Ebijiro 2:39 - BIBLIYA NTAGATIFU OMU MASHI

³⁹ “Bulya amalaganyo gali ginyu n’abâna binyu na ngasi boshi bali kuli, balya boshi Nyakasane Nyamuzinda wîrhu ânahamagale”».

Ebijiro 2:39 ပူးပေါင်းရင်းမြစ်များ

Izaya 44:3

Bulya nkola nabulagira amîshi oku cihugo cifîre n’ecûmwe, nnampuluze enyîshi omu budaka buyûmûsire. Nabulagira omûka gwâni oku bûko bwâwe, n’obwangà bwâni oku iburha lyâwe.

Izaya 54:13

Bagala bâwe boshi babà baganda ba Nyakasane, n’omurhûla gw’abâna bâwe gwabà murhûla munene.

Izaya 57:19

Nâbahà okukaz’iderha omu kanwa kâbo, mpu: «Buholo! buholo oku bali kuli n’oku bali hôfi, kwo adesire Nyakasane! Nêci, nâbafumya!»

Izaya 59:19

Kurhenga ebuzikiro bw’izûba barhînya izîno lya Nyakasane, n’irenge lyâge kurhenga ebuzûk’izûba, bulya kwo ayisha nka lwîshi luhumbarhaze lwayisha lwatundugurhwa n’omûka gwa Nyakasane.

Izaya 59:20

Omuciza wa Siyoni amâyisha, al’iciza balya bene Yakôbo baleka obugoma bwâbo, Nyakasane okudesire.

Izaya 65:23

Barhakacirhamira busha, barhanakaciburhira mishîbo; ci bwâbà bûko bw’abagishwa ba Nyakasane, bo n’abâna bâbo.

Ezekiyeli 37:25

Babere omu cihugo nahâga mwambali wâni Yakôbo, n’omu b’îshe wâbo bayûbakaga, babêramwo boshi n’abâna bâbo, ciru n’abâna bâbo ensiku zoshi na mwambali wâni Daudi âbà ye mwâmi ensiku zoshi.

Ebijiro 10:45

Abemêzi boshi b’omu Buyahudi bâli balusize Petro, barhangâla erhi babona oku enshôkano ya Mûka Mutagatîfu yahâbirwe abapagani nabo.

Ebijiro 14:27

Erhi bahika, bahamagala e Ekleziya, babà­ganîrira ehi Nyamuzinda ajizire byoshi n’amaboko gâbo, na kurhi ayiguliraga abapagani olumvi lw’empingu.

Ebijiro 15:14

“Simoni anahugwîre kurhi, kurhenga omurhondêro, Nyamuzinda acîshogaga omu bapagani omurhwe gw’okukombêra Izîno lyâge”.

Ebijiro 15:3

Ekleziya yabalusa, batwîkanya omu Fenisiya n’omu Samâriya, bajà baganîra kurhi abapagani badwîrhe bayankirira obuyêmêre, na ntyo, balêrhera bene wîrhu boshi obusîme.

Ebijiro 15:8

Na Nyamuzinda oyishi emirhima abahire obuhamîrizi erhi abashobôza Mûka Mutagatîfu akîrhu.

Barom 11:29

Bulya Nyamuzinda akashobôza omuntu n’akamuhamagala, arhacigalula akanwa kâge.

Barom 8:30

n’abarheganyize, àbahamagîre; n’abahamagîre, abajizire bêru-kwêru, n’abajizire bêru-kwêru, abahîre obukuze.

Barom 9:24

N’ebyo biremwa by’olukogo byo rhwe ahamagalaga, arhali omu Buyahudi bône, ci n’omu bapagani.

Barom 9:4

bo bene-Israheli: bo Nyamuzinda acîshozire mpu babè bâna bâge anayêrakane irenge lyâge muli bo; bo bahîrwe endagâno n’amarhegeko n’emigenzo y’okukolera Nyamuzinda n’eciragâne câge.

1 Bakorinti 7:14

Bulyâla omulume orhali mwemêzi acêsîbwe na mukâge, n’omukazi orhali mwemêzi acêsîbwe n’ibà oli mwemêzi. Acibâga birhali ntyo, rhinga abâna binyu bazinzire. Ci buno bali bacêse.

Befezi 1:18

Mâshi a­mmumolekere amasù g’omurhima, mubone bulangâlire buci mwahamagalîrwe na buhirhi buci bw’irenge akashambala kâge kammubîkîre omu karhî k’abatagatîfu,

Befezi 2:12

kengêri oku ago mango murhagwêrhe Kristu, mwâli bakagwa omu ishanja ly’Israheli, ntà cigabi mwagwêrhe omu ndagâno Nnâmahanga alagânaga, mwâli mbula-bulangâlire na mbula-Nyamuzinda en’igulu.

Befezi 4:4

Omubiri guli muguma na Mûka Mutatagatîfu ali muguma; n’obulangâlire mwahamagirwemwo na­bwo buli buguma.

Lushika 29:15

Nêci, murhahabiri bahi rhwàli haguma nabo omu cihugo c’e Mîsiri, na bahi rhwageziremwo aga mashanja murhalusire.

2 Tesalonika 1:11

Okwo kwo kurhuma rhurhahusa okummusengerera, nti Nyamuzinda wîrhu ammujire bantu bakwânîne eci ammuhamagaliraga, abayunjuze n’obuhashe bwâge emihigo yinyu yoshi y’okujira aminjà n’emikolo y’obuyêmêre bwinyu;

2 Timoteyo 1:9

ye warhucungulaga, arhuhamagala anacirhwîshoga mpu rhubè batagatîfu, arhali oku lugero lw’ebijiro bîrhu, ci oku lugero lw’obulonza bwâge yêne n’engalo yâge. Eyo nshôkano rhwashobôlaga kurhenga emyâka n’emyâka muli Kristu Yezu,

Bahabraniya 3:1

Ntyo, bene wîrhu batagatîfu, mwe mushangîre enshôkano y’empingu, mulolekwo Yezu, ye mujà-bugo ye na mudâhwa mukulu w’obuyêmêre bwîrhu.

Bahabraniya 9:15

Eco co cirhumire àbà mulagizi w’endagâno mpyâhya, ànafîre mpu azâze ebyâha byàkolagwa amango g’endagâno ntanzi, lyo abarhôle bayîma omu bwâmi bw’ensiku n’amango bàlaganyibagwa.

1 Petro 5:10

Na hano mubà mwamâlibuzibwa kasanzi katyunguli, Nyamuzinda w’enshôkano zoshi wammuhamagalaga okushangîra irenge lyâge ly’ensiku n’amango muli Kristu Yezu, yêne âmmuyumanyanya âmmukomeze, âmmuzibuhya anammujire ntadundagana.

2 Petro 1:10

Kuziga mucîhangânage, bene wîrhu, okuzibuha omu kuhamagalwa n’omu kucîshogwa kwinyu; erhi mwankakajira ntyo ntà mango mwânahirime.

2 Petro 1:3

Nêci, obuhashe bwâge bwa Nyamuzinda bwarhushobôzize ngasi byoshi bikwânîne obuzîne n’obushîbirizi, omu kurhumanyîsa Olya warhuhamagalaga n’irenge n’emisî yâge.

Mafulûlo 17:14

Bayish’ilwîsa Omwâna-buzi, ci Omwâna-buzi âbahima, bulya ye «Nyakasane wa banyakasane, ye Mwâmi w’abâmi, n’abâli boshi naye nabo bâhime, bo bahamagîrwe, bo bîshogwa, bona bemêzi».

Mafulûlo 19:9

Malahika anacimbwîra, erhi: «Yandika: Iragi lyâbo abahamagîrwe mpu baj’irya oku buhya bw’Omwâna-buzi!» Ashub’imbwîra, erhi: «Ebyo binwa biri bya Nyamuzinda, birhali bya bunywesi».