyeli 13:17

Nâwe mwene omuntu, oyêrekeze obusù bwâwe emwa abalêbi-kazi b’omu lubaga lwâwe, abakaz’iderha eby’obunywesi bacirhuma bônene, nabo obabwîre ebîra binwa bya obulêbi.

Luka 2:36

Hàli n’omulêbi-kazi, Ana, mwâli wa Fanuweli, w’omu bûko bw’Aseri. Ali akola mugikulu. Kurhenga obulamba bwâge, alamire n’ibà myâka nda,

Ebijiro 13:1

Omu Ekleziya y’e Antiyokiya, mwâli abalêbi n’abigîriza; bo: Barnaba, Simoni oderhwa Mwîragula, Luciyo w’e Kirena, Manaheni walereragwa haguma na mwâmi Herodi, na Saulu.

Ebijiro 2:17

Omu nsiku nzinda, Nnâmahanga okudesire, nâlumîza Omûka gwâni oku bantu boshi. Obwo bagala binyu na bâli binyu bânalêbe; abasole bânabonekerwe, n’abashozi bâbone ebilôrho,

1 Bakorinti 7:38

Ntyo owahà omwâli omulume erhi kwinjà ajizire, n’orhamuhîri mulume erhi ajizire kwinjà kulusha.

Mafulûlo 2:20

«Ci kwônene nkugayire kulya kubà wayêmêrîre olya mukazi Yezebeli okâcîderha mulêbi-kazi’,'mpu arhebe bambali bâni anabayigîrize okuhusha n’okulya enyama zarherekîrwe abazimu».

Bacîranuzi 4:4

Muli ago mango, Debora, mulêbi-kazi, mukà Lapidoti, àli mucîranuzi omu Israheli.