Ebijiro 2:33 - BIBLIYA NTAGATIFU OMU MASHI

³³ “N’erhi okulyo kwa Nyamuzinda kubà kwamamukuza, Îshe amuhà Mûka Mutagatîfu alaganyagya, anamurhuma. Ebyo byo mudwîrhe mwabona, byo munadwîrhe mwayumva”.

Ebijiro 2:33 ပူးပေါင်းရင်းမြစ်များ

Ennanga 118:16

Kulyo kwa Nyakasane kwanzûsize, mpu: «Okulyo kwa Nyakasane kirumè kwakozire.»

Ennanga 89:19

Bulyâla empenzi ya Nyakasane yo rhwalamamwo, n’Omutagatîfu w’Israheli arhuhîre omwâmi wîrhu.

Ennanga 89:24

Abashombanyi bâge nabatuntuma anabona n’abanzi bâge boshi kushemba nabashemba.

Izaya 52:13

Alà oku Omurhumisi wâni abà n’omugisho omu majira gâge, ayûshûka, akula anaj’irenge bwenêne.

Izaya 53:12

Co cirhumire namugabira omwandu gw’abantu, âgabâna omunyago bo na baciri-misî, bulya acîhânyire kuhika okufà anaganjirwa omu banyankola-maligo. Abarhwîre ebyâha by’omwandu gw’abantu, anasengerera abanya-byâha.

Mateyo 28:18

Yezu anacibashegeraho, ababwîra, erhi: «Obuhashe bwoshi bw’omu mpingu n’obw’igulu nabuhîrwe.

Marko 16:19

Erhi Mwâmi Yezu ayûs’ibabwîra ntyo, anacihêkwa emalunga, abwârhala ekulyo kwa Nyamuzinda.

Luka 24:49

“Nkolaga nâni nammurhumira olya walaganyibagwa na Larha”. “Mwêhe mubêre muli cino cishagala kuhika mubwîkwe n’obuzibu bw’enyanya!”»

Yowane 14:16

Nâni nayîsh’ishenga Larha ammuhè owundi murhulirizi wabêra ninyu ensiku zoshi.

Yowane 14:26

“Ci Omurhulirizi, Mûka Mutagatîfu, Larha ârhuma oku izîno lyâni, ye wayish’immuyigîriza byoshi anammukengêze ebinammubwîzire byoshi.

Yowane 15:26

“Mango Omu­rhûlirizi nâmmurhumira kurhenga emwa Larha ayisha, ye Mûka gw’okunali, ohubuka kuli Larha, ayish’impamîriza”.

Yowane 17:5

Larha, nâwe onkuzagye buno, onampè lirya irenge nayôrhaga njira e­mwâwe embere igulu liremwe.

Ebijiro 1:4

Lêro anacibà adwîrhe alya haguma nabo, ababwîra mpu barharhengaga omu Yeruzalemu, ci mpu balindireyo eci Îshe abalaganyagya, erhi: «Kulya mwayumvagya nammubwîra, nti:

Ebijiro 10:45

Abemêzi boshi b’omu Buyahudi bâli balusize Petro, barhangâla erhi babona oku enshôkano ya Mûka Mutagatîfu yahâbirwe abapagani nabo.

Ebijiro 2:17

Omu nsiku nzinda, Nnâmahanga okudesire, nâlumîza Omûka gwâni oku bantu boshi. Obwo bagala binyu na bâli binyu bânalêbe; abasole bânabonekerwe, n’abashozi bâbone ebilôrho,

Ebijiro 5:31

Y’oyo ye Nnâmahanga, oku buhashe bw’okulyo kwâge, ajizire mwâmi na Muciza, mpu lyo Israheli acîyunjuza anababalirwe ebyâha.

Barom 5:5

n’obo bulangâlire burhabonêsa nshonyi, bulya obuzigire bwa Nyamuzinda bwabulagîrwe omu mirhima yîrhu na Mûka Mutagatîfu rhwahâbagwa.

Bagalasiya 3:14

Byabîre ntyo mpu lyo omugisho gw’Abrahamu guhika oku bapagani muli Yezu Kristu, lyo rhunahâbwa Mûka Mutagatîfu rhwalaganyibagwa erhi buyêmêre burhuma.

Befezi 1:13

Ninyu kwo na kwo, erhi muyûs’iyumva oluderho lw’okuli, yo Myanzi y’Akalembe k’obuyôkoke bwinyu, n’erhi mubà mwamâyêmêra, muli ye mwahirwakwo ecimanyîso ca Mûka Mutatagatîfu mwalaganyibagwa.

Befezi 4:8

Kwo Amandiko gadesire, mpu: Arheremîre emalunga, ahêka abà­bôhe, agabira abantu enshôkano.

Tito 3:6

N’oyo Mûka Mutagatîfu amuyunjuzize emirhima yîrhu erhi Omuciza wîrhu Yezu Kristu orhuma,

Bahabraniya 10:12

Yêhe erhi àbà amârherekêra burherekêre buguma bwône oku byâha, agend’icîtamalira oku nsiku n’amango ebwa kulyo kwa Nyamuzinda,

Bahabraniya 2:9

Ci olya warhangag’ijirwa munyi kuli bamalahika, Yezu, y’oyo okolaga ayambîrhe ishungwè ly’irenge n’obukuze, bulyâla ababîre anafà. Kwanali kukwânîne arhang’ifà, lukogo lwa Nyamuzinda na bunguke bwa ngasi muntu birhumire.

1 Petro 1:21

Ye igwârhiro ly’obuyêmêre bwinyu muli Nnâmahanga wamufûlaga omu bafîre anamujîsa irenge, mpu lyo Nyamuzinda abà ye buyêmêre na bulangâlire bwinyu.

1 Petro 3:22

ye bwârhîre ebwa kulyo kwa Nyamuzinda erhi abà amarheremera empingu, n’erhi abà amâhira bamalahika n’amâmi n’amahashe idako ly’oburhegesi bwâge.