Ebijiro 2:3 - BIBLIYA NTAGATIFU OMU MASHI

³ Babona orhumole rhuli nka ndimi za muliro; rhwacîgaba, rhwanayish’ikâgwa oku irhwe lya ngasi muguma.

Ebijiro 2:3 ပူးပေါင်းရင်းမြစ်များ

Murhondêro 11:6

Nyamuzinda anaciderha erhi: «Alà oku boshi bali lubaga luguma banagwêrhe iderha liguma, ogwôla gwo murhondêro gw’eyi mikolo yâbo. Na bunôla ntà muhigo gwâbo gwakabula buyunjula kuli bo.

Ennanga 55:9

Nanayirukira nalonza aha nacibundika, aha nayâkira empûsi n’omulaba.

Izaya 6:5

Nanaciderha obwo, nti: «Namâjâkwo obuhanya! Lêro namâhera! Bulya ndi muntu wa kanwa kazinzire, olubaga mbâmwo luli lwa kanwa kazinzire. n’amasù gâni ganabul’isinza­ kwo Mwâmi Nyamuzinda w’Emirhwe!»

Yeremiya 23:29

K’akanwa kâni karhali nka muliro? Yekudesire Nyakasane. Ka karhali nka nyundo yashenyula ibuye?

Mateyo 3:11

“Niehe ndwîrhe nammubatiza n’amîshi, nti lyo mucîyunjuza. Ci kwônene owâyisha enyuma zâni andushire, ntakwânîni okumushwêkûla enkwêrho: ye wâmmubatize muli Mûka Mutagatîfu n’omu Muliro”.

Mateyo 3:15

Yezu erhi amushuza, amubwîra, erhi: «Orhang’ireka, bulya kurhukwânîne rhuyunjuze ngasi bishingânîne». Okuhandi Yowane amuleka.

Luka 24:32

Banacijânamwo, mpu: «Ewa! k’emirhima yîrhu erhakag’iyâka ene akarhuganîza omu njira n’okurhuhugûlira Amandiko?»

Ebijiro 1:15

Mw’ezo nsiku, Petro anaciyimanga ekarhî k’abâbo, eyo ndêko yali ya bantu nk’igana na makumi abiri, ababwîra, erhi:

Ebijiro 2:11

Abayahudi n’abashimbûlizi, Abakreti n’Abaharâbu, rhweshi rhweshi rhudwîrhe rhwayumva baderha ebirhangâzo bya Nnâmahanga omu ndimi zîrhu».

Ebijiro 2:2

Caligumiza, ecihôgêro ciri nka cihôgêro ca mpûsi ndârhi camanuka oku nkuba, cayunjuza enyumpa bàlimwo.

Ebijiro 2:4

Boshi banaciyunjula Mûka Mutagatîfu, barhondêra okushambâla ezindi ndimi, nk’oku Mûka Mutagatîfu akâg’ibabwîra.

1 Bakorinti 12:10

Hali owahabirwe obuhashe bw’okujira ebisômerîne, n’owundi ahâbwa enshôkano y’obulêbi; baguma bahîrwe enshôkano y’okumanya ebiri omu murhima, abandi enshôkano y’okumanya endimi, n’abandi enshôkano y’okuzihugûla.

Yakôbo 3:6

Olulimi nalwo gubà muliro, ebà nshôko y’obubî. Olulimi lubà aha kâgarhî k’emishaya yîrhu, luyahukiza omubiri gwoshi, lunahire engulumira omu buzîne bwîrhu bw’en’igulu, nk’oku lwône lugulumira n’omuliro gw’omu nyenga y’omuliro.

Mafulûlo 11:3

Nkolaga nahà abahamîrizi bâni bombi obuhashe, bashinge nsiku cihumbi na magana abiri na nsiku makumi gali-ndarhu balêba banacîhundikîre emibalabala».

Mafulûlo 14:6

Nanacibona owundi Malahika ayish’alembêra omu nkuba-karhî, erhi a­dwîrhe omwanzi gw’akalembe gw’ensiku n’amango, mpu agubwîre abantu b’igulu, na ngasi mulala, na ngasi bûko, na ngasi lulimi, na ngasi ishanja.