Ebijiro 2:1 - BIBLIYA NTAGATIFU OMU MASHI

¹ Boshi bâli bacîgushire baguma erhi olusiku lwa Pentekoste luyisha.

Ebijiro 2:1 ပူးပေါင်းရင်းမြစ်များ

2 Nganîro 30:12

Ci kwônene abantu b’omu Yûda, Nyamuzinda abahà murhima muguma gw’okuyumva n’okushimba irhegeko lya mwâmi. N’ery'abarhambo, nk’oku kanadesire akanwa ka Nyamubâho.

2 Nganîro 5:13

Boshi kuguma, abakazagibûha emishekera n’abakazâg’iyimba, bakazihubuliza n’izù liguma omu kuharâmya n’okukuza Nyamubâho, bashekêreza emishekera, emijegereza, n’ebindi byoshi by’ebizihwa byadogoma, baharâmya Nyamubâho, bakaziderha mpu: «Bulya ali mwinjà, bulya obwonjo bwâge buli bw’ensiku n’amango!» Okubundi enyumpa ya Nyamubâho yoshi yayunjulira citù.

Ennanga 133:1

Lwimbo lwa kusôka. Lwa Daudi. Alà nka kwayinjiha, alà nka kwanuna, okubêra haguma cinyabuguma kw’abalondana.

Lubungo 23:16

Okâjira olusiku lukulu lw’emyâka mirhanzi-rhanzi y’omu maboko gâwe, lw’ebi warhwêraga omu mashwa. N’olusiku lukulu lw’okusârûla, aha buzinda bw’omwâka, amango wahûmbûle amalehe gw’omukolo gw’omu mashwa gâwe.

Lubungo 34:22

“Okazijira olusiku lukulu lw’Emigobe, lwo lw’emyâka mirhanzi-rhanzi y’engano, n’olusiku lukulu lw’okusârûla aha buzinda bw’omwâka”.

Yeremiya 32:39

“Nkola nâshubibahà murhima muguma na ngeso nguma, lyo bashubinkenga lwoshi, nâbahà oluhembo na buzinda abâna bâbo”.

Sofoniya 3:9

«Okubundi obwo nâyishihindula amashanja, ncêse orhunwa rhwâbo: bâkazimparâmya, niono Nyakasane, banangashânize boshi n’omurhima muguma.

Ebijiro 1:5

“Yowane akâg’ibatiza n’amîshi, ci mwêhe, hano kugera nsiku nsungunu, mwâbatizibwa muli Mûka Mutagatîfu.”»

Ebijiro 1:8

ci Mûka Mutagatîfu ammuyandagalira, ammuhè n’emisî y’enyanya; na ntyo mubè bahamîrizi bâni omu Yeruzalemu, n’omu Yudeya yoshi, n’omu Samâriya, na kuhika aha igulu lihekera»,

Ebijiro 2:46

Ngasi lusiku n’omurhima muguma, bakômeraga okujà omu ka-Nyamuzinda, banakâg’ibega omugati omu mwa bâbwè, bakâlya ebiryo byâbo omu bushagaluke, buzira murhima gw’obulyâlya.

Ebijiro 20:16

Paolo àli ahizire oku arhayimanga e Efezi, mpu lyo alek’ilegama omu Aziya; akâg’ikanya mpu kukahashikana aj’ijirîra olusiku lwa Pentekoste e Yeruzalemu.

Ebijiro 4:24

Erhi bayûs’iyumva, boshi ba­bwîra Nnâmahanga caligumiza n’izù linene, mpu: «Yâgirwa, we walemaga amalunga n’igulu n’enyanja na ngasi bibâmwo byoshi;

Ebijiro 4:31

Erhi babà badwîrhe bashenga, aha bâli hageramwo omusisi: boshi banaciyunjula Mûka Mutagatîfu, banarhondêra okuyigîriza akanwa ka Nnâmahanga buzira bwôba.

Ebijiro 4:32

Omurhima gw’olubaga lw’abemêzi gwàli muguma n’enkengêro zâbo zàli nguma. Ntâye wakâg’iderha ehi agwêrhe mpu hyâge, ci ngasi byoshi hyàli hya boshi.

Ebijiro 5:12

Entumwa zàkâg’ijira ebimanyîso n’ebisômerîne binji omu lubaga. Boshi haguma bakâg’ibêra omu mbaraza ya Salomoni,

Barom 15:6

lyo mweshi haguma n’omurhima muguma n’izù liguma, muhà Nyamuzinda n’Îshe wa Nnawîrhu Yezu irenge.

1 Bakorinti 16:8

Ci kwône nâbêra e Efezi kuhika Pentekoste;

Bafilipi 1:27

Kwônene mubè n’olugendo lushingânîne Emyanzi y’Akalembe ya Kristu. Mbè nyishir’ibonana ninyu, mbè mbêzire kulî ninyu, nalonza nyumve oku haguma mulukira, n’oku omurhima gwinyu guli muguma omu kulwîra obuyêmêre bw’Emyanzi y’Akalembe;

Bafilipi 2:2

muhire ishwinjiro oku busîme bwâni omu kukalukira haguma: mubè na buzigire buguma, na murhima muguma, na nkengêro nguma.