Ebijiro 21:20 - BIBLIYA NTAGATIFU OMU MASHI

²⁰ Nabo erhi bayûsimuyumva, bakuza Nnâmahanga, banamubwîra, mpu: «Mwene wîrhu, obwîne wêne ebi bihumbi by’Abayahudi bàyankirîre obuyêmêre, na ngasi boshi kushimba bacishimba irhegeko lya Mûsa.

Ebijiro 21:20 ပူးပေါင်းရင်းမြစ်များ

Ennanga 22:23

Nâlumîza irenge ly’izîno lyâwe ekarhî ka bene wîrhu, nnankukuze omu ndêko y’olubaga.

Ennanga 22:27

Abakenyi nabo bâlya banayîgurhe, n’abalongereza Nyakasane, kukuza bâmukuza, emirhima yâbo elame ensiku n’amango.

Mateyo 9:8

Erhi abantu babona ntyo bayôboha, banarhondêra bahà Nnâmahanga obukuze, owahire abantu obuhashe bungana aho.

Luka 12:1

Erhi engabo nyinji emuzunguluka, ciru baguma bakalabarha abandi, arhondêra okubwîra abaganda bâge, erhi: «Mumanye engezo y’Abafarizeyi, bwo bulyâlya.

Luka 15:32

“Ci kwàli kurhuyâmânîne okujira olusiku lukulu n’okushagaluka, bulya mulumuna wâwe àli afîre, lêro afûsire; àli ahezire, lêro abonesire!”»

Yowane 12:24

Okuli, okuli, mmubwîzire, nka mbeke y’engano erharhogîri omu budaka ekanafâ, enayôrhe yône; ci ekafà, lyo eburha mburho nyinji.

Ebijiro 11:18

Erhi bayumva ntyo, barhûlûla, banacikuza Nyamuzinda; mpu: «Nêci, abapagani nabo, “Nyamuzinda abahîre obucîyunjuze bwabahisa oku buzîne!”».

Ebijiro 15:1

Okuhandi, bantu baguma barhengaga e Yudeya bakâyigîriza bene wîrhu, mpu: «Mukabà murhakembwîrwi nka kulya Mûsa arhegesire, murhankacunguka».

Ebijiro 15:24

“Rhwayumvîrhe mpu bantu baguma b’eno mwîrhu badwîrhe bakaderha ebinwa by’okummuhiramwo akavulindi n’okumufudusa emirhima, n’obwo rhurhabarhumaga”.

Ebijiro 15:5

Lêro, baguma barhengaga omu Bafarizeyi, bâli bakola bemêzi, banaciyimanga, bàderha, mpu: «Kukwânîne bakembûlwe banashimbe amarhegeko ga Mûsa».

Ebijiro 2:41

Abayankirire akanwa kâge banacibatizibwa. N’olwo lusiku bantu bihumbi nka bisharhu bajà omu bashimbûlizi ba Kristu.

Ebijiro 22:3

«Nie ono ndi Muyahudi, naburhiragwa e Tarsi, omu Silisiya, ci kwônene mw’ecîra cishagala nalereragwa oku bibero bya Gamaliyeli; nayigîrizibwa bwinjinjà amarhegeko ga bashakulûza, nanabà ntwâli omu bya Nyamuzinda nk’okûla mweshi muli ene.

Ebijiro 4:21

Erhi babà bamâshub’ibakalihira, babalika, bulya bâli bahabire oku bankabahana erhi lubaga lurhuma, kulya kubà boshi bakâg’ikuza Nnâmahanga kw’eco cijiro.

Ebijiro 4:4

Ci banji muli balya bâli bayumvîrhe ebyo binwa bayêmêra. Ntyo abemêzi bahika omu bihumbi nka birhanu: balume abo bône.

Ebijiro 6:7

Akanwa ka Nnâmahanga kalanda, n’abaganda bayûshûka bwenêne omu Yeruzalemu; ciru n’abadâhwa banji bàshimba obuyêmêre.

Barom 10:2

Nêci mpamîrizize oku bashîbirira Nnâmahanga, ci obushiru bwâbo burhali oku bushingânîne okubà.

Bagalasiya 1:14

Omu idini ly’Abayahudi, nalusha bîrhu banji rhwakulaga rhweshi, bulya ntâye wampimaga okusêra oku ngeso za bashakulûza.

Bagalasiya 1:24

Bakakuza Nnâmahanga erhi nie ntuma.

2 Tesalonika 1:10

olusiku ayisha mpu akuzibwe omu batagatîfu bâge, anabè cirhangâzo omu ngasi bamuyêmîre boshi. Ninyu mwayêmîre obujà-bugo bwîrhu!